BIBENA KUMWEKA MU NTANDA

Israel

Kwesakana na pepala wa byambo wa Haaretz.com. waambile’mba, “Baana basemwa na bulema bwafwainwe kuyukanyikwa saka bakyangye kusemwa, kechi bafwainwa kupamo mambo ba dokotala pa kusemwa na bulema ne.” Bino bansemi bobafwainwa kupamo mambo ba dokotala pa kuba’mba “bebafwete pa bikebewa pa kukomesha mwana walemana ne byonse byo akeba mu bumi bwanji.”

Australia

Mu kyalo kya Australia bantu bavula bekala pamo saka bakyangye kwisongola.

Greece

Kwesakana na sawakya umo wafumine ku Kipamo Kitala pa Bumi kya mu Greece, waambile kuba’mba bantu babena kwiipaya bene bavujijileko pa bañondo batanu ba kutendekelako mu mwaka wa 2011 kukila byo kyajinga mu mwaka wa 2010. Kyalengejile kwiipaya ke lukatazho lwa mali mu kyalo.

United States

Kipamo kya Natural Resources Defense Council, kyaambile kuba’mba kajo kavula mwaya ntanda konaika bingi. Kya kumwenako baamba kuba’mba kajo kamo mu majimi kechi bekanowa ne, kabiji kajo kamo ko bateka mu mazubo mwakujiila kechi kajiwa ne. Bisemi bimo bataya kajo ko bapota.

Madagascar

Mu kyalo kya Madagascar katatakatu batulukile longolo wakepa bingi pa balongolo bakwabo. Uno longolo walepa mubula 1.1 inches (mamilimita 29). Bano balongolo bachiluluka bakepa kya kuba bakonsha ne kwikala ku kyala. Na mambo apo bekala, bano balongolo kimo kimye bekala mu kizumba kya kuzhiya.