Mutanchi Wa Kupwila Kwa Mwingilo

Mulungu wa Kutendeka September 12

Lwimbo 29

Mamini 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda atanshi abiji aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya October 1. Mashinda akwabo awama a kushajikilamo afwainwa kwingijishiwa. Salai mukulumpe umo kumweshapo jishinda jimo ne wa kyanyike kwingijisha jishinda jikwabo. Panyuma ya kimwesho kyonse, ambaipo mashinda amo awama aji kumweshiwa mu kimwesho.

Mamini 20: Ñanyi Bikonkwanyi Byenu bya ku Mupashi? Jashi ne kwisamba na luonde kufuma mu kitango 10 kya mu buku wa Bakwatankana Kuba Kyaswa Muchima wa Yehoba. Ambishaipo pa byo kilumbulula mu binembelo kukanamina mingilo ikwabo.

Mamini 15: “Kufunjishanga Mafunjisho a Baibolo Anunguluka.”a Kwisamba na luonde kufuma mu Lubaji 1 ne 2 mu kya mukachi. Kabiji mwakonsha ne kumona Mwingilo Wetu wa Bufumu wa August 2004 peja 1. Mambo ka o kyanemena kwinengezha bulongo kimye kyonse kyo mubena kufunjisha lufunjisho lwa Baibolo? Kino kivwangamo ka? Ipuzhai luonde kushimikizha byo babena kwingijisha ano mashinda aji mu Mwingilo Wetu wa Bufumu. Pa kupwisha ambaipo pa kabokoshi ko bapenta kaji peulu ya peja itanshi ya kya mukachi.

Lwimbo 110 ne lulombelo lwa kupezhako

Mulungu wa Kutendeka September 19

Lwimbo 168

Mamini 10: Bya kubijika bya pa kipwilo.

Mamini 20: Twaingijile Byepi Mwaka Wapwa? Mukulumpe utangijila mwingilo apituluke mu sawakya wa mwingilo wa mwaka wapwa, kwamba pa buwame bwaingijiwe mu mwingilo ne kutakaika kipwilo pa mwingilo wawama ye kyaingijile. Tongolaipo lubaji lumo nangwa ibiji mwafwainwa kwingijiwapo mu mwaka ubena kwiya. Ambaipo pa mwingilo wawama waingijile bapainiya ne kwibatakaika pa kwingila na mukoyo. Shimikizhaipo buwame bwafuminemo mu kukwasha basapwishi bakoka.

Mamini 15: Kasa Mwitemwisha Na Lusa Anwe Bene Na Bene. Jashi kufuma mu Kyamba kya Usopa, kya, October 1, 2004, peja 28-31, palagalafu 1-14.

Lwimbo 199 ne lulombelo lwa kupezhako.

Mulungu wa Kutendeka September 26

Lwimbo 122

Mamini 10: Bya kubijika bya pa kipwilo. Tangai sawakya wa maakaunti ne makalata a kuyukanyikisha’mba ofweshi wa musampi watambwijile mali a bupe bwenu o mwatumine. Vululaiko basapwishi kuleta masawakya a mwingilo wa mu bujimi wa September.

Mamini 15: Bibena kukebewa pa kipwilo.

Mamini 20: Kulenga Mambo Awama Kuyukanyikwa na Magazini. Mu October, tukashajikanga Kyamba kya Usopa ne Loleni. Pa kutendeka jino jashi, isambai pa mashinda aji mu Mwingilo Wetu wa Bufumu wa February 2005 peja 8, palagalafu 3-6: (1) Shajikai onse magazini abiji. (2) Ikalaipo na juba jimo mulungu ja kuya mu mwingilo wa magazini. (3) Ibikilai kikonkwanyi kya pa ñondo pa ñondo kya kushajika magazini. (4) Shukilwai kimye kiji kyonse kyawama kushajika magazini. (5) Ingijishainga bulongo magazini a kunyuma. Isambai pa byo mwakonsha kwingijisha ano mashinda mu nyaunda yenu. Apa bino mumweshe bya kushajika Kyamba kya Usopa kya October 1. Kwingijisha mashinda aji pa peja 8 mu uno Mwingilo Wetu wa Bufumu (umvwe akonsheka kwiengijisha mu nyaunda yenu). Mashinda akwabo awama a kushajikilamo afwainwa kwingijishiwa. Kunungapo, mweshai mitwe ikwabo yafwainwa kukwasha bantu baji mu nyaunda yenu, kabiji mumweshe ne bya kwisamba pa mutwe umo wa pa yoyo mitwe. Panyuma ya kimwesho kyonse, ambaipo mashinda amo awama aji kumweshiwa mu kimwesho.

Lwimbo 3 ne lulombelo lwa kupezhako.

Mulungu wa Kutendeka October 3

Lwimbo 54

Mamini 5: Bya kubijika bya pa kipwilo.

Mamini 20: “Kwashai Bakwenu Kwikala ba ‘Kukokela na Muchima.’”b Inge kimye ko kiji, ipuzhai luonde kwambapo pa binembelo byamweshiwa.

Mamini 20: Kusangajika muchima wa Yehoba. (Mana. 27:11) Ipuzhaipo bakalume ba Yehoba bakishinka babanda babiji nangwa basatu. Bepuzhai bonse kwamba pa kintu kimo nangwa bibiji bibakwasha kutwajijila kwikala ba lukokelo kwi Yehoba. Bimo byo bakonsha kwambapo ke kutako muchima kwikala na lufunjisho lwa Baibolo lwa pa bunke, kutanwa ku kupwila kimye kyonse, kupwanañana na bakwetu bakishinka, kwingila na muchima yense mu mwingilo wa mu bujimi, kulomba lulombelo lufuma panshi ya muchima, kabiji ne kuchinuzhuka bya kukaya byabula kufwainwa. Meseko ka a lukokelo o batalañanapo kala nao, kabiji bakonsheshe byepi kwiashinda? Bapeshiwa byepi pa kwikala na lukokelo?

Lwimbo 170 ne lulombelo lwa kupezhako.

[Tubyambo twa mushi]