ಪಾಠ 48

ಒಳ್ಳೇ ಸ್ನೇಹಿತರನ್ನ ಮಾಡಿಕೊಳ್ಳಿ

ಮುದ್ರಿತ ಸಂಚಿಕೆ

ಒಳ್ಳೇ ಸ್ನೇಹಿತರು ಕಷ್ಟದಲ್ಲೂ ಸುಖದಲ್ಲೂ ನಮ್ಮ ಜೊತೆ ಇರುತ್ತಾರೆ. ಆದರೆ ಎಲ್ಲರೂ ಒಳ್ಳೇ ಸ್ನೇಹಿತರಾಗಿರಲ್ಲ ಅಂತ ಬೈಬಲ್‌ ಹೇಳುತ್ತೆ. ಹಾಗಾದ್ರೆ ಒಳ್ಳೇ ಸ್ನೇಹಿತರನ್ನ ಮಾಡಿಕೊಳ್ಳೋದು ಹೇಗೆ? ಅದರ ಬಗ್ಗೆ ನಾವೀಗ ನೋಡೋಣ.

1. ಒಳ್ಳೇ ಸ್ನೇಹಿತರನ್ನ ಮಾಡಿಕೊಳ್ಳೋದು ಯಾಕೆ ಪ್ರಾಮುಖ್ಯ?

ನಾವು ಒಳ್ಳೆಯವರ ಜೊತೆ ಸಹವಾಸ ಮಾಡಿದ್ರೆ ಒಳ್ಳೆಯವರಾಗುತ್ತೇವೆ. ಕೆಟ್ಟವರ ಜೊತೆ ಸಹವಾಸ ಮಾಡಿದ್ರೆ ಕೆಟ್ಟವರಾಗುತ್ತೇವೆ. ಒಬ್ಬರ ಜೊತೆ ನೇರವಾಗಿ ಸಹವಾಸ ಮಾಡಿದ್ರೂ ಅಥವಾ ಇಂಟರ್‌ನೆಟ್‌ ಮೂಲಕ ಸಹವಾಸ ಮಾಡಿದ್ರೂ ಈ ಮಾತು ನಿಜ. ಅದಕ್ಕೇ ಬೈಬಲ್‌, “ವಿವೇಕಿ ಜೊತೆ ಸಹವಾಸ ಮಾಡುವವನು ವಿವೇಕಿ ಆಗ್ತಾನೆ, ಮೂರ್ಖನ ಜೊತೆ ಸೇರುವವನು ಹಾಳಾಗಿ ಹೋಗ್ತಾನೆ” ಅಂತ ಹೇಳುತ್ತೆ. (ಜ್ಞಾನೋಕ್ತಿ 13:20) ಯೆಹೋವನನ್ನು ಪ್ರೀತಿಸುವ ಮತ್ತು ಆರಾಧಿಸುವ ಸ್ನೇಹಿತರು, ನಾವು ದೇವರಿಗೆ ಆಪ್ತರಾಗೋಕೆ ಮತ್ತು ಒಳ್ಳೇ ನಿರ್ಣಯಗಳನ್ನ ಮಾಡೋಕೆ ಸಹಾಯ ಮಾಡ್ತಾರೆ. ಆದರೆ ಯೆಹೋವನನ್ನು ಪ್ರೀತಿಸದ ವ್ಯಕ್ತಿಗಳನ್ನ ಆಪ್ತ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ನಾವು ಯೆಹೋವನಿಂದ ದೂರ ಹೋಗಿಬಿಡಬಹುದು. ಹಾಗಾಗಿ ನಮ್ಮ ಸ್ನೇಹಿತರನ್ನ ಜಾಣ್ಮೆಯಿಂದ ಆಯ್ಕೆಮಾಡಬೇಕು ಅಂತ ಬೈಬಲ್‌ ಹೇಳುತ್ತೆ. ಯಾಕಂದ್ರೆ ನಾವು ದೇವರನ್ನ ಪ್ರೀತಿಸುವ ವ್ಯಕ್ತಿಗಳನ್ನ ಸ್ನೇಹಿತರಾಗಿ ಮಾಡಿಕೊಂಡರೆ ನಮಗೂ ಅವರಿಗೂ ಪ್ರಯೋಜನ ಆಗುತ್ತೆ. ನಾವು, “ಒಬ್ರನ್ನೊಬ್ರು ಪ್ರೋತ್ಸಾಹಿಸ್ತಾ, ಬಲಪಡಿಸ್ತಾ” ಇರೋಕೆ ಅದು ನಮಗೆ ಸಹಾಯ ಮಾಡುತ್ತೆ.—1 ಥೆಸಲೊನೀಕ 5:11.

2. ನಮ್ಮ ಸ್ನೇಹಿತರ ಬಗ್ಗೆ ಯೆಹೋವನಿಗೆ ಹೇಗನಿಸುತ್ತೆ?

ಯೆಹೋವ ದೇವರು ತನ್ನ ಸ್ನೇಹಿತರನ್ನ ತುಂಬ ಜಾಗ್ರತೆಯಿಂದ ಆರಿಸಿಕೊಳ್ಳುತ್ತಾನೆ. “ಆತನು ಪ್ರಾಮಾಣಿಕನ ಆಪ್ತ ಸ್ನೇಹಿತ” ಅಂತ ಬೈಬಲ್‌ ಹೇಳುತ್ತೆ. (ಜ್ಞಾನೋಕ್ತಿ 3:32) ಯೆಹೋವ ದೇವರನ್ನ ಪ್ರೀತಿಸದ ಜನರನ್ನ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ಆತನಿಗೆ ತುಂಬ ಬೇಜಾರಾಗುತ್ತೆ! (ಯಾಕೋಬ 4:4 ಓದಿ.) ಆದರೆ ನಾವು ಕೆಟ್ಟವರ ಸಹವಾಸ ಮಾಡದೆ, ಯೆಹೋವ ದೇವರನ್ನ ಪ್ರೀತಿಸುವವರನ್ನೇ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ಆತನಿಗೆ ಖುಷಿಯಾಗುತ್ತೆ. ಅಷ್ಟೇ ಅಲ್ಲ ಆತನು ನಮ್ಮನ್ನೂ ತನ್ನ ಸ್ನೇಹಿತರನ್ನಾಗಿ ಮಾಡಿಕೊಳ್ಳುತ್ತಾನೆ.—ಕೀರ್ತನೆ 15:1-4.

ಹೆಚ್ಚನ್ನ ತಿಳಿಯೋಣ

ನಾವು ಯಾರನ್ನ ಸ್ನೇಹಿತರನ್ನಾಗಿ ಮಾಡಿಕೊಳ್ಳುತ್ತೇವೆ ಅನ್ನೋದು ಯಾಕೆ ಮುಖ್ಯ ಅಂತ ತಿಳಿಯಿರಿ. ನಾವು ಒಳ್ಳೇ ಸ್ನೇಹಿತರನ್ನ ಹೇಗೆ ಮಾಡಿಕೊಳ್ಳಬಹುದು ಅಂತ ನೋಡಿ.

3. ಕೆಟ್ಟ ಸಹವಾಸದ ಬಗ್ಗೆ ಎಚ್ಚರವಾಗಿರಿ

ದೇವರನ್ನ ಮತ್ತು ಆತನ ನೀತಿನಿಯಮಗಳನ್ನ ಪ್ರೀತಿಸದೆ ಇರುವವರ ಸಹವಾಸನೇ ಕೆಟ್ಟ ಸಹವಾಸ. ವಿಡಿಯೋ ನೋಡಿ, ನಂತರ ಪ್ರಶ್ನೆಯನ್ನ ಚರ್ಚಿಸಿ.

ವಿಡಿಯೋ: ಕೆಟ್ಟ ಸಹವಾಸವನ್ನು ತಿರಸ್ಕರಿಸಲು ಕಲಿಯಿರಿ (6:17)

ನಮಗೆ ಗೊತ್ತಿಲ್ಲದೆ ನಾವು ಹೇಗೆ ಕೆಟ್ಟ ಸಹವಾಸ ಮಾಡುವ ಸಾಧ್ಯತೆ ಇದೆ?

1 ಕೊರಿಂಥ 15:33 ಓದಿ, ನಂತರ ಈ ಪ್ರಶ್ನೆಗಳನ್ನ ಚರ್ಚಿಸಿ:

ಎಂಥ ವ್ಯಕ್ತಿಗಳನ್ನ ಸ್ನೇಹಿತರನ್ನಾಗಿ ಮಾಡಿಕೊಂಡರೆ ಕೆಟ್ಟ ಸಹವಾಸ ಆಗಬಹುದು? ಯಾಕೆ ಹಾಗೆ ಅನಿಸುತ್ತೆ?

ಕೀರ್ತನೆ 119:63 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

ಒಬ್ಬ ವ್ಯಕ್ತಿ ಒಳ್ಳೇ ಸ್ನೇಹಿತನಾ ಅಲ್ವಾ ಅಂತ ಹೇಗೆ ಕಂಡುಹಿಡಿಯಬಹುದು?

ಒಂದು ಪಾತ್ರೆಯಲ್ಲಿ ಸೇಬು ಹಣ್ಣುಗಳಿವೆ. ಅದರಲ್ಲಿ ಒಂದು ಹುಳುಕಾಗಿದೆ, ನೊಣಗಳು ಅದರ ಮೇಲೆ ಹಾರುತ್ತಿವೆ ಮತ್ತು ಆ ಹಣ್ಣು ಬೇರೆ ಹಣ್ಣುಗಳನ್ನು ಹಾಳುಮಾಡೋಕೆ ಶುರುಮಾಡಿದೆ. — ಹುಳುಕಾಗಿರುವ ಒಂದು ಸೇಬು ಹಣ್ಣು ಉಳಿದ ಎಲ್ಲಾ ಹಣ್ಣುಗಳನ್ನ ಹಾಳುಮಾಡುತ್ತೆ. ಅದೇ ತರ ಕೆಟ್ಟ ಸಹವಾಸ ಮಾಡೋದ್ರಿಂದ ನಿಮಗೇನಾಗುತ್ತೆ?

4. ನಿಮ್ಮ ಹಾಗೆ ಇಲ್ಲದೇ ಇರೋರು ಕೂಡ ಒಳ್ಳೇ ಸ್ನೇಹಿತರಾಗಲು ಸಾಧ್ಯ

ಬೈಬಲಿನಲ್ಲಿ ದಾವೀದ ಮತ್ತು ಯೋನಾತಾನರ ಬಗ್ಗೆ ಇದೆ. ಇವರಿಬ್ಬರ ವಯಸ್ಸು ಮತ್ತು ಹಿನ್ನೆಲೆ ಬೇರೆ ಬೇರೆಯಾಗಿತ್ತು. ಹಾಗಿದ್ರೂ ಅವರಿಬ್ಬರೂ ಆಪ್ತ ಸ್ನೇಹಿತರಾಗಿದ್ದರು. 1 ಸಮುವೇಲ 18:1 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

ನಾವು ಯಾಕೆ ನಮ್ಮ ವಯಸ್ಸು, ಹಿನ್ನೆಲೆ ಮತ್ತು ಅಂತಸ್ತಿನವರನ್ನ ಮಾತ್ರ ಸ್ನೇಹಿತರನ್ನಾಗಿ ಮಾಡಿಕೊಳ್ಳಬಾರದು?

ರೋಮನ್ನರಿಗೆ 1:11, 12 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

ಯೆಹೋವನನ್ನು ಪ್ರೀತಿಸುವ ಸ್ನೇಹಿತರು ಹೇಗೆ ಒಬ್ಬರನ್ನೊಬ್ಬರು ಪ್ರೋತ್ಸಾಹಿಸುತ್ತಾರೆ?

ಒಬ್ಬ ಸಹೋದರನಿಗೆ ಹೇಗೆ ಒಳ್ಳೇ ಸ್ನೇಹಿತರು ಸಿಕ್ಕಿದರು ಅಂತ ತಿಳಿಯಲು ವಿಡಿಯೋ ನೋಡಿ, ನಂತರ ಪ್ರಶ್ನೆಗಳನ್ನ ಚರ್ಚಿಸಿ.

ವಿಡಿಯೋ: ಎಲ್ಲೇ ಇದ್ರೂ ಒಳ್ಳೇ ಫ್ರೆಂಡ್ಸನ್ನು ಕಂಡುಕೊಳ್ಳಿ (5:06)

ಶಾಲೆಯಲ್ಲಿ ಅಖಿಲ್‌ ಮಾಡುತ್ತಿದ್ದ ಸಹವಾಸದ ಬಗ್ಗೆ ಅವನ ಹೆತ್ತವರಿಗೆ ಯಾಕೆ ಚಿಂತೆಯಾಗುತ್ತಿತ್ತು?
ಮೊದಮೊದಲು ಅಖಿಲ್‌ಗೆ ಅವರು ಒಳ್ಳೇ ಸ್ನೇಹಿತರು ಅಂತ ಯಾಕೆ ಅನಿಸಿತು?
ಒಂಟಿತನದಿಂದ ಹೊರಬರೋಕೆ ಅಖಿಲ್‌ಗೆ ಯಾವುದು ಸಹಾಯ ಮಾಡಿತು?