16 Mukabale moba 50+ kufika pa juba jikalondelapo kufuma pa ja Sabado wa butanu na bubiji, kepo mukalambule kwi Yehoba mulambo wa kajo kakatataka.+

9 “Mukabale milungu itanu na ibiji. Mukatatwile kubala milungu itanu na ibiji kufuma pa juba jitanshi jo mukatendeka kunowa kajo.+ 10 Apa bino, mukekale na Kijiilo kya Milungu kwi Yehoba Lesa+ wenu kabiji mukalambulenga milambo ya kwifuukwila monkatu mwayila bibusa byo akemubila Yehoba Lesa wenu.+ 11 Kabiji mukasangalalenga kwi Yehoba Lesa wenu, anweba, mwanenu wa mulume ne mwanenu wa mukazhi, muzha wenu wa mulume ne wa mukazhi, mwina Levi wikala mu mizhi* yenu, muntu wafuma ku kyalo kingi, mwana wabula bashanji* ne mwanamukazhi wafwilwa bo mwikala nabo, monka mu mpunzha yo akasala Yehoba Lesa wenu mwa kwikala jizhina janji.+