Mutanchi Wakupwila Kwamwingilo

YUKAI’MBA: Mwingilo Wetu wa Bufumu ukekala namutanchi Wakupwila Kwamwingilo mumulungu nemulungu mu August ne September. Bipwilo byafwainwa kupimpula mutanchi wabyo wakupwila pakuba’mba bikatanwe Kukupwila Kwankambi kwa “Bamukoyo Wakutaya Mbila ya Bufumu.” Umvwe kyakonsheka, ingijishai maminiti 15 pa Kupwila Kwamwingilo kwapelako saka mukyangye kuya nakukatanwa kukupwila kwankambi kuba’mba mupituluke jibiji mulujimuno lwingila koko kwenu luji mukyamukachi kyauno ñondo. Muñondo wa October, Kupwila konse Kwamwingilo kukatanchikwa kuba’mba tukapituluke mubishinka bikatampe byaambiwe mumajashi pakupwila kwankambi. Pakuba’mba tukapituluke mubino bishinka, atweba bonse twafwainwa kukanembanga bishinka bikatampe bikambiwanga pakupwila kwankambi, nekukanembanga bishinka byotukamona kuba’mba byakonsha kwitukwasha mubwikalo bwetu nemumwingilo wamubujimi. Apa bino tukalumbululenga byotwaingijisha bino bishinka kufuma kimye kyotwatainwe kukupwila kwankambi. Tukekosesha bingi atweba bene nabene pakushimikizha byotwamwenamo mubishinka byotwafunjile mulufunjisho lwawama lwajingako.

Mulungu Wakutendeka July 8

Lwimbo 37

Mamini. 15: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 8, mweshai bimwesho bibiji, mwakutambikila magazini a Kyamba kya Usopa, August 1. Mukimwesho kimo kimo, mweshai jishinda japusanako byakukumbula bantu bamba’mba ‘Pano tuli bena Kristu kale.’—Monai buku wa Ukupelulula, peja 19.

Mamini. 10: Kabokoshi Kamepuzho. Jashi jambiwe namukulumpe, ambe jino jashi kwesakana namokimwekela koko kwenu.

Mamini. 20: “Kwikosesha Atwe Bene Nabene.” Jashi. Tentemeshai buwame bwakutanwa kukupwila kwankambi. Batundaikai bonse kuba’mba bakatanwenga kubipungu byonse, kutatwilatu kulukelo lwajuba jitanshi shoo kukafika kumabanga ajuba jabusatu.

Lwimbo 115 nelulombelo lwakupezhako.

Mulungu Wakutendeka July 15

Lwimbo 144

Mamini. 10: Byakubijika byapakipwilo. Sawakya wamaakaunti.

Mamini. 15: “Moba Onse Ubainga Byawama.”a Konkomwenai byokyanemena kufunjishisha bakyanyike kuba byawama. Konkomwenai pabishinka biji mu palagalafu 4. Londololai ene mambo kwikala nabyubilo byawama kyokwawamina kwiatweba.

Mamini. 20: Buwame Bwakwingijishanga Baibolo Mumwingilo Wetu. Jashi nekwisamba naluonde. Yesu wayukile Binembelo kabiji kimye kyonse wibingijishanga umvwe keafunjishe. (Luka 24:27, 44-47) Byoafunjishenga kechi byajingatu byanji aye mwinene. (Yoa. 7:16-18) Kyanema bingi kuba’mba neatweba twingijishenga Mambo a Lesa. Aji bingi nabulume kukila kintu kiji kyonse kyotwakonsha kwamba atweba bene. (Yoa. 12:49, 50; Hebe. 4:12) Bantu bakishinka bakokewa namambo alutekenesho neluketekelo luji mu Binembelo. Ikalai nakikonkwanyi kyakutangapo kinembelo nangwa kimo mu Baibolo kimye kyomubena kutambika buku. Ambai kuba’mba binembelo byakwatankana bingi nañambilo yasalululwa yakutambikilamo iji muino magazini. Ipuzhai baji muluonde bambe bishinka bimo byobabaingijishenga Baibolo mumwingilo, byobibakwashishe nebyobyakwashishe boba bobasapwijilenga.

Lwimbo 215 nelulombelo lwakupezhako.

Mulungu Wakutendeka July 22

Lwimbo 13

Mamini. 12: Byakubijika byapakipwilo. Nsemi nemwana bengijila pamo mumwingilo bamweshe byakwingijisha mashinda abiji apelako papeja 8 mwakutambikila magazini ya Kyamba kya Usopa kya, August 1. Kimo kimweshe jishinda jabusatu kikwabo jabuna. Tundaikai bansemi kufunjisha baana babo kimye kyonse byakwingila mwingilo wamubujimi.

Mamini. 15: “Pwishai Kilaka Kyenu Kyakumupashi.” Jashi nekwisamba naluonde. Isambai pamashinda bonse obafwainwa kutelekeshanga kumajashi apakupwila kwankambi. Konkomwenai pankebelo ine yakwingijisha byotufunda kukila kumvwangatu. Monai pakamutwe kaji peulupo kaamba pabikanengezhiwa Kupwila Kwamwingilo mu October, kimye kyotukapitulukangamo bishinka bikatampe byotukafunda pakupwila kwankambi. Tundaikai bonse kukanembanga bishinka. Ipuzhaipo bamo bambe pabuwame bwafumine mukwingijisha bishinka byobanembele kukupwila kwajingako mwaka wapwa.

Mamini. 18: “Kuvwala Nekuzañuna Bulongo.”b Jambiwe namukulumpe mukipwilo, atangenga palagalafu imo imo aku nakwisambapo. Kwashai bonse kuyuka byokyawamina kuvwala bulongo mumwekelo yetu kubantu.

Lwimbo 169 nelulombelo lwakupezhako.

Mulungu Wakutendeka July 29

Lwimbo 54

Mamini. 10: Byakubijika byapakipwilo. Vululaiko basapwishi kuleta masawakya amwingilo wamubujimi a July.

Mamini. 10: “Kupwila Kwakijiiji Kubena Kwiya.” Jashi. Tongolai juba jikekalako kupwila kwakijiiji kubena kwiya. Tundaikai bonse kukatanwako nekutelekeshanga kumajashi. Tundaikai basapwishi bakyangye kubatizwa kulangulukishapo kuba’mba bakabatizwe. Esekeshai nangovu kwitako bomufunjisha Baibolo.

Mamini 25: “Kwatankanai Mwingijilenga Pamo.”c Pakwisamba palagalafu 3, vwangaipo nebishinka biji mu Loleni! wa May 8, 2000, mapeja 17-18. Mupalagalafu 4, ambai nebishinka biji mu Kyamba kya Usopa, kya Kibemba kya April 1, 1995, papeja 16-17, mapalagalafu 4-6.

Lwimbo 81 nelulombelo lwakupezhako.

Mulungu Wakutendeka August 5

Lwimbo 38

Mamini. 10: Byakubijika byapakipwilo.

Mamini. 20: “Kukonkanya Bantu Bamilaka Yonse.”d Ambai nebishinka biji mu Kyamba kya Usopa, kya April 1, 2002, peja 24. Umvwe kyakonsheka, londololaiko pacheche byomwatanchika kukwasha boba baji munyaunda yenu bamba milaka ingi, kabiji mupalagalafu 4 mweshaimo kimwesho.

Mamini. 15: Lukatazho lomuji nalo pakipwilo.

Lwimbo 184 nelulombelo lwakupezhako.

[Tubyambo twa mushi]