Kwacfeacng in Sun Insiacn Mwet

Soakas 3:1

MA KOM KUH IN ORUH: Kahsruh mwet suc lohng kom an in kahlwem ke yohk srihpaciyen ma elos lotwelah ac in moulkihn ke moul lalos uh.

OREK FUHKAH:

• Kahsruh mwet suc lohng an in tuni moul lalos sifacna. Siyuck kihsen siyuck ma ac kahsruh mwet in walihl sacn in sifacna tuni puhlakihn lalos an.

• Mokle insiacn mwet. Kwacfe sin mwet suc lohng kom an in lihksreni nuhnkaclah lah efuh eltahl oruh ma wo. Kahsreltahl in kahlwem kac lah srihpac ma wo emeet pwacnacng eltahl oruh ma inge pa in luhngse Jeova, mwet sahyac, ac mwe luti in Bible. Kahsruh mwet suc lohng kom an in akihlen ke woiyen ma Bible uh ahkkahlwemye, ac nikmet fahk na ma eltahl in oruh. Nikmet ahkmwekihnyacltahl, a ahkkweyacltahl ac kwacfeltahl in oruh ma uh ke kuhiyacltahl nohfohn.

• Kahsruh mwet suc lohng an in lohacng nuh sin Jeova. Ahkuhtweyac lah fuhkah mwe luti in Bible, kahs in kahsruh kuh oakwuck wo, ac masap uh ahkkahlwemye ohiyac wo luhn Jeova ac ke luhngse lal nuh sesr uh. Kahsruh mwet suc lohng kom an in nuhnkuh ke puhlakihn luhn Jeova ac in oasr kena lalos in ahkinsewowoyacl.