Sae Sabanarnya Panguasa Dunia Nian?

AHE NANG ALKITAB NGATAATN

”Setan nguasaiʼ saluruh dunia.”​—1 Yohanes 5:19, Bahasa Indonesia Masa Kini (BIMK).

”Yesus atakng . . . untuʼ ngancuratnnaʼ pakarajaatn Setan.”​—1 Yohanes 3:8, BIMK.

GUNANYA UNTUʼ KITAʼ

Nauan kadeʼ Setan-lah panyabab samua pandaritaatn nang ada kaʼ dunia.​—Penyingkapan (Wahyu) 12:12.

Pucayaʼ kadeʼ dunia nian ana bisa jadi labih gagas.​—1 Yohanes 2:17.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada talu alasan:

• Pangaruh Setan kaʼ masa depan ana nanaʼ ada agiʼ. Allah Yehuwa dah natapatnnya. Ia bakata mao ”ngalanyapatnnaʼ . . . Setan” man maikiʼ samua karusakatn nang dah setan pamuat.​—Ibrani 2:14, Terjemahan Dunia Baru.

• Allah dah milih Yesus untuʼ marentah dunia. Yesus sidi babeda man Setan nang kajam man mao manang babaro. Alkitab ngataatn Yesus ”kasih kaʼ urakng kodo man urakng nang mandarita . . . Ia mebasatnnaʼ urakng-urakng nang kana ­tindas diurakng lain”.​—Mazmur 72:13, 14, BIMK.

• Allah inaʼ pangalok. Alkitab ngataatn, ”Allah naʼ kalaʼ pangalok.” (Ibrani 6:18) Kadeʼ Yehuwa dah bajanji, koa pasti tajadi! (Yesaya 55:10, 11) ”Setan ditabakatnnaʼ kaʼ luas.”​—Yohanes 12:31.