Erisomo 9

Abaghombe ba Yehova Batholere Ibabya Bayitsotse

Busananaki thutholere eribya bayitsotse omwa mibere yosi? (1)

Kikamanyisayaki eribya bayitsotse omwa by’obunyakirimu? (2)

abayitsotse omwa syongeso? (3) abayitsotse omwa birengekanio? (4)

abayitsotse okwa mubiri? (5) Ni mibughe ki

eyithahenirye eyothuthatholere erikolesya? (6)

1. Yehova Omuhangiki ni muyitsotse kandi ni mubuyirire. Neryo anzire abakamuramaya ibabya ibane bayitsotse—omwa by’ekirimu, omwa syongeso, omwa birengekanio, n’omwa byo mubiri. (1 Petero 1:16) Kikayithayisaya akaghalha kanene erikalha ithune bayitsotse embere sya Yehova. Thwikere omwa kihugho ekitsandire. Kandi thuwithe amalhwa n’emibere yethu ithwibenebene eyikaleka ithwanza erikolha nabi. Aliriryo sithuleghulhe.

2. Obuyitsotse Omwa by’Ekirimu: Thwamabya thwanzire erikolera Yehova, sithwangabya thukinahambirire esyongangirirya kutse emirwa eye syo dini esy’amabehi. Anguli ithwalhwa omwa sya dini esy’amabehi kandi isithwangathasyasiha buwathikya bwosi bwosi omwa nzira yosi yosi. (2 Abanya Korinto 6:14-18; Eribisulirwa 18:4) Thwamabirigha ekwenene oku Yehova, anguli ithwayitheya kutsibu isithwasyathebibawa n’abandu abakakangiriraya amabehi.—2 Yoane 10, 11.

3. Obuyitsotse Omwa Syongeso: Yehova akanza abaramya biwe ibayithwalha ng’Abakristayo ab’ekwenene omughulhu wosi. (1 Petero 2:12) Akalhangira ebyosi ebyathukakolha, nomubwangabya omwa bubisobiso. (Abaebrania 4:13) Anguli ithwayihighulha okwa lhuthetho’lhwo’buraghane n’eyindi myatsi mibi eyosi ey’ekihugho kino.—1 Abanya Korinto 6:9-11.

4. Obuyitsotse Omwa Birengekanio: Thwamusulya amalengekania ethu mwebindu ebihenirye, eby’uwene ndeke, n’emibere yethu iyikendibya ndeke. (Abanya Firipi 4:8) Nahu thwamaghunzira ebirengekanio byethu byokwa bindu ebithuwene, ekyangathulhwiramo y’emibiiri mibi. (Matayo 15:18-20) Anguli ithwayihighulha okwa eby’eriyitsemesya ebyangatsandya obulangekania bwethu. Thwanganusulya omwa malengekania ethu mw’ebirengekanio ebibuya thwamigha Ekinywa kya Yehova.

5. Obuyitsotse Okwa Mubiri: Kusangwa bakathumawa na Yehova, emibiri n’ebyambalho ebya Bakristayo bitholere ibyabya ibinahenirye. Anguli thwamalhwa ekyoloni ithwanaba okwa byalha, kandi litholere nibya ithwanaba thuthe thwalya kutse erihamba okwa byalya. Wamabya wuthawithe mwanya w’obwigha, anguli oburofu abw’amabi ibwatsikwa. (Eryibuka Ebihano 23:12, 13) Eribya bayitsotse omwa by’omubiri kyangaleka ithwabya n’engebe mbuya. Eka y’Omukristayo yitholere iyabya iyinahenirye ndeke omwakathi n’eyihya. Anguli iyabya eky’erireberyako ekyowene ah’ikere.

6. Omukania Mubuya: Abaghombe ba Yehova anguli ibakania ekwenene obuli ndambi. Ababehi sibendisingira omwa Bwami bwa Yehova. (Abanya Efeso 4:25; Eribisulirwa 21:8) Abakristayo sibalikolesaya lhulimi lhubi. Sibehulikirira kutse erikania mukania muturuturu kutse esyongano nyibi. Busana n’erikania lyabu libuya, bakabya ba mbaghane eyabakakolera kutse okwa mathendekero kutse nomwa abikalhani babo.—Abanya Efeso 4:29, 31; 5:3.

[Ebisasani okwa lhupapura 19]

Abaghombe ba Yehova batholere ibabya bayitsotse omo mibere yosi