Ahe Kunci Kabahagiaatn Kaluarga?

AHE NANG ALKITAB NGATAATN

”Labih repo agiʼ urakng nang nangar pakataatn Allah man naatiʼnya!”​—Lukas 11:28, Bahasa Indonesia Masa Kini (BIMK).

MANFAATNYA UNTUK ANDA

Namuan cinta sajati.​—Efesus 5:28, 29.

Namu hormat nang tulus.​—Efesus 5:33.

Ngarasa aman man saling pucayaʼ.​—Markus 10:6-9.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada dua alasan:

• Allah koa pamuat kaluarga. Alkitab ngataatn ”satiap kaluarga . . . barutakng dama” kaʼ Allah Yehuwa. (Efesus 3:14, 15, Terjemahan Dunia Baru) Koa barati Yehuwa nang manjawat kaluarga. Ahe pangaruhnya kaʼ diriʼ?

  Coba pikiriʼ: Kadeʼ Kitaʼ makatn ampahatn nang nyaman pasti maoʼ nauan ahe bumbunya, kaʼ sae Kitaʼ batanyaʼ? Pasti kaʼ urakng nang nyumannya.

  Ampakoa ugaʼ untuʼ nauan bumbu kabahagiaatn kaluarga, diriʼ tantu mintaʼ pantojok kaʼ ­Yehuwa, nang mamuat kaluarga.​—Kejadian 2:18-24.

• Allah paduli kaʼ diriʼ. Kaluarga-kaluarga sabaiknya mintaʼ pantojok Yehuwa, nang ada kaʼ Alkitab. Ngahe? ”Sabab Ia paduli kaʼ diriʼ.” (1 Petrus 5:6, 7, BIMK) Yehuwa ngarapatn nang batol gagas untuʼ diriʼ, patuahnya salalu mampan!​—Amsal 3:5, 6; Yesaya 48:17, 18.