Manurut Kitaʼ Ampahe Masa Depan Diriʼ?

AHE NANG ALKITAB NGATAATN

”Allah . . . mao ngapus samua aiʼ mata diriʼ, man kamatiatn inaʼ ada agiʼ, ugaʼ inaʼ ada pakabongan man kampak kasakitatn, pakara-pakara nang areʼ dah langit.”​—Wahyu 21:3, 4, Terjemahan Baru.

GUNANYA UNTUʼ KITAʼ

Ngarasa puas man repo sabab samua pakarajaatn ada aselnya.​—Yesaya 65:21-23.

NInaʼ ada agiʼ pandaritaatn, panyakit man kamatiatn.​—Yesaya 25:8; 33:24.

Kaidupatn repo nang inaʼ tabatas man samilikatn, kamarkapala, man samua urakng.​—Mazmur 37:11, 29.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada dua alasan:

• Allah sanggup napatiʼ janjinya. Kaʼ Alkitab, hanya Allah Yehuwa nang disabut ”Mahakuasa”, sabab kuasanya inaʼ tabatas. (Wahyu 15:3) Ia pasti sanggup napatiʼ janji-Nya untuʼ ngarubah dunia nian jadi labih gagas. Alkitab ngataatn, ”Kaʼ Allah samuanya bisa.”​—Matius 19:26.

• Allah sidi maoʼ napatiʼ janji-Nya. Contohnya, Yehuwa ”reho” ngidupatnnaʼ urakng-urakng nang dah mati.​—Ayub 14:14, 15.

  Alkitab matakatn Yesus batol maoʼ nyamuhatn urakng nang sakit. (Markus 1:40, 41) Lea Allah, Yesus maoʼ sidi mantoʼ urakng nang susah.​—Yohanes 5:19.

  Diriʼ bisa pucayaʼ kaʼ Yehuwa man Yesus, kadeʼ kaʼ masa depan ana maoʼ mareʼ diriʼ kaidupatn nang repo!​—Mazmur 72:12-14; 145:16; 2 Petrus 3:9.