Masalamo

Lwimbo.

98 Mwimbilai Yehoba lwimbo mupya,+

Mambo wauba bintu bya kukumya.+

Kuboko kwanji kwa kilujo, mukoko wanji wazhila, witupulusha.*+

2 Yehoba wasolola lupulukilo lwanji;+

Wasolola bololoke bwanji ku bisaka bya bantu.+

3 Aye wavuluka butemwe bwanji bubula kwaluka ne bukishinka bo alayile nzubo ya Isalela.+

Konse konse kwapela ntanda bamona lupulukilo lwa Lesa* wetu.+

4 Imbilai Yehoba na lusekelo, ntanda yonse.

Sangalalai ne kusekela ne kwimba nyimbo ya kutota.+

5 Mwimbilai Yehoba nyimbo ya kumutota na kyansa,

Imbai lwimbo na kyansa.

6 Na matolompita ne na kuvuma kwa lusengo,+

Mwimbilai na lusekelo Mfumu, aye Yehoba.

7 Kalunga ka mema kapoote ne byonse bijimo,

Ntanda* ne bonse bekalapo.

8 Mikola ipopwele na maboko ayo;

Mitumba imbile pamo na lusekelo+

9 Kwi Yehoba mambo ubena kwiya* na kuchibila mambo ntanda.

Ukachibila bangikazhi ba pano pa ntanda* mambo mu bololoke+

Kabiji ukachibila mitundu ya bantu mambo monka mo aolokela.+