Mutanchi Wakupwila Kwamwingilo

Mulungu Wakutendeka June 9

Lwimbo 81

Mamini. 10: Byakubijika bya pa kipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bimwesho bibiji mwakutambikila magazini ya Kyamba kya Usopa kya July 1. Pa kumwesha bino bimwesho byonse bibiji, batangepo ne kinembelo.

Mamini. 15: “Mwingilo wa Bwina Kilishitu, ye Mwine Mwingilo Wetu Mukatampe.”a Koseshai bakyanyike kulanguluka pa mfweto yo bakonsha kumona umvwe batwela mu mwingilo wa kimye kyonse. Ambaipo ne byambo biji mu kamutwe kacheche kakuba’mba, “Ulutambi Nga Talumfwanene na Kampingu” mu Kyamba kya Usopa kya Kibemba kya November 1, 2000, mapeja 19-20.

Mamini. 20: “Nanchi Kimye kya Penshonyi, kyo kya Kwingijilamo Mwingilo na Ngovu Nyi?”b Inge kyakonsheka ipuzhaiko pacheche musapwishi watambula penshonyi ubena kwingila na ngovu mu mwingilo wa Yehoba. Mwipuzhai ambe byoauba ne mfweto yoamona.

Lwimbo 190 ne lulombelo lwa kupezhako.

Mulungu Wakutendeka June 16

Lwimbo 55

Mamini. 8: Byakubijika bya pa kipwilo. Sawakya wa maakaunti.

Mamini. 12: Lukatazho lomuji nalo pa kipwilo.

Mamini. 25: “Ingilainga na Ngovu mu ‘Kwibabujisha Bantu Mambo.’”c Ipuzhai mepuzho anembwa. Panyuma ya kwisamba palagalafu 5 ne 6, mweshaipo kakimwesho kepi kakumwesha bya kusapwila busapwishi bwakushukilwa kwi kalaliki mu shitolo ne kumushila talakiti wa Nanchi Mukeba Kuyuka Byavula pa Mambo a Baibolo Nyi? Saka mukyangye kwisamba ma palagalafu 7 ne 8, bulaipo umo eatange na jiwi jasansuka. Pa kupezhako tangai ne kwisamba byambo biji mu kabokoshi kakuba’mba “Kwibalubako Ne!”

Lwimbo 131 ne lulombelo lwa kupezhako.

Mulungu Wakutendeka June 23

Lwimbo 95

Mamini. 10: Byakubijika bya pa kipwilo. Kwingijisha mashinda apelako abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya July 1. Kimwesho kimo kimweshe musapwishi ubena kusapwila mu mukwakwa.

Mamini. 20: Jashi ne kwisamba na luonde pa mutwe wa kuba’mba, Cinshi Cingacitwa Pa lwa Kufuupulwa? uji mu Kyamba kya Usopa kya Kibemba kya November 15, 1999 pa mapeja 28-9 kuvwangako ne ka mutwe kacheche ka kuba’mba, “Ukutwalilila Ukuba ne Mimwene Isuma.” Ambañanai bintu byotwafwainwa kuba ne mafunde a mu Binembelo etukwasha kubula kulefulwa. Bujilai jimo musapwishi umo nangwa babiji bayuka bulongo balondolole kibakwasha kutwajijila kwikala ba lusekelo mu mwingilo wabo.

Mamini. 15: “Kusapwila mu ino Ntanda Ibena Kwenda na Kwalauka Alaukatu.” d Pa kwisamba mapalagalafu 2-3, ipuzhai luonde pa bintu byaubiwa mu nyaunda yenu byo mwakonsha kutendekelamo misambo. Pa kwisamba palagalafu 4, mweshai kakimwesho kepi kabena kwambapo pa jishinda jimo jatongolwamo.

Lwimbo 15 ne lulombelo lwa kupezhako.

Mulungu Wakutendeka June 30

Lwimbo 3

Mamini. 10: Byakubijika bya pa kipwilo. Vululaiko basapwishi kuleta masawakya amwingilo wa mu bujimi a June. Tongolai mabuku akutambika mu July ne August. Tongolai ne mabuloshuwa abiji o muji nao pa kipwilo. Mweshai kimwesho kimo kyanengezhiwa bulongo kya kumwesha bya kwiatambika mu bujimi. Inge mukeba kuyuka mashinda mwa kwiatambikila, monai Mwingilo Wetu wa Bufumu wa Kibemba wa July 1998, peja 8. Kabiji mashinda akwabo aji mu Watch Tower Publications Index pa mutwe wa kuba’mba, “Presentations” ne kamutwe kacheche kakuba’mba, “List by Publication.”

Mamini. 15: “Balemana, Bino Bengila.”e Ambaipo bakwabo byo bakonsha kukwasha kwingijisha byambo biji mu Awake! wa August 22, 1990, mapeja 22-3, pa kamutwe kacheche kakuba’mba “What Can Be Done?”

Mamini. 20: Ingijishai Bulongo Mambo a Lesa Kusapwila Bufumu. Kwisamba na luonde kubiwe na mukulumpe utangijila mwingilo. Muntu yense yetutana mu mwingilo wetu, twesekesha na ngovu kwisamba nanji byambo bya mu Binembelo bibena kwamba pa Bufumu. Bino nangwa byonkabyo, twafwainwa kuba byavula kukila kutangatu binembelo mu Baibolo. Twafwainwa kwibilumbulula, kwamba bya kumwenako, ne kwibingijisha. Mweshai kino byokyakonsha kubiwa, kwingijisha binembelo bimo biji mu buku wa Ukupelulula, peja 221, pa kamutwe kaamba’mba “Bakateka ba buntunse tabalepayanya cintu umutundu wa muntu ulekabila mu kwangufyanya.” Panyuma ya uno mwisambo, musapwishi umo wanengezha bulongo amweshe bya kwingijisha kinembelo kimo bulongo pa lwendo lwa kubwelako. Alumbulule mu ndumbulwilo ipi, ambe kyakumwenako kyapela, ne akyo kinembelo byo kibena kwingila kukwasha yewo muntu kuyuka bukalama bwa Bufumu byo bukamufweta. Kuntendekelo ya kimwesho, musapwishi atange kinembelo. Panyuma ya kimwesho, ambai musapwishi byo aji kulumbulula kinembelo, byo aji kupana kya kumwenako, ne byoaji kwikingijisha. Koseshai bonse kwingijishanga bulongo Mambo a Lesa.

Lwimbo 171 ne lulombelo lwa kupezhako.

Mulungu Wakutendeka July 7

Lwimbo 165

Mamini. 5: Byakubijika bya pa kipwilo.

Mamini. 15: Byamwekele byakonkako kwenu. Shimikizhai nangwa kumwesha byamwekejile basapwishi kimye (1) kyo basapwijilenga ku bantu ba mitundu yapusana pusana nangwa bantu bamba milaka ingi nangwa (2) kimye kyo basapwijilenga mutundu ungi wa busapwishi bwabula bwa ku nzubo ne nzubo nangwa bwa mu mukwakwa. Koseshai bonse kwingijishanga kabuku ka Good News for All Nations ne kapepala ka Twapaapaata Fwayeni Uyu Muntu (S-43) umvwe batana aba bamba mulaka ungi.—Monai Byakubijika.

Mamini. 25: “Kuyukanyikisha Jizhina ja Lesa.”f Ipuzhai mepuzho anembwa. Pa kwisamba palagalafu 4, ambaipo ne byambo biji mu kabokoshi kakuba’mba, “Making Known the Name of God,” kaji pa peja 124 mu buku wa Proclaimers. Bulai musapwishi wayuka bulongo amweshe kimwesho kya lwendo lwa kubwelako. Kwingijisha binembelo bibiji nangwa bisatu biji mu buku wa Ukupelulula, mapeja 424-5, lumbululai byo kyanemena kuyuka ne kwingijisha jizhina ja Lesa.

Lwimbo 197 ne lulombelo lwa kupezhako.

[Tubyambo twa mushi]