KYA KUFUNDAMO

Mu uno mutwe tusakufunda pa bishinka byalengela bantu bavula kuswa kuba’mba Bakamonyi ba kwa Yehoba baji na bukine. Kabiji tusakwisamba ne pa bishinka byalengela Bakamonyi bene kushiinwa kuba’mba baji na bukine.

Bya malwa byavula bingi mu ino ntanda ya kwa Satana. Meseko amo aji nobe kulukukwa kwa pa luntunanwa; akwabo a mu bujimuku. Uno mutwe usakwitukwasha kuyuka ano makatazho ne twakonsha kwinengezhezha jimo ku bya bujimuku bya kwa Satana.

Bansemi bafwainwa kukomesha baana babo “mu kwibajimuna ne kwibafunjisha milanguluko ya Yehoba.” (Efi. 6:4) Uno mutwe waamba pa bintu bisatu byo bakonsha kuba’mba pa kuba’mba bobe bino ne kwikala bakafunga ba ku mupashi ku baana babo.

Bantu batendekele byepi kufwa? Nga ‘lufu mulwanyi wapelako, ukonaunwa’ byepi? (1 Ko. 15:26) Monai mikumbu ya ano mepuzho byo imwesha buchibamambo bwaoloka bwa Yehoba, maana anji ne butemwe bwanji.

Nangwa kya kuba uno mwingilo kechi wapela ne, bino kufumatu ne kala Yehoba uji na bakalume banji bakishinka bamwingijila mu mwingilo wa kimye kyonse. Twakonsha kuba byepi pa kuba’mba ‘tuvulukenga kimye kyonse mingilo yabo ya lwitabilo kabiji yakosa’ yo bengila?—1 Tesa. 1:3.