Mutanchi Wa Kupwila Kwa Mwingilo

Mulungu wa Kutendeka September 13

Lwimbo 43

Mamini. 12: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Umvwe mashinda aji pa peja 4 afwainwa mu nyaunda yenu ya kipwilo, engijishai kumwesha bya kushajika Kyamba kya Usopa kya October 1. Mwakonsha kwingijisha mashinda akwabo. Panyuma ya kimwesho kimo kimo, ambaipo pacheche buwame bwa kyokyo kimwesho.

Mamini. 15: “Ikalai na Jiso Jijitu.”a Ipuzhai mepuzho anembwa. Umvwe kimye ko kikiji, lumbululai binembelo bijimo.

Mamini. 18: Bantu Bamona Mingilo Yetu Yawama. (1 Pe. 2:12) Jashi ne kwisamba na luonde kufuma mu Kyamba kya Usopa kya November 1, 2002, mape. 22-24, mapala. 14-20. Ambilai luonde kwambapo pa bantu ba mu nyaunda yenu byo bobapo na mambo a kumona mingilo yetu yawama.

Lwimbo 162 ne lulombelo lwa kupezhako.

Mulungu wa Kutendeka September 20

Lwimbo 88

Mamini. 15: Bya kubijika bya pa kipwilo. Isambai pa mutwe waamba’mba: “Baana Babacheche Baletela Lesa Lusekelo.” Tundaikai bonse kutanga Kubala 16:1-35, ne kutamba vidyo nangwa kuteleka ku tepu ya Respect Jehovah’s Authority umvwe baji nayo kuba’mba bakeye benengezhezha jimo na kutanwa ku Kupwila kwa Mwingilo kwa mulungu wa October 4.

Mamini. 15: Twaingijile Byepi Mwaka Wapwa? Jashi jambiwe na mukulumpe mu kipwilo, kwamba pa sawakya wa mwingilo wa kipwilo wa mwaka wa 2004. Ambai pa buwame bwayewo sawakya, ne kutakaika kipwilo pa mwingilo wawama ye baingijile. Ambaipo pa mwingilo wawama waingijile ba painiya. Tongolaipo lubaji lumo nangwa ibiji kipwilo mo kyafwainwa kutengelanga kukoba mwaka ubena kwiya.

Mamini. 15: Kukosela mu Mingilo Yawama. (Nga. 6:10) Ipuzhaipo babiji nangwa basatu bengila bupainiya bwa kimye kyonse nangwa bengila bupainiya bwa kukwasha pa kimye pa kimye. Makatazho ka o bapitamo mu mwingilo wabo wa kwingijila Yehoba, kabiji beashinjile byepi? Ki ka kibakwasha kukosa mu kuba byawama ku bakwabo? Nga kwingila kwabo na mukoyo mu mwingilo wa bwina Kilishitu kwibakwasha byepi abo bene ne bakwabo? Umvwe kyakonsheka, ambaipo ne pa byaubiwa koko kwenu kusapwila mambo awama ku bantu bamba mulaka ungi. Basanchilai bonse pa mambo ‘a mwingilo wabo wa lwitabilo ne mwingilo wabo wakosa wa butemwe ne wa butekanye bwabo.’—1 Tesa. 1:2, 3.

Lwimbo 103 ne lulombelo lwa kupezhako.

Mulungu wa Kutendeka September 27

Lwimbo 221

Mamini. 15: Bya kubijika bya pa kipwilo. Lipoti wa maakaunti. Vululaiko basapwishi kuleta masawakya a mwingilo wa mu bujimi a September. Mweshai bya kushajika Kyamba kya Usopa kya October 1.

Mamini. 10: Mambo a Yehoba o Omi. Jashi. Pa kwitukwasha kumwenamo pakatampe mu mutanchi wa kutanga Baibolo kwa mulungu ne mulungu mu Sukulu ya Mwingilo wa Teokalasi, bibaba bya kuba’mba “Mambo a Yehoba o Omi” byatendeka kwikalamo mu Kyamba kya Usopa. Kwingijisha Kyamba kya Usopa kya October 1, 2004, tongolai mbaji ya bino bibaba. Panyuma ya kumona bishinka bikatampe, ka mutwe ka kuba’mba “Mepuzho a mu Binembelo Akumbulwa” kalumbulula mikuku imo ya Binembelo byakatazha. Byambo biji pa ka mutwe kaamba’mba “Lufunjisho Kotuji” byaamba pa byo twafwainwa kwingijisha byambo byo twatanga. Ambaipo bya kumwenako bimo bijimo kuba’mba mumweshe bino bibaba byo bisakwitukwashanga kuyuka pakatampe Mambo a Lesa. Tundaikai bonse kutendeka kwingijisha pakatampe uno mutanchi wakatataka byo tukatendeka kutanga buku wa Mpitulukilo ya mu Mizhilo mulungu wiya.

Mamini. 20: “Ingijishainga Bulongo Baibolo.”b Ipuzhai mepuzho anembwa. Ingijishai byambo biji mu buku wa Isukulu lya Butumikishi, peja 145, mapalagalafu 2-3. Mweshaipo bimwesho bibiji bipi, kimo kya kumonañana na muntu kimye kitanshi kabiji kikwabo kya kubwelako, kumwesha bya kwingijisha mashinda apanyiwa.

Lwimbo 38 ne lulombelo lwa kupezhako.

Mulungu wa Kutendeka October 4

Lwimbo 5

Mamini. 5: Bya kubijika bya pa kipwilo.

Mamini. 15: Bibena kukebewa pa kipwilo.

Mamini. 25: “Twafwainwa Kunemeka Buntangi bwa Yehoba.” Tangai Yuda 11, ne kwambapo mawi atanshi acheche a kubula kupitaila pa miniti umo. Apa bino mutendeke ponkapotu mwisambo wa mepuzho ne mikumbu kwingijisha mepuzho anembwa mu kibaba. Lumbululai kishinka kya kuba’mba pa kuba’mba twitabilwe kwi Yehoba, twafwainwa kuchinuzhuka byubilo bya kwa Kola bya bunsatuki ne kulondelako kya kumwenako kya baana banji babalume babujile kuswisha kiji kyonse kwibalengela kubula kunemeka Yehoba.

Lwimbo 99 ne lulombelo lwa kupezhako.

[Tubyambo twa mushi]