Lufunjisho 15

Balunda Na Lesa Boba Kyawama

Inge muji na mulunda nenu ye mukomoka ne kushingika, mukeseka ku mupasha. Baibolo ishimuna’mba: “Yehoba ye wawama ‘kabiji’ ye waoloka.” (Masalamo 25:8) Pa kwikala balunda na Lesa, twafwainwa kwikala bawama kabiji baoloka. Baibolo ishimuna’mba: “Ikalai ba kulonda Lesa, byafwainwa bana bo atemwa; ne kwenda monka mu butemwe.” (Efisesa 5:1, 2) Pano paji mashinda amo a kubilamo byobyo:

Ikalai bakukwasha bakwenu. “Twibobile bantu bonse byawama.”—Ngalatiya 6:10.

Ikalai bakwingila. “Awa wiba kechi ebe jibiji ne: kana engile kyakosa, kasa engila na maboko anji kintu kyawama.”—Efisesa 4:28.

Mwitokeshe ku mubiji ne mu byubilo. “Twitokeshe atwe bene ku bubipisho bonse bwa mubiji ne bwa muchima, kasa tulumbulula buzhile bwetu mu moyo wa kwakamwa Lesa.”—2 Kolinda 7:1.

Balongo ba mu bisemi balamai mu butemwe ne mu mushingi. “Anweba bonse kasa mutemwa bakazhi benu pamo byonka byo mwitemwa anwe bene, ... ne mwanamukazhi naye anemeke mwata wanji. Anweba bana, kokelai bemusema.”—Efisesa 5:33–6:1.

Mweshai butemwe ku bantu bakwenu. “Tutemwañane atwe bene na bene: mambo butemwe bo bwa kwa Lesa.”—1 Yoano 4:7.

Kokelai mizhilo ya kyalo. “Bantu bonse banekenene [kamfulumende] ... Kasa mupana ku bonse byonse bibafwainwa: musonko mupane ku ba musonko.”—Loma 13:1, 7.