KYA KUFUNDAMO

Tusakufunda pa bunsatuki bwa ubiwe mu Edena byo bulumbulula ku banamulume ne banabakazhi. Kabiji tusakwisamba pa banabakazhi bajingako kala baakamwanga Lesa. Kabiji tusakufunda ne pa mwingila wingila banabakazhi pa kufikizha byafuukula Lesa mu ano moba.

Bonse basapwishi ba Bufumu bakeba kuyuka bya kwingila bulongo mwingila wa kusapwila. Tusakwisamba pa mashinda amo engila bulongo pa byo twafwainwa kwingijisha Baibolo ne matalakiti kimye kyo tubena kwisamba na bantu ne kwibafika pa muchima na Mambo a Yehoba.

Twafwainwa kwikala na bulunda bwa pa muchima na Mulenga wetu. Tusakufunda pa lunengezho lwa bukuzhi ne Baibolo bitupa Yehoba bimwesha kuba’mba wituta muchima ne byo twafwainwa kufwenya kwipi ne aye.

Pa kuba’mba twendenga mu jishinda ja bukine, twafwainwa kumvwinanga jiwi ja Yehoba. Tusakufunda byo twafwainwa kumvwinanga jiwi ja Yehoba nangwa kya kuba kimye kimo Satana witukatazha ne milanguluko yetu ya bundengamambo. Uno mutwe usakwitukwasha byo twafwainwa kunemeka jishuko jo tuji najo ja kwisamba ne Lesa wa kine.