Mutanchi Wa Kupwila Kwa Mwingilo

Mulungu wa Kutendeka August 9

Lwimbo 57

Mamini. 10: Bya kubijika bya pa kipwilo ne bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bya kushajika Kyamba kya Usopa kya September 1. Ambai ne pa bupe bupanyiwa mu kwitemenwa. Vululaiko luonde kuba’mba mulungu wiya bakasende kope wabo wa buloshuwa wa Nanchi Lesa Ukebaka.

Mamini. 15: “Mu Kuchinchika Mufuma Mfweto.”a Ambaipo ne byambo bicheche biji mu Kyamba kya Usopa kya January 1, 2001, mapeja 15-17, mapalagalafu 15-18.

Mamini. 20: Kwingijisha Matalakiti Kutendekelamo Mafunjisho a Baibolo. Jashi ne kwisamba na luonde kufuma mu Mwingilo Wetu wa Bufumu wa November 2001, mapeja 3-4. Ambai’mba twakonsha kupimpula mutanchi wetu kwesakana na monka mwayila bwikalo bwa muntu ye tubena kufunjisha, byonka byo kyamweshiwa mu palagalafu 5. Mweshaipo kimwesho kimo nangwa bibiji bipi byaamba pa mapalagalafu 8-10. Umvwe kujipo jishinda jikwabo jingila bulongo koko kwenu, jambai ne kwijimwesha mu bu kimwesho. Ipuzhai luonde lushimikizhepo bya kumwenako byo bajinga nabyo kimye kyo baingijishenga talakiti wa Nanchi Mukeba Kuyuka Byavula pa Mambo a Baibolo Nyi?

Lwimbo 74 ne lulombelo lwa kupezhako.

Mulungu wa Kutendeka August 16

Lwimbo 189

Mamini. 10: Bya kubijika bya pa kipwilo.

Mamini. 15: Funjishainga Baana Benu Bukine. Jashi kufuma mu buku wa Icaba Inkaama, mapeja 55-9. Isambai pa mashinda ana bansemi o bafwainwa kukwashishamo baana babo kwikala balunda ba pa muchima ne Yehoba kupichila mu kwingijisha bulongo bino byambo.

Mamini. 20: “Kufunjishanga Mafunjisho a Baibolo Anunguluka—Lubaji 2.”b Mweshaipo ne kimwesho kya maminiti atanu. Musapwishi waipuzha mukulumpe mu kipwilo bya kukwasha yewa ufunda Baibolo kuba’mba anungulukenga. Mukulumpe mu kipwilo waamba’mba lukatazho lulengela, ke kutaya kimye kyabaya na kwisamba bintu byabula kunema kimye kibena kubiwa lufunjisho ne kusha bine bishinka. Kwingijisha lufuunjisho 9 mu buloshuwa wa Nanchi Lesa Ukebaka, wamwesha musapwishi bya (1) kuta muchima ku bishinka bikatampe biji mu lufunjisho, (2) kwingijisha bulongo binembelo byamweshiwa, ne (3) kunengezha lufunjisho kwesakana na biji yewo muntu. Walumbulula’mba kyawama kunengezhezha jimo bulongo saka akyangye kuya na kufunjisha lufunjisho.

Lwimbo 85 ne lulombelo lwa kupezhako.

Mulungu wa Kutendeka August 23

Lwimbo 33

Mamini. 15: Bya kubijika bya pa kipwilo. Sawakya wa maakaunti. Kwingijisha mashinda apelako abiji aji pa peja 8, mweshai bimwesho bibiji bya kushajika Kyamba kya Usopa kya September 1. Mu kimwesho kimo, mweshai ubena kusapwila ku mufunjishi wa sukulu.

Mamini. 10: “Lunengezho lwa Katataka lwa Kupituluka mu Majashi a Kupwila kwa Kijiiji ne Kwiikajila.” Jashi ne kwisamba na luonde kufuma mu mutwe uji pa peja 4. Tongolai moba akekelamo kupwila kwa kijiiji kukalondelapo ne juba ja kupwila kwiikajila umvwe ano moba ayukanyikwa kala. Aba bakeba kubatizhiwa bafwainwa kubujila jimo mukulumpe utangijila mu kipwilo saka kukiji kimye.

Mamini. 20: Bukine Bukwatankanya Bisemi Pamo. Jashi ne kwisamba na luonde. Kimo kimye aba baji na lusekelo lwa kukeba kufunda bukine babwela panyuma mu kwingijila Yehoba na mambo a kwibakanya ku bamukisemi. Ipuzhai bashimikizhepo bya kumwenako bimo biji mu: Kyamba kya Usopa kya January 1, 2002, mapeja 24-25; Kyamba kya Usopa kya Kibemba kya December 1, 2000, peja 8; Kyamba kya Usopa kya Kibemba kya September 1, 1999, peja 32; Kyamba kya Usopa kya Kibemba kya January 1, 1999, peja 4; ne Loleni! wa February 22, 1998, peja 31. Lumbululai’mba javula bwikalo buwama bingi mu kisemi umvwe mwaikala nangwa umo ubena kwingijisha mafunde a mu Baibolo.

Lwimbo 220 ne lulombelo lwa kupezhako.

Mulungu wa Kutendeka August 30

Lwimbo 90

Mamini. 10: Bya kubijika bya pa kipwilo. Vululaiko basapwishi kupana masawakya abo a mwingilo wa mu bujimi a August.

Mamini. 15: “Sukulu ya Lufunjisho lwa Mwingilo—Kibelo Kikatampe kya Kwingijilamo Mingilo.” Jashi ne kwisamba na luonde. Ambaipo ne byambo biji mu 2004 Yearbook, mapeja 239-40. Ambai’mba pa kupwila kwa kijiiji ne kwa nkambi pekala kupwila kwa boba bakeba kuya na kutanwa ku Sukulu ya Lufunjisho lwa Mwingilo. Tundaikai boba bafikizha bikebewa kuba’mba bakaye na kutanwa ku kuno kupwila.

Mamini. 20: Nanchi Mwamwenamo Nyi? Kwisamba na luonde. Pitulukai mu mashinda aji mu Mwingilo Wetu wa Bufumu wa mwaka wa mwingilo wapwa: Nembai mashinda enu a kwingijisha mu mwingilo wa mu bujimi pa kakipepala. (km-KD 10/03 pe. 8) Batakaikai kufuma panshi ya muchima wenu. (km-KD 11/03 pe. 1) Sapwilai kimye kyo mwamona’mba bantu baji pa mazubo abo. (km-KD 12/03 pe. 1) Ikelai jimo na bimye bya kutangilamo Baibolo, kunengezhezhamo kupwila, ne mwingilo wa mu bujimi. (km-KD 1/04 pe. 4) Ingijishai buloshuwa wa “Monai Kyalo Kyawama” kimye kyo mubena kufunda lufunjisho lwa pa bunke ne kutanga Baibolo. (km-KD 3/04 pe. 2) Ibikilai kikonkwanyi kya kutanga Baibolo yense. (km-KD 4/04 pe. 1) Sapwilainga mu nyaunda ya busulu. (km-KD 7/04 pe. 4) Ingijishainga matalakiti kutendekelamo mafunjisho a Baibolo. (km-KD 8/04 pe. 2) Ipuzhai luonde bambepo pa buwame bobatainemo pa kwingijisha ano mashinda.

Lwimbo 145 ne lulombelo lwa kupezhako.

Mulungu wa Kutendeka September 6

Lwimbo 197

Mamini. 5: Bya kubijika bya pa kipwilo.

Mamini. 15: Bibena kukebewa pa kipwilo.

Mamini. 25: “Ikalai na Muchima wa Bupainiya.”c Ipuzhaiko pacheche painiya umo nangwa babiji. Bepuzhai bambe pa bansemi, bakulumpe mu kipwilo, ne bakwabo byo bebatundaikile kutendeka mwingilo wa kimye kyonse.

Lwimbo 142 ne lulombelo lwa kupezhako.

[Tubyambo twa mushi]