Mutanchi Wa Kupwila Kwa Mwingilo

YUKAI’MBA: Kupwila kwa Mwingilo kwa milungu yonse ya mu bañondo ba kupwila kwa nkambi kukatanchikwa mu Mwingilo Wetu wa Bufumu. Bipwilo byafwainwa kupimpula mutanchi wabo wa kupwila pa kuba’mba bakatanwe ku Kupwila kwa Nkambi kwa “Bafunjishi ba Mambo a Lesa.” Pa Kupwila kwa Mwingilo kukapelako saka mukyangye kuya na kupwila kwa nkambi, pitulukai mu bishinka bimulamata ko ko kwenu biji mu kya mukachi kya uno ñondo pa maminiti 15. Mukachi ka ñondo wa October, mutanchi wa Kupwila kwa Mwingilo konse ukekala wa kupituluka mu bishinka bya kupwila kwa nkambi. Pa kuba’mba tukakumbulengapo pa uno mwisambo, atweba bonse twafwainwa kukanembanga bishinka bimo kimye kyo tuji pa kupwila kwa nkambi, kuvwangako ne bishinka byo tukeba kwingijisha mu bwikalo bwetu ne mu mwingilo wa mu bujimi. Kepo tukenengezha kwiya na kwamba pa byotwaingijisha bino bishinka kufuma kimye kyo twatainwe ku kupwila kwa nkambi. Tukekomesha bingi pa kumvwa mfweto yotwamwenamo mu mikambizho yo tukafunda pa kupwila kwa nkambi.

Mulungu wa Kutendeka July 9

Lwimbo 31

Mamini. 8: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu.

Mamini. 17: “Kupwila kwa Nkambi kyo Kimye kya Lusekelo!” Jashi jambiwe na mukulumpe mu kipwilo. Lumbululai kine kintu bantu ba Yehoba kyo bakonkenanga pamo kala keene kimye kyanembelwenga Baibolo kabiji ne ene mambo o kyawamina ne atweba lelo kupwila pamo. Kuno kupwila kwituleta pamo na kwikosesha ne kwitupa kajo ka kumupashi kakebewa. Konkomwenai pa buneme bwa kutanwa ku kupwila kwa nkambi moba onse asatu.

Mamini. 20: “Nanchi Mwakonsha Kuya na Kwingijila ku Mpunzha Kuji Kukajilwa Kukatampe Nyi?”a Ambai ne pa bya kukoseshañana byaubilepo basapwishi bamo ba mu kipwilo kyenu baingijilenga mu nyaunda iikela nangwa ibula kwingijiwamo javula.—Monai buku wa Abateyanishiwa, mapeja 112-13.

Lwimbo 42 ne lulombelo lwa kupezhako.

Mulungu wa Kutendeka July 16

Lwimbo 10

Mamini. 10: Bya kubijika bya pa kipwilo. Sawakya wa maakaunti.

Mamini. 15: Banyike—Yukai Buwame ne Kutama kwa Nkito yo Mwasala. Nsemi wamulume ne mwananji wamulume nangwa wamukazhi basolomoke mukulumpe mu kipwilo wayuka bulongo mingilo ya ku kyalo byoiji. Panyuma ya kulanguluka pa jashi jaambiwe pa Kupwila kwa Mwingilo milungu ibiji yapita jaambilenga pa bya kusala nkito, mwanyike ubena kulangulukishapo bulongo pa bya kutatula mwingilo wa bupainiya bwa kimye kyonse pano bino waakamwa pa mambo a moakamwenanga bya kwikwashishamo ku mubiji. Mukulumpe mu kipwilo akonkomwene pa kubula kutemwisha bintu. (Kyamba kya Usopa kya Kibemba, September 1, 1999, peja 11, palagalafu 13) Kyawama kufundapo mingilo imo mwakumwenapo tumali twakwikwashishamo ku mubiji. Bavula bauba bingi bulongo kufunda busendwe bwapela bukebewatu mali acheche ne kimye kicheche pakwibufunda. (Kyamba kya Usopa kya Kibemba, February 1, 1996, peja 14; Ifipusho Abacaice Bepusha, peja 178) Bonse besambile pamo byambo mu Loleni! wa March 8, 1996, mapeja 9-11, ne kwamba pa bimo muntu byoakonsha kuba pa kutana nkito nangwa kutendeka kwiingijila mwine.

Mamini. 20: “Umvwai ne Kufunjilapo Bikwabo.” Jashi ne kwisamba na luonde. Lumbululai ene mambo lufunjisho lo tufunda pa kupwila kwa nkambi kyo lwaikela kajo kakebewa ku mupashi ketufwainwa. Ambai pa kimye kikatampe kitaiwa ne kwingila na ngovu kukebewa pa kunengezha kupwila kwa uno mutundu. Lombai luonde pa muntu pa muntu ambe byoakonsha kuba pa kuba’mba afunde byavula aye mwine ne kufunjishako bakwabo. Konkomwenai pa byo kyawamina atweba bonse kwikala pa bipona kimye kyonse inge majashi atendeka.

Lwimbo 52 ne lulombelo lwa kupezhako.

Mulungu wa Kutendeka July 23

Lwimbo 19

Mamini. 10: Bya kubijika bya pa kipwilo. Pitulukai mu Kabokoshi ka Mepuzho.

Mamini. 15: “Ubai Byawama Kabiji Bakemutota!”b Lumbululai bantu bavula kyo betukumbilwa pa kupwila kwa nkambi. Byambo byawama byamba bantu betumona bishimuna mambo a Bufumu, pano byambo byatama bilengela bantu kwitulengulula. Tongolai bintu bimo byo twafwainwa kuba bimwesha kuba’mba tuji na byubilo bya bwina Kilishitu bya kulangulukilako bakwetu.

Mamini. 20: “Inengezhai Kufunda Bungauzhi bwa Isaya!”c Ambaipo pacheche byo tukayuka byavula pa kufunda buku wa Isaya. (Monai kitango 1, mapalagalafu 10-12, mu buku wa Ukusesema kwa kwa Esaya I.) Tundaikai bonse kutanwanga ku Kupwila kwa Lufunjisho lwa Buku kimye kyonse.

Lwimbo 53 ne lulombelo lwa kupezhako.

Mulungu wa Kutendeka July 30

Lwimbo 22

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa July.

Mamini. 20: Banyike—Langulukai Bulongo pa Kufunda Kwenu Sukulu. Mukulumpe mu kipwilo ambe na bansemi bamo pamo ne baana babo pa mambo a kufunjilapo sukulu mukwabo. Mukulumpe mu kipwilo ubena kwisamba nabo byambo biji mu Kyamba kya Usopa kya Kibemba September 1, 1999, mapeja 16-17, mapalagalafu 11-13, ne kukonkomwena pa ene mambo o kyawamina kutesha muchima pa mwingilo wa kimye kyonse kwikala kintu kitanshi. (Kyamba kya Usopa kya Kibemba, December 1, 1996, mapeja 18-19, mapalagalafu 13-15) Kepo bapituluke mu byambo biji mu Loleni!, March 8, 1998, mapeja 27-8, ne kwamba pa byo bakonsha kujimuka pa kupima buwame ne kutama kwa kufunjilapo sukulu mukwabo. Bino umvwe basaka kufunjilapo sukulu mukwabo, bafwainwa kuba byonkabyo na mambo a kuba bakeba kumonapo mwa kutaina tumali twa kwikwashishamo ku mubiji pa kwingila mwingilo wabo wa busapwishi na kupayankana. Bonse baitabanzhanya’mba bafwainwa kulondela byaambile Yesu pa mambo a kutwala Bufumu palutwe.—Mat. 6:33.

Mamini. 15: Byo mwakajilwa pa kipwilo kyenu.

Lwimbo 105 ne lulombelo lwa kupezhako.

Mulungu wa Kutendeka August 6

Lwimbo 25

Mamini. 15: Bya kubijika bya pa kipwilo. Ipuzhai basapwishi kushimikizha byamwekele mu busapwishi bwa kushukilwa byo bayilenga ku kupwila kwa nkambi, kimye kyo bayilenga na kufwakasha kungi nangwa byo bayilenga na kufwakashisha balongo babo babula Bakamonyi.

Mamini. 10: “Kupwila kwa Kijiiji Kubena Kwiya.” Jashi. Tongolai juba ja kupwila kwa kijiiji kubena kwiya. Bonse bafwainwa kwibikako kwita bobafunjisha Baibolo. Koseshai basapwishi babula kubatizwa kulanguluka pa kumwesha patoka kwipana kwabo kwi Yehoba pa kuno kupwila kubena kwiya. Tundaikai bonse kutanwa ku bipungu byonse bibiji pa juba pa juba.

Mamini 20: “Kange Mukankazhamenga Ne!”d Inge kimye saka kiji konka, shimikizhai biji mu Kyamba kya Usopa kya Kibemba, December 15, 1999, peja 25.

Lwimbo 63 ne lulombelo lwa kupezhako.

[Tubyambo twa mushi]