Mutanchi Wakupwila Kwamwingilo

Mulungu Wakutendeka November 11

Lwimbo 183

Mamini. 10: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 8, mweshai bimwesho bibiji mwakutambikila Kyamba kya usopa, kya December 1. Mukimwesho kimo, londololai mwingilo wetu wantanda yonse byoabena kukwashiwa namali.—Monai mu Kyamba kya Usopa peja 2.

Mamini. 15: Lukatazho lomuji nalo pakipwilo.

Mamini. 20: “Kwashai Mukulumpe Wenu Walufunjisho lwa Buku Pakipwilo.”a Jambiwe namukulumpe mukipwilo Walufunjisho lwa Buku pa Kipwilo. Pakwisamba palagalafu 3, ambaipo nebyambo biji mubuku wa Isukulu lya Butumikishi, peja 70. Sanchilai kipwilo pamashinda obabena kutundaikilamo lufunjisho lwa buku, kabiji babulai bulongo bintu byobafwainwa kwingijilapo.

Lwimbo 114 nelulombelo lwakupezhako.

Mulungu Wakutendeka November 18

Lwimbo 78

Mamini. 10: Byakubijika byapakipwilo. Sawakya wamaakaunti. Isambai byambo biji mukabokoshi kakuba’mba “Yawama Bingi Kwiitanga!”

Mamini. 10: Kabokoshi Kamepuzho. Jashi jambiwe namukulumpe mukipwilo wayuka kwamba bulongo.

Mamini. 25: “Anweba Mitwe Yabisemi Twajijilai Kwikala Nalunengezho Lwawama Lwakumupashi.” Panyuma yakwambapo mujashi jenu byambo bicheche byakushinkwila mumapalagalafu 1-3, isambai naluonde mapalagalafu 4-13. Kimye inge kyaikala konka, tangai mapalagalafu 7, 8, 11, ne 12. Ipuzhaipo nsemi umo nangwa babiji. Kika kyakwasha kisemi kyabo kuba’mba kitwajijile kwingila mingilo yakumupashi kimye kyonse? Ñanyi kwibikako kwalengela kino kwingila? Bintuka byobafunjilako? Pezhaiko nabyambo bicheche mupalagalafu 14.

Lwimbo 31 nelulombelo lwakupezhako.

Mulungu Wakutendeka November 25

Lwimbo 16

Mamini. 10: Byakubijika byapakipwilo. Bamulume nemukazhi bengijila pamo mumwingilo wamubujimi bamweshe byakwingijisha mashinda ashalako abiji aji papeja 8 mwakutambikila magazini ya December 1. Mulume engijishe jishinda jabusatu, nemukazhi jishinda jabuna.

Mamini. 15: “Funjishainga Bukine pe Yesu.”b Vwangaimo byambo biji mubuku wa Isukulu lya Butumikishi, peja 278. Tundaikai bonse bakeye nauno buku mulungu wiya Pakupwila Kwamwingilo kujashi jaamba’mba “Sukulu Itufunjisha Mingilo Yanema Mubwikalo.”

Mamini. 20: “Bamweshainga ‘Banabanshiwa’ Butemwe.” Lumbululaiko mumaminiti asatu Yehoba byoamona banabanshiwa bakalombwana nebakashimbi, mupalagalafu 1 nemubuku wa Palameni Kuli Yehova papeja 113, palagalafu 14. Isambai mwisambo wamepuzho nemikumbu mumapalagalafu ashalako. Lumbululai mashinda bakwabo obafwainwa kukwashishamo nekutundaikañenamo. Pakwisamba mapalagalafu 3-4, vwangaimo nebyambo bicheche kufuma mu Loleni! wa October 8, 1995, mapeja 8-9.

Lwimbo 142 nelulombelo lwakupezhako.

Mulungu Wakutendeka December 2

Lwimbo 213

Mamini. 5: Byakubijika byapakipwilo. Vululaiko basapwishi kuleta masawakya amwingilo wamubujimi a November. Pitulukaimo pacheche mubyomwakonsha kutambika buku wa Umuntu Wakulisha.

Mamini. 15: Mwingilo Byoatundaikwa. Jashi jambiwe kufuma mubuku wa Abateyanishiwa Kyapitala 10 mapeja 119-126.

Mamini. 25: “Sukulu Itufunjisha Mingilo Yanema Mubwikalo.” Jashi jakwisamba naluonde jambiwe nautangijila sukulu. Tentemeshai nalusekelo mutanchi wakatataka wasukulu, awo ukatendeka mu January. Ambaiko mitwe imo iji mu “Mutanchi wa Sukulu ya Mwingilo wa Teokalasi Wamu 2003,” uji mukyamukachi kya Mwingilo Wetu wa Bufumu wa October 2002. Lumbululai bikebewa pakuba’mba muntu anembeshe musukulu, byonka byokyalondololwa mubuku wa Isukulu lya Butumikishi, peja 282, kabiji tundaikai boba bakyangye kunembesha kuba’mba banembeshe umvwe baitabizhiwa.

Lwimbo 127 nelulombelo lwakupezhako.

[Tubyambo twa mushi]