Masalamo
Wa kwa ntangi. Lwimbo wa kwa Davida.
140 Anweba Yehoba, mpokololai ku bantu batama;
Nzhikijilai ku bantu bakanama,+
2 Bonka balanguluka bintu byatama mu michima yabo+
Ne kuleta malwañano juba jonse.
4 Anweba Yehoba, mpokololai ku maboko a babi;+
Nzhikijilai ku bantu bakanama,
Bonka bakeba kumponesha.
5 Bantu belundumika banta kakose;
Batanyika bukonde na mizhinge kunsa ya jishinda.+
Banta bitewa.+ (Selah)
6 Naamba kwi Yehoba namba: “Yenu Lesa wami.
Anweba Yehoba, telekai ku misashijilo yami ya kukeba bukwasho.”+
7 Anweba Yehoba Nkambo Mfumu, Mupulushi wami uji na ngovu,
Muzhikijila mutwe wami mu juba ja nkondo.+
8 Anweba Yehoba, kange mupe babi bintu byo bakeba ne.
Kange mwibaswishe kuba byo bakeba ne, kuchina’mba baketumbijika. (Selah)+
9 Bintu byatama byamba bantu banzhokoloka
Bibabwelele pa mitwe yabo.+
10 Makala a mujilo ebalakachile.+
11 Muntu wa luntepentepe kange ekale pa ntanda* ne.+
Bubi bulondelonde bantu bakanama ne kwibatapa.
12 Nayuka namba Yehoba ukalwilako balanda
Ne kuchibila mambo bayanji.+