Mutanchi Wa Kupwila Kwa Mwingilo

Mulungu wa Kutendeka June 13

Lwimbo 198

Mamini. 10: Bya kubijika bya pa kipwilo. Bya Kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya July 1. Mwakonsha kwingijisha mashinda akwabo engila bulongo. Mu kimwesho kimo, mweshai bya kushajika magazini mu busapwishi bwa kushukilwa.

Mamini. 15: Kwashai Bakwenu Kwikala Basapwishi Babula Kubatizwa. Jashi ne kwisamba na luonde jambiwe na mukulumpe mu kipwilo kufuma mu buku wa Bakwatankana Kuba Kyaswa Muchima wa Yehoba, mapeja 79-81. Isambai pa lunengezho lwa kuyukilako umvwe ufunda Baibolo wafikizha bikebewa mu Binembelo kuba’mba atendeke kuyilanga pamo na kipwilo mu mwingilo wa mu bujimi. Mu milungu ibiji yalondelapo tukafunda pa byo twakonsha kufunjisha bafunda Baibolo bafikapo kwikala basapwishi babula kubatizwa kutendeka kuyanga mu mwingilo wa ku nzubo ne nzubo.

Mamini. 20: “Kusapwila Kwitulengela Kuchinchika.”a Umvwe kimye kokiji, ambilai luonde lwambepo pa binembelo byamweshiwa.

Lwimbo 149 ne lulombelo lwa kupezhako.

Mulungu wa Kutendeka June 20

Lwimbo 206

Mamini. 10: Bya kubijika bya pa kipwilo. Pitulukai mu bishinka bikatampe biji mu Mwingilo Wetu wa Bufumu wa July 2003, peja 8. Lumbulwilai basapwishi byo bakonsha kutambula mabuku a mu mulaka ungi. Isambai bino byambo byo byakonsha kwingila mu nyaunda yenu. Mabuku a mu milaka ingi afwainwa kuodewa kupichila mu wa mwingilo utala pa mabuku, nangwatu kya kuba ujitu buku umo kuba’mba kibule kutaya kimye.

Mamini. 15: Bibena kukebewa pa kipwilo.

Mamini. 20: “Kufunjishanga Mafunjisho a Baibolo Anunguluka—Lubaji 10.”b Mweshai ne kimwesho kibena kumwesha musapwishi ubena kupitulukilamo jimo na ye afunjisha byo basa kuya na kwamba. Ufunda Baibolo byo abena kupituluka mu byo asa kwamba, mufunjishi waimenako mwina nzubo waipuzhapo bwipuzho bumo bavula bo bepuzha mu yoyo nyaunda. Awo ufunda byo amona’mba kechi wayuka bya kukumbula ne, mufunjishi walondolola byo bwafwainwa kukumbulwa. Kabiji bujilai jimo musapwishi umo nangwa babiji bakambepo pa lufunjisho lo bafunjile kimye kyo batatwile kwingila mwingilo wa ku nzubo ne nzubo.

Lwimbo 208 ne lulombelo lwa kupezhako.

Mulungu wa Kutendeka June 27

Lwimbo 113

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi a June. Tangai sawakya wa maakaunti ne nkalata ya kwimubula’mba bupe bwatuminwe bwatambulwa. Kwingijisha mashinda apelako abiji aji pa peja 8 (umvwe akonsheka kwiengijisha mu nyaunda yenu) mweshai bya kushajika Kyamba kya Usopa kya July 1. Mwakonsha kwingijisha mashinda akwabo engila bulongo. Panyuma ya kimwesho, ambai jibiji byambo bya kutendekelapo bya kwambiwa mu kimwesho bya kulengela mwina nzubo kwikala na lusekelo.

Mamini. 15: Ikalai na Mukoyo wa Kusapwila ku Nzubo ne Nzubo. Jashi jambiwe na mukulumpe utangijila mwingilo, kufuma mu jajingako mulungu wapwa jiji na mutwe waamba’mba, “Kufunjishanga Mafunjisho a Baibolo Anunguluka—Lubaji 10.” Ingijishai maminiti asatu kupituluka mu bishinka bikatampe bya uno mutwe. Mwingilo wa ku nzubo ne nzubo jo jishinda jikatampe jo ‘tushimwinamo bukine.’ (jv 100; Byubilo 10:42) Bavula babatizwa lelo jino bebanangile ku basapwishi baya ku nzubo ne nzubo. Mambo ka bamo o baikela na mukoyo mu busapwishi bwa ku nzubo ne nzubo? Bafunjishiwa bulongo kabiji kimye kyonse batanchika kimye kya kuyanga mu uno mwingilo wanema. Nangwa kya kuba bonse baji na mutembo wa kusapwila, kechi bonse baji na bulume bumotu ne. (Esakanyaiko 1 Kolinda 12:29, 30) Bamo bakebewa kwibatundaika; bakwabo bakonsha kuyuka bya kwingila bulongo mu lubaji lumo lwa mwingilo wa mu bujimi kukila mu lubaji lukwabo. Pano nga aba babula kuyukisha bya kwingila bulongo mu mbaji imo ya mwingilo bakonsha kukwashiwa byepi kuba’mba banunguluke? (Fili. 3:16) Kimwesho (Mamini. 3): Bakulumpe ba Lufunjisho lwa Buku lwa Kipwilo bafwainwa kukwasha bakwabo kuyuka bya kwingilanga mu mbaji yonse ya mwingilo. Ambilai mukulumpe mu kipwilo amweshe bya kwabanya kajibumba ka basapwishi kuba’mba baye mu busapwishi. Aba babena kufunjisha mafunjisho a Baibolo javula kechi bakebewa wa kuya nabo ne. Pa kupwila kwa kuya mu mwingilo, awa ubena kutangijila wafwainwa kwabanya boba babula kupijilwa mu mwingilo wa ku nzubo ne nzubo kuba’mba bayile pamo na boba bapijilwa bakonsha kwibafunjisha ne kwibakosesha. Bafwainwa kupewa nyaunda ya kusapwilamo. Byo tujimunako bantu pa mambo a kiyukilo kya kwikalapo kwa kwa Yesu, lekai mupashi wazhila etukoseshe kutundaika lunengezho lwa kipwilo lwa kusapwila ‘ku nzubo ne nzubo kwa kubula kuleka.’—Byubilo 5:42.

Mamini. 20: Kushajika Mabuloshuwa mu July ne mu August. Jashi ne kwisamba na luonde kufuma mu kya mukachi. Lumbululaiko pacheche bya kwingijisha kino kya mukachi, kwamba pa kabokoshi kaji pa peja 3 pamo ne bishinka bikatampe biji mu Mwingilo Wetu wa Bufumu wa January 2005, peja 8. Isambai pa mashinda akonsha kwingila bulongo mu nyaunda yenu a kushajikilamo mabuloshuwa kimye kitanshi. Mweshai bimwesho bibiji nangwa bisatu. Musapwishi wakyanyike amweshepo kimwesho kimo.

Lwimbo 196 ne lulombelo lwa kupezhako.

Mulungu wa Kutendeka July 4

Lwimbo 70

Mamini. 10: Bya kubijika bya pa kipwilo.

Mamini. 15: Nanchi Muji na Mutanchi wa Kisemi Nyi? Pitulukai mu mashinda aji mu kya mukachi kya Mwingilo Wetu wa Bufumu wa May 2005 ne kwambila luonde lwambepo pa byo lwauba kuba’mba lwingijishe ano mashinda kabiji ne mfweto yo lwamwenamo mu kuba kino.

Mamini. 20: “Kusapwila Bulongo mu Mapunzha Mutanwa Bantu Bavula.”c Ambai jino jashi kwesakana na nyaunda yenu. Vululaimo basapwishi kwingijisha pepala wa Mwane Monai Uno Muntu (S-43) po bamona’mba kyafwainwa.—Monai Mwingilo Wetu wa Bufumu wa February 2005, pe. 7.

Lwimbo 120 ne lulombelo lwa kupezhako.

[Tubyambo twa mushi]