MWE LUTLUT AHK 13

Ahkkahlwemye lah Fuhkah in Orekmakihn Mwe Lutlut Nuhke Moul

Cited scripture kuh ma suhmuhslah ma ahkkahlwemyeyuck

Isaiah 48:17

MA KOM KUH IN ORUH: Kahsruh mwet suc lohng kom an in kahlwem ke yohk srihpaciyen mwe sramsram lom an ke moul lalos, ac ahkkahlwemye lah meac elos enenuh in oruh ke ma elos lotwelah an.

OREK FUHKAH:

Nuhnkuh ke mwet suc lohng kom an. Nuhnkuh ahkwoyac lah efuh kuh elos enenuh in lohng mwe lutlut ma kom ac sruhmuhn an, ac ma fuhkah kac ma ac kahsrelos na pwacye.
Ke lusen pacl in sramsram lom an, ahkkahlwemye lah meac elos enenuh in oruh. Ke muhtwacwaciyen mwe sramsram lom an, kais sie mwet suc lohng an enenuh in akihlen ac fahk ohinge, ‘Ma se inge ma ac kahsreyuc.’ Ke kom ahkuhtweyac kais sie mwe lutlut yohk ingacn, ahkkahlwemye lah fuhkah in orekmakihn ma inge. Oruh in kahlwem lah ma fuhkah kom sramsramkihn an.

Ke kom ahkuhtweyac lah fuhkah in orekmakihn kahs in kahsruh in Bible, kom ahkkahlwemye nuh sin mwet suc lohng an lah kom luhngse elos ac nuhnkuh kaclos. Ahkkweye luhngse ac luhlahlfongi lalos ac tiac oruh elos in nuhnkuh muh oasr ma kuluk lalos, ac luhlahlfongi lah insiaclos ac moklaclos in oruh ma suwohs.