Mutanchi Wakupwila Kwamwingilo

Mulungu Wakutendeka September 8

Lwimbo 10

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Tundaikai bonse kupitulukamo mu byambo byo banembele pa kupwila kwa kijiiji kwajingako kuba’mba banengezhe Kupwila kwa Mwingilo kwa mulungu wiya. Kwingijisha mashinda atanshi abiji aji pa peja 4, mweshai bya kutambika Kyamba kya Usopa kya October 1. Mu kimwesho kimo, mweshai mwana wa sukulu nangwa nsemi ubena kusapwila ku mufunjishi.

Mamini. 10: Isambai “Juba ja Kupwila Kwiikajila Kubena Kwiya.” Bijikai juba ja kupwila kwiikajila kubena kwiya, ne kutundaika bonse kukatanwako. Umvwe kwashalatu bañondo bacheche kuba’mba kupwila kufike, ambai kuba’mba aba bonse bakeba kubatizwa bafwainwa kubujila jimo mukulumpe utangijila mu kipwilo.

Mamini. 25: “Anweba Bakyanyike, Alai Kitendekesho Kyawama kya Myaka Ikeya.”a Jambiwe na mukulumpe mu kipwilo kwingijisha mepuzho anembwa. Pa kwisamba palagalafu 5, ambaipo pa lusekelo ne mfweto ifumamo mu mwingilo wa kimye kyonse.

Lwimbo 170 ne lulombelo lwa kupezhako.

Mulungu Wakutendeka September 15

Lwimbo 199

Mamini. 10: Bya kubijika bya pa kipwilo. Sawakya wa maakaunti. Isambai sawakya wa mwingilo wa mu bujimi wa mu kino kyalo wa May, ne kwibasanchila basapwishi kabiji ne kwibatundaika pabena kukebewa kuwamisha.

Mamini. 10: “Kufunda Buku wa Popwelai Lesa Yenka Wakine.” Jashi jambiwe na mukulumpe wa lufunjisho lwa buku. Ambaipo ne pa mutanchi wa lufunjisho. Kimye kyo mubena kwisamba palagalafu 4, ambaipo ne pa byambo biji mu buku wa Isukulu lya Butumikishi, peja 28, palagalafu 1, ne peja 70.

Mamini. 25: ‘Ketekelai mwi Yehoba, ne Kuba Byawama.’ (Sala. 37:3) Isambai na luonde pa mepuzho alondelapo alumbulula bishinka bikatampe bya pa kupwila kwa kijiiji kwajingako. Ipuzhai luonde bambepo pa byo baingijishe abo bene nangwa na kisemi kyabo bishinka bikatampe byo bafunjile. Isambai pa ino mitwe ya majashi: (1) “Mweshainga Luketekelo Lwenu mwi Yehoba.” Mambo ka o kyanemena kumwesha luketekelo lwetu mwi Yehoba mu bwikalo bwetu bonse? (it-2 pe. 521) Watch Tower Publications Index yakonsha kwitukwasha byepi? (2) “Jimukai Nabintu Byatu Mubwikalo Bwenu.” (Sapwi. 2:4-8, 11) Bintu ka byatu byo twafwainwa kujimuka nabyo, kabiji twakonsha kujimuka nabyo byepi? (3) “Kanai Byatama, Ikalai Bakuba Byawama.” Mambo ka o kyanemena kulondela mizhilo ya Yehoba? (Isa. 5:20) Mingilo ka yawama yo twafwainwa kupayankana nayo? (4) “Kusunga Luketekelo Lwetu mwi Yehoba.” Bika byakonsha kwitukwasha kwimana bakosa umvwe twatalañana na meseko? Mambo ka o twafwainwa kushila bintu bimo mwi Yehoba? (5) “Nanchi mwi Bantu Bafwainwa Kwikala mu Bufumu bwa Lesa Nyi?” (Kolo. 1:10) Byakumwenako ka bya mu Baibolo bitutundaika kutwajijila kwenda mu jishinda jafwainwa ja Yehoba? (6) “Ketekelai Mumilaye ya Yehoba.” Kuba kino kwakonsha kwitukwasha byepi mu bumi bwetu?

Lwimbo 58 ne lulombelo lwa kupezhako.

Mulungu Wakutendeka September 22

Lwimbo 7

Mamini. 10: Bya kubijika bya pa kipwilo. Kwingijisha mashinda apelako abiji aji pa peja 4, mweshai bya kutambika Kyamba kya Usopa kya October 1. Kimwesho kimo kyafwainwa kumwesha nsemi ubena kukwasha mwananji bya kutambika.

Mamini. 15: Twaingijile Byepi Mwaka Wapwa? Mukulumpe utangijila mwingilo atongole bishinka bikatampe bya sawakya wa kipwilo wa mwaka wa mwingilo wa 2003. Takaikai kipwilo pa mwingilo wawama ye baingijile. Ambaipo ne pa sawakya ye apezhezheko kunemba mukulumpe wa kijiiji. Tongolaipo kintu kimo nangwa bibiji byo mukeba kukoba mwaka wiya.

Mamini. 20: Nanchi Bupopweshi Bonse Bwaitabilwa ne Lesa nyi? Isambai na luonde byambo biji mu Kyamba kya Usopa kya Kibemba June 1, 1994, pe. 8-9. Isambai bya kwambañana na bantu pa uno mutwe. (Mape. 10-12) Lumbululaiko mashinda acheche a kuyukilako bupopweshi bwa kine. (Mape. 14-19) Mwingilo wetu ukwasha bakwetu kusalulula bupopweshi bwaitabilwa kwi Lesa.—Kolo. 1:9, 10.

Lwimbo 39 ne lulombelo lwa kupezhako.

Mulungu Wakutendeka September 29

Lwimbo 194

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi a September. Tongolai mabuku a kutambika mu October. Mweshaipo kimwesho kipi bya kutatula Lufunjisho lwa Baibolo mu buloshuwa wa Nanchi Lesa Ukebaka?

Mamini. 15: Lukatazho lomuji nalo pa kipwilo.

Mamini. 20: “Vwalai Kwipelula.”b Ipuzhai luonde bambepo byo twafwainwa kwingijisha binembelo.

Lwimbo 224 ne lulombelo lwa kupezhako.

Mulungu Wakutendeka October 6

Lwimbo 170

Mamini. 10: Bya kubijika bya pa kipwilo. Uno ñondo tubena kukeba kwingila bingi na ngovu kutatula Mafunjisho a Baibolo. Ambaipo pacheche pa byambo biji mu Mwingilo Wetu wa Bufumu wa May 2002, peja 1 palagalafu 1.

Mamini. 15: Jashi ne kwisamba na luonde kwingijisha byambo biji mu Kyamba kya Usopa kya Kibemba kya September 1, 1998, mapeja 19-21, mu kibaba kiji na mutwe wa jashi kyaamba’mba, “Shininkisheni Ukutangishako Ifintu Fyacindama Intanshi!” Tongolai moba a kupwila kwapusana pusana kwanengezhewa mu bañondo bakulutwe, ne kutundaika bonse kubikapo kayukilo pa ano moba pa kalenda wabo. Ipuzhai luonde bambepo byo boba pa kuba’mba babulenga kupuswako ku lunengezho lwa ku mupashi.

Mamini. 20: Kukana Kuba Byuba Bakwenu Banyike. Ipuzhaipo mukulumpe mu kipwilo umo nangwa nkwasho wakomejile mu kisemi kya bwina Kilishitu. Monai byambo byasalululwa mu Kyamba kya Usopa kya Kibemba kya February 15, 2003. Makatazho ka o apichilemo mulongo kimye kyoakijinga pa sukulu? (pe. 24 pala. 3; pe. 25 mapala. 4-5) Abya bakwabo bakebelenga kumutwala mungi nyi? (pe. 26 mapala. 4-6) Nanchi ne luno byo akoma, bakwabo bakikebatu amba obenga byo boba nyi? Kika kyamukwasha kukana byubilo byatama? Pa kupezhako jashi, ambaipo pacheche bishinka bikatampe biji mu buku wa Ubwaice Bobe (YY) kitango 8, kulumbulula mfweto ifumamo mu kwendañana na balunda bafwainwa.

Lwimbo 26 ne lulombelo lwa kupezhako.

[Tubyambo twa mushi]