Ngoku Wanga Sekulya

Emibiiri y’Abaana

Ababuthi bawithe olhukwamirwa olhulithohire olhw’erikangirirya abaana babu oku Yehova. (Efe. 6:4) Eriwathikya ababuthi, ekithunga kya Yehova kyabirihulhukya emyatsi mingyi. Wanga kolesyayo wuthi erithendeka abaana bawu?

• Bana emyatsi eyo. Okwa JW.ORG kune emyatsi eyosi eyabirihulhukibwa busana n’abalere, imwamune esyovidiyo n’emibiiri y’erikolha.a Eribanayo, handika “Children” kutse “Teenagers” omwa mukuru w’erisonderyamo.

• Sombolhako owatholere abaana bawu. Ebyabirihulhukibwa ebiri ahisi sy’akatsweka “Children” byangana kuwathikya erisombolha emyatsi eyitholere omwana wawu. Eribana emyatsi ng’eyo, sondaya “Family Worship Projects.”

• Bana endambi y’erikanirania n’abaana bawu oko myatsi eyi. Yihighule okw’ikolesya esyovidiyo syethu kutse emibiiri y’erikolha eyi habw’erithanza erikolha abaana bawu ba bbize buyira. Omwakanya k’ekyo, kaniranaya n’omwana wawu kandi muwathikaye ahimbe obunywani bwiwe na Yehova.