BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

Salamo 15:1-5

Baibolo wa Binembelo bya Ntanda Ipya
- 15 Anweba Yehoba, ñanyi wakonsha kwikala mwenyi mu tente wenu?
  
  Ñanyi wakonsha kwikala ku mutumba wenu wazhila?+
  
  2 Kanatu yewa wabula kaneneno,*+
  Uba bintu byaoloka+
  Kabiji wamba bya kine mu muchima wanji.+
  
  3 Ubula kuba luntepentepe na lujimi wanji,+
  Ubula kuba mukwabo bintu byatama,+
  Kabiji ubula kwamba byatama* pa balunda nanji.+
  
  4 Aye ukana mubi yense,+
  Pakuba unemeka boba bakamwa Yehoba.
  
  Ufikizha byo alaya,* nangwa kya kuba byakonsha kumuletela lukatazho.+
  
  5 Kechi ukongwesha mali amba bamubikilepo nsubu ne,+
  Kabiji kechi utambula mazhikakanwa amba azhachishe muntu wabula mambo ne.+
  
  Yense uba bino bintu, kechi ukasunkena* nangwa pachechetu ne.+

Salamo 27:4

Baibolo wa Binembelo bya Ntanda Ipya
- 4 Kintu kyo nalomba kwi Yehoba
  —Kyo kyo nkakebeshanga—
  Namba nkekalenga mu nzubo ya Yehoba moba onse a bumi bwami,+
  Kuba’mba nkamonenga buwame bwa Yehoba
  Ne kulanguluka languluka pa nzubo yanji na lusanchilo.+

Salamo 65:4

Baibolo wa Binembelo bya Ntanda Ipya
- 4 Ye mwine wa lusekelo ye musala ne kumuleta kwipi
  Kuba’mba ekale mu bipango byenu.+
  
  Tukatondwa na bintu byawama bya mu nzubo yenu,+
  Nzubo yenu yazhila.+

Salamo 122:1

Baibolo wa Binembelo bya Ntanda Ipya
- 122 Nasangalele bingi byo bañambijile’mba:
  
  “Twaya tuye ku nzubo ya Yehoba.”+