Mutanchi Wakupwila Kwamwingilo

Mulungu Wakutendeka December 9

Lwimbo 193

Mamini. 12: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 8, mweshai bimwesho bibiji mwakutambikila magazini ya Kyamba kya Usopa, kya January 1.

Mamini. 15: “Sapwilai Mambo A Bufumu.”a Pakwisamba palagalafu 3, tongolaipo mashinda afwainwa kubiwa momwakonsha kutangila Baibolo mukushinkamika kubomubena kwisamba nabo mambo awama.—km 12/01 pe. 1 pala. 3.

Mamini. 18: Pangainga Bipangwa Mumingilo Yonse Yawama. Jashi nekwisamba naluonde. Jambiwe namukulumpe mukipwilo. Ambai byatendekele kipwilo kyenu nebyokibena kuya nakukomenako, kepo nebintu byaingijiwe pakuba’mba kilengwe. Nengezhezhai jimo kuba’mba aba bajingako pakyokyo kimye kyalengelwe kipwilo kyenu bashimikizhe bintu byamwekele byalusekelo. Lumbululai luketekelo lujipo lwakukomenako, nekutundaika bonse kwingijila pamo mumingilo yakipwilo kyenu namukoyo.

Lwimbo 119 nelulombelo lwakupezhako.

Mulungu Wakutendeka December 16

Lwimbo 29

Mamini. 10: Byakubijika byapakipwilo. Sawakya wamaakaunti. Ambai mutanchi wakwingila mumwingilo wamubujimi wiikajila wapa December 25 ne January 1.

Mamini. 15: Bamaana Bakebyumvwa. (Da. 12:3, 10) Kimwesho. Muntu uji nalusekelo lwakukeba kufunda washikisha’mba: “Nakonsha kushiinwa byepi’mba anweba yenu mwaumvwisha mubukine Baibolo boifunjisha?” Musapwishi alumbulule byakukeba byambo byavula bibena kwamba pamutwe umo kimye muntu kyoabena kupesa-pesa bishinka mu Baibolo. (w96-CW 5/15 mapeja 19-20) Kwingijisha kyakumwenako kimo nangwa bibiji byamubuku wa Ukupelulula pamapeja 213-18, amweshe byotwaumvwisha nkebelo ya Lesa yoalengejile ntanda mukulanguluka pabyambo byamu Binembelo. Musapwishi alumbulule jonka jishinda jimo byojakonsha kwingijishiwa kumvwisha bulongo mafunjisho amu Baibolo akwabo nekumubula byakufunda lufunjisho lwa Baibolo.

Mamini. 20: “Kwashaingako Bakote Bakishinka.”b Ambai nebyambo biji mu Kyamba kya Usopa kya August 1, 1994, papeja 29, kya Kibemba. Tongolai lunengezho lwaboba babula bulume bwakwingila namambo amisongo yabaya yakukankalwa kwingila, lwakupana sawakya wamwingilo wamubujimi mubibese byamaminiti 15. Nengezhaipo bamo bashimikizhe kupwañana nabano byokwaleta mapesho akatampe.

Lwimbo 154 nelulombelo lwakupezhako.

Mulungu Wakutendeka December 23

Lwimbo 148

Mamini. 10: Byakubijika byapakipwilo. Kwingijisha mashinda abiji apelako aji papeja 8, mweshai bimwesho bibiji mwakutambikila Kyamba kya Usopa, kya January 1. Tundaikai bonse kutamba vidyo ya No Blood—Medicine Meets the Challenge mukunengezhezha jimo mwisambo ukekala Pakupwila Kwamwingilo mumulungu wa January 6. Umvwe tepu wa vidyo mufwaye, tundaikai bonse kutanga buku wa Ukupelulula pamapeja 387-93.

Mamini. 15: Lukatazho lomuji nalo pakipwilo.

Mamini. 20: “Nanchi Mupana Sawakya Wenu Wakine Kuba’mba Abajilwe Pamo Namasawakya Onse Amwingilo Wamubujiminyi?”c Pakwisamba palagalafu 2, ambaipo byambo biji mubuku wa Abateyanishiwa pamapeja 106-8.

Lwimbo 165 nelulombelo lwakupezhako.

Mulungu Wakutendeka December 30

Lwimbo 152

Mamini. 10: Byakubijika byapakipwilo. Vululaiko basapwishi kuleta masawakya amwingilo wamubujimi a December. Umvwe kipwilo kyenu kikapimpula kimye kyakupwila mumwaka wiya, koseshai bonse kukapwilanga kimye kyonse pakyonkakyo kimye kyakatataka. Tongolai mabuku akutambika mu January nekubulañana mabuku omuji nao pakipwilo.

Mamini. 15: Kupituluka mubuku wa Pepeni Lesa. Jashi nekwisamba naluonde. Londololai lunengezho lwauno buku wakatataka byoasakwikala wakibiji kufunda. (km-CW 6/00 pe. 4 pala. 5-6) Ipuzhai luonde kwamba pabyambo bimo biji muuno buku byobatemwa. Lumbululai kuba’mba pamo pamo mubuku paji mepuzho nebinembelo byakukwasha ubena kutanga kulangulukisha pa Byambo bya Lesa. Lumbululaipo kyakumwenako papeja 47-9, palagalafu 13.

Mamini. 20: “Kuzhila Mashi Kyakine.” Jashi jamepuzho nemikumbu jambiwe namukulumpe mukipwilo wakonsha kwijamba bulongo.d Esekeshai nangovu kukwasha bonse kwikajijila namutembo wabo abo bene wakuzhila mashi. Mukulumpe mukipwilo wafwainwa kutundaika luonde kumona mapalagalafu obamona’mba muji byambo byobafwainwa kuyukisha nekushilapo tubishilwa nangwa kushila pamikuku yabyambo yanema. Salululaipo basapwishi bakonsha kabiji bafwainwa kukumbula mepuzho alondelapo: Jifundeka jikatampe jiji mu Ntendekelo 9:3, 4 kabiji jabwezhiwapo jibiji mu Byubilo 15:28, 29 jaikala jakine kubantu bonse? (pala. 3) Nanchi ‘kuzhila’ mashi kwaalulwilengaka kubena Kilishitu batanshi? (mapala. 4-6) Kuzhila mashi kuvwangamoka byokuji mbukilo ibena kubukilwamo bantu lelo jino? (pala. 8) Nanchi bena Kilishitu bafwainwa kuswa kwibabika tubibese twamashi pakwibabukanyi? (pala. 9-11) Mamboka bena Kilishitu bakine bakwabo kyobakonshesha kulangulukila mungi? (mapala. 12-15) Pakupwisha kwamba isambai mepuzho alondelapo kukupitulukamo naluonde: Nanchi Bakamonyi bakwa Yehoba baswa kutambula muchi uji yense walengwa kumashinyi? Mwina Kilishitu wakoma wesekesha nangovu kuba byepi kimye kyoabena kutalatala jishinda jakumubukilamo opaleshonyi?

Lwimbo 147 nelulombelo lwakupezhako.

Mulungu Wakutendeka January 6

Lwimbo 67

Mamini. 13: Byakubijika byapakipwilo.

Mamini. 15: Bintu Byakwitukwasha Kukokela Muzhilo wa Lesa Wakuzhila Mashi. Jashi jambiwe namukulumpe mukipwilo wafwainwa kwamba bulongo, kwingijisha autulaini yatuma ofweshi yamusampi. Munembeshi mukipwilo wafwainwa kwikala nabikachi byavula bya Mukambizho Wapainwa Jimo Kwiba Dokotala/Wakwibafumya Mumambo netubikachi twabaana twa Identity Card. Basapwishi babatizwa batambule ano mapepala panyuma yakupwila, bino KECHI bafwainwa kunembapo pajino jonka jubane. Kusaina, kwiimenako bukamonyi, nekunembapo juba pabikachi kwakonsha kubiwa Palufunjisho lwa Buku Pakipwilo, pakuba’mba mukulumpe walufunjisho lwabuku akebakwasheko pobabula kumvwisha bulongo. Aba babena kwimenako bukamonyi pakusaina bafwainwa kumona’mba yebabena kwimenako wasaina pakikachi saka bamonako nameso. Basapwishi babula kubatizwa bakonsha kwinembela kikachi kyabo bene nebaana babo kukopolola byambo biji pakino kikachi kwesakana nalwitabilo lwabo nebyobakeba.

Mamini. 17: “Mwafwainwa kutamba Vidyo ya No Blood—Medicine Meets the Challenge.” Jashi jambiwe namukulumpe mukipwilo wafwainwa kwamba bulongo. Pitailaitu mukwisamba uno mwisambo wa vidyo ya No Blood naluonde kwingijisha mepuzho anembwa mukabokoshi kaji papeja 7. Panyuma yakwisamba, tangai palagalafu yapelako mukabokoshi. Umvwe mufwayo tepu ya vidyo, isambai naluonde biji mubuku wa Ukupelulula pamapeja 388-393.

Lwimbo 79 nelulombelo lwakupezhako.

[Tubyambo twa mushi]