Yehoba Witupa Mupulushi

29 Muntu wa bumupashi mutanshi ye alengele Lesa waubile nobe ye mwana wa mulume mubeji kwi aye.

Lesa wa mutemwisha bingi kabiji ukamwingijisha mu konauna bantu batama ne kupulusha balukokelo.—Yoano 3:16, 36

30 Yehoba watumine mwananji kusemwa pano panshi. Aye watumbilwe’mba, Yesu. Ne jizhina ja inanji ja jinga ja Maliya.—Luka 1:30-35

31 Yesu byo akomene wafunjishe bintu byavula byawama. Wafunjishe’mba Yehoba bunke ye Lesa wa kine.—Mako 12:29, 30

Yesu wa ambile’mba twafwainwa kumupopwela yenka Yehoba kwapwa. —Mateo 4:10; Yoano 4:23, 24

Kabiji aye wafunjishe ne bantu mambo a bufumu bwa Yehoba.—Luka 17:20, 21

32 Yesu wabukile bakolwa ne kuba bintu byavula byawama. Aye kechi waubile bintu byatama ne. —Byubilo 10:38; 1 Petelo 2:21, 22

Nangwa byonkabyo aye wakonsha kwitupulusha byepi ku bubi ne lufu?

33 Aye kine wafwainwe kupana kitapisho kwi Lesa mu kupulusha bantu bawama. Kala kene, Lesa wibabujile bantu kulambula banyama na mambo a bundengamambo bwabo.—Bahebelu 7:25, 27

34 Yesu kechi watapishishe banyama ne. Aye wipaine mwine bujilambo na mambo a atweba.—Mateo 20:28; BaHebelu 10:12

Mwayuka ene mambo nyi?