Byo Twatambulwako ku Bundengamambo ne Lufu

35 Nanchi muvuluka nyi amba Adama, yenka muntu mutanshi, walengele mambo? Aye watayile bumi ne paladisa, ne atweba bonse tufwa pamotu, mambo atweba twi bana banji. —Loma 5:12; 3:23

36 Twakosha kutambula jibiji buno bumi butuntulu, kikulutu muntu mukwabo waoloka witupainako bumi bwanji, nangwa kwitukuula atweba kufuma ku lufu.—1 Kolinda 15:45; Loma 5:19, 21

37 Yesu wajinga mwana Lesa. Aye wajinga muntu waoloka. Kechi walengele mambo ne. —Bahebelu 5:9; 7:26

38 Wiswishishe mwine kwipaiwa ku bantu babujile kutemwa Lesa. —Byubilo 2:23

Kino kyajinga kitapisho kya kwilambula mwine na mambo a atweba. —1 Timoti 2:6

39 Yesu wazhiikilwe mu lukelo wakusonga nangwa’mba kilende. Aye wajinga mufu moba asatu. Kabiji Lesa wa musangwile.—Byubilo 2:24

40 Aye wabwelele kwiulu. Aye pano wakonsha kwipuzha Lesa kwibakwasha abo bakokela Lesa. —Bahebelu 9:24; 1 Yoano 2:1, 2