Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka April 25, 2005. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya March 7 kufika ku April 25, 2005. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Isukulu lya Butumikishi mape. 36-7.]
ÑAMBILO
1. Kimye kyo tubena kunengezha jashi, twingijisha byepi bulongo byambo byo twapewa kwambapo, kabiji mambo ka kino o kyanemena? [be-CW pe. 234 pala. 1-3, tubokoshi]
2. Nanchi twafwainwa kwamba byambo byonse byo twapewa mu jashi jetu nyi? [be-CW pe. 234 pala. 4-pe. 235 pala. 1]
3. Twakonsha kwingijisha byepi mepuzho mu mwingilo wa mu bujimi kutatwilamo mwisambo? (Byubilo 8:30) [be-CW pe. 236 pala. 2-5]
4. Twakonsha kwingijisha byepi mepuzho kukwasha bo tufunjisha Baibolo kwingijisha ‘bulume bwabo bwa kulanguluka’? (Loma 12:1, NW) [be-CW pe. 238 pala. 1]
5. Ñanyi bulume buji na mepuzho aipuzhiwa mu Loma 8:31, 32 ne Isaya 14:27? [be-CW pe. 239 pala. 1-2]
JASHI NA. 1
6. ‘Twala byepi Kilishitu kwikala kitendekesho’ mu mwingilo wetu wa kulenga baana ba bwanga? (1 Ko. 3:11) [be-CW pe. 278 pala. 1-2]
7. Yehoba byo apele kala Mwananji ngovu yonse ya kulama mu 1914, mambo ka o tulombela’mba, “Bufumu bwenu bufike”? (Mat. 6:9, 10) [be-CW pe. 279 pala. 4]
KUTANGA BAIBOLO KWA MULUNGU NE MULUNGU
8. Mambo ka Yehoba o elangulwishe na mambo ‘a kubika Saulo pa bufumu’? (1 Sam. 15:10, 11) [g77 3/22 pe. 28]
9. Mambo ka jishimikila ja mu Baibolo o jaambila’mba Eli wanemekeshanga baana banji kukila byo anemekanga Yehoba? (1 Sam. 2:12, 22-24, 29) [w96-CW 9/15 pe. 13 pala. 14]
10. Kwesakana na 1 Samwela 1:1-7, kya kumwenako ka kyawama kyamweshiwe na kisemi kya kwa Samwela? [w98-CW 3/1 pe. 16 pala. 12]
11. Mambo ka Hana o alombejile kuba’mba Yehoba “ukapana ngovu kwi mfumu wanji” sa kwabujile mfumu wa bumuntu wa kulama bena Isalela? (1 Sam. 2:10)
12. Ki ka kyo twakonsha kufunjilako ku kushindwa kwa bena Isalela nangwa kya kuba jikwachi ja lulayañano jajinga mukachi kabo? (1 Sam. 4:3, 4, 10)
13. Mambo ka 1 Byambo bya Moba 2:13-15 kyo byatongwela Davida kuba’mba wajinga mwana wa butanu na bubiji wa kwa Yese, pano 1 Samwela 16:10, 11 sa amwesha kuba’mba wajinga mwana wa butanu na busatu?
14. ‘Mupashi ka wabipa’ wakatezhenga Saulo? (1 Sam. 16:14)
15. Nanchi kwaula kwaawile “Samwela” kupichila mu muntu wisamba na bapashi mu Enedola kwajinga kwalumbuluka nyi? (1 Sam. 28:16-19)