Mutanchi Wa Kupwila Kwa Mwingilo

Mulungu wa Kutendeka January 8

Lwimbo 29

Mamini. 7:Bya kubijika bya pa kipwilo. Bya kubijika byasalululwa mu Mwingilo Wetu wa Bufumu.

Mamini. 13:“Kyeya Kyenu Kimweke.”a Vwangaimo byambo biji mu Kyamba kya Usopa kya Kibemba kya June 1, 1997, peja 14, mapalagalafu 12-13. Koseshai bonse kusapwila ponse pafwainwa.

Mamini. 25:Kuti Mwasanga Ifya Kusekesha Ifisuma. Kisemi kisambe pa lujimuno luji mu Loleni! wa June 8, 1997. Nsemi wamulume uji na kijikila pa mambo a bya kisangajimbwe bikeba kisemi. Pa nyuma ya kupituluka bukiji-bukiji mu mutwe wa kuba’mba “Cinshi Cacitika ku Fya Kusekesha?” (mapeja 18-21), balanguluka pa mutundu wa bya kusangajika byawama kabiji bikwasha. Ambai pa byambo biji mu buku wa Abateyanishiwa, mapeja 131-32 pa ka mutwe ka kuba’mba “Ukukokoloka,” ne pa mapeja 135-36, pa ka mutwe ka kuba’mba “Citeni Fyonse ku Kucindika Lesa.” Konkomwenai pa bansemi byo bafwainwa kwikala byakumwenako byawama ne buwame bwa kwingijila pamo na kisemi pa kuba’mba kisemi kyonse kimwenengamo.

Lwimbo 1 ne lulombelo lwa kupezhako.

Mulungu wa Kutendeka January 15

Lwimbo 51

Mamini. 10:Bya kubijika bya pa kipwilo. Sawakya wa maakaunti.

Mamini. 15:Byo mwakajilwa pa kipwilo kyenu.

Mamini. 20:Nanchi mubena kubalaula-balaula mu binembelo pa juba pa juba nyi? Jashi ne mwisambo wa mepuzho. Ambai pa byambo biji mu Kyamba kya Usopa, kya Kibemba kya December 15, 1996, mapeja 17-18, mapalagalafu 12-14. Lumbululai maana aji mu kwisambila pamo kinembelo kya pa juba pa juba mu kisemi. Ipuzhai ba mu kisemi, babena kukivuluka mwisambo wa kinembelo kya juba jimo kibakwashishe bingi, kabiji bambepo mokibakwashishe. Konkomwenai kuba’mba kino kyafwainwa kwikala lubaji lwa pologalamu wa lufunjisho lwa kisemi lukosesha ba mu bisemi byetu ne kukwasha kisemi kutwajijila kwikala kyabambakana mu mwingilo.

Lwimbo 67 ne lulombelo lwa kupezhako.

Mulungu wa Kutendeka January 22

Lwimbo 90

Mamini. 7:Bya kubijika bya pa kipwilo.

Mamini. 18:Bya Kunengezha Ntatwilo. Jashi ne bimwesho. Pitulukai mu bishinka bikatampe biji mu buku wa Ukupelulula, peja 9. Mweshai byotwakonsha kusala ntatwilo yaesakana bulongo na ñambilo yetu, buntu bwetu ne nyaunda yetu. Pitulukai mu ntatwilo imo yo twakonsha kwingijisha pamo na buloshuwa wa Nanchi Lesa Ukebaka, kabiji mweshai kimwesho kimo nangwa bibiji kwingijisha ino ntatwilo. (Monai Mwingilo Wetu wa Bufumu wa kibemba wa April 1997, peja 8.) Koseshai bonse kwingijisha bulongo ntatwilo iji mu buku wa Ukupelulula ne mu Mwingilo Wetu wa Bufumu mu mwingilo wabo wa mu bujimi.

Mamini. 20:“Jishinda Japela Jotutambwishishamo Mabuku.” Mukulumpe mu kipwilo ambe na luonde. Mwakonsha kutongolapo ne bishinka biji mu nkalata ya Sosaiti ya October 15, 1999. Mu bimwesho, ingijishai musapwishi winengezha bulongo kabiji wapijilwa. Musapwishi watatula kwisamba na mwina nzubo pa jashi jimo jiji mu magazini yakatataka. Musapwishi byo abena kwamba pa kishinka kimo mu magazini, mwina nzubo waamba’mba: “Akyo kyaumvwanyika bingi bulongo.” Musapwishi waamba’mba: “Nsakwimushila ino magazini pa kuba’mba mutangemo bulongo.” Mwina nzubo washikisha’mba: “Mubena kupotesha inga?” Musapwishi wakumbula’mba: “Umvwe mwafwainwa kwiitanga, nsakwimushila. Ino magazini ke lubaji lwa mabuku engijishiwa mu mwingilo wa ntanda yonse wa lufunjisho lwa Baibolo kabiji ukwashiwa na bampanyi betemenwa. [Zhikulai pa byambo biji pa peja 5 mu Loleni! ne pa peja 2 ku kipiko panshi mu Kyamba kya Usopa.] Amiwa nji pa bano Bakamonyi ba kwa Yehoba bakila pa 6 milyonyi babena kwingijisha kimye kyabo ne ngovu yabo mu kwingila uno mwingilo mukatampe mu byalo kukila pa 200. Umvwe mukeba kupanapo ka bupe kacheche ku uno mwingilo, mwakonsha kuba byonkabyo.” Mwina nzubo wapana bupe ne musapwishi walonga oo mali mu enivulupu yoasenda. Wasanta pa buno bupe bwapanwa kabiji walaya kuba’mba ukabwela jibiji na magazini akwabo akalondelapo. Mu kimwesho kikwabo kipi, musapwishi kange ashile mwina nzubo buku ne, mambo mwina nzubo nangwa ubena kukeba kukumbulapo kechi wamwesha lusekelo mu buluwe bwa Bufumu ne. Mu kimwesho kya busatu kipi, mweshai talakiti byo yakonsha kushiwa ku muntu wamwesha lusekelo lwa kine, bino wapayankana kabiji kibena kumweka nobe kechi kyakonsheka kumulumbulwila mwingilo wetu byo abena kukwashiwa ne. Musapwishi walaya kubwelako kimye kikwabo. Byo abwelako jibiji, usakumona umvwe kya kine mwina nzubo uji na lusekelo mu mwingilo wetu, kabiji umvwe ibyo, alumbulule mwingilo wetu byo aji ne byo akwashiwa.

Lwimbo 96 ne lulombelo lwa kupezhako.

Mulungu wa Kutendeka January 29

Lwimbo 139

Mamini. 10:Bya kubijika bya pa kipwilo. Vululaiko basapwishi kutuma masawakya a mwingilo wa mu bujimi a January. Tongolai buku wakutambika mu February ne kubulañana mabuku o muji nao pa kipwilo.

Mamini. 15:Ulupwa Lulakabilwa mu Buntunse! Jashi ja kukosesha balongo mu kipwilo kwinengezha kutatula kufunda buku wa Icaba Inkaama ku Nsansa sha Luplwa, jaimana pa Kyamba kya Usopa, kya Kibemba kya April 1, 1998 mapeja 6-8. Koseshai banyike kukumbulapo mu kimye kya mwisambo wa lufunjisho lwa buku lwa mulungu ne mulungu. Bonse bakasaka kufunda byavula pa mambo a kulondela mashinda aoloka a Lesa ne kwikala basangalala mu kisemi.

Mamini. 20:“Anweba Bansemi—Funjishai Baana Benu Byubilo Byawama.” Jashi ne mwisambo wa mepuzho na bansemi baji na baana babena kuba bingi bulongo ku mupashi. Bansemi bambe pa bintu byawama byo boba pa kuba’mba baana babo bengilengako mwingilo wa mu bujimi. Umvwe kimye saka kiji konka, ambaipo ne pa byambo biji mu buku wa Nsansa sha Lupwa, mapeja 55-9.

Lwimbo 149 ne lulombelo lwa kupezhako.

Mulungu wa Kutendeka February 5

Lwimbo 168

Mamini. 7:Bya kubijika bya pa kipwilo.

Mamini. 15:“Ingilainga na Lusekelo.”b Tongolai kitunungilako lusekelo mu mwingilo wa Lesa, byonka byo kyalumbululwa mu Kyamba kya Usopa kya Kibemba kya January 15, 1995, peja 11-14, mapala. 4-17.

Mamini. 23:Lunengezho lwa Butemwe lwa Kulama Butuntulu Bwetu bwa Mubiji. Jashi na mukulumpe mu kipwilo wafikapo, jaimana pa nkalata ya December 1, 2000, ne autulaini yafuma ku Sosaiti. Konkomwenai kuba’mba twakonsha kwivimbila atweba bene kubula kubikwa mashi umvwe twanemba bikebewa pa kikachi kya Advance Medical Directive/Release. Basapwishi bonse babatizwa basakutambula kikachi pa nyuma ya kuno kupwila, bino KECHI bafwainwa kunemba lelo jonka ne. Kusaina, kwiimenako bukamonyi ne kunembapo juba pa bikachi kukobiwa pa nyuma ya Lufunjisho lwa Buku pa Kipwilo lwa mulungu wiya. Utangijila lufunjisho lwa buku ukemukwasha kumvwisha po mwabula kukwatakanya bulongo. Babena kwimenako bukamonyi pa kusaina bafwainwa kumona’mba ye babena kwimenako wasaina pa kikachi saka bamonako na meso. Batangijila lufunjisho lwa buku bafwainwa kumona’mba yense wa mu jibumba jabo wakwashiwa po abula kumvwisha pa kusaina kikachi kya Advance Medical Directive/Release. Bansemi basakutambwila baana babo babacheche tubikachi twa Identity pa nyuma ya kuno kupwila. Basapwishi babula kubatizwa bakonsha kwinembela kikachi kyabo bene ne baana babo. Bafwainwa kukopolola byambo biji pa kino kikachi kwesakana na lwitabilo lwabo ne byo bakeba.

Lwimbo 190 ne lulombelo lwa kupezhako.

[Tubyambo twa mushi]