Mutanchi Wa Kupwila Kwa Mwingilo

Mulungu wa Kutendeka October 10

Lwimbo 17

Mamini 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda abiji atanshi aji pa peja 8 (umvwe akonsheka kwiengijisha mu nyaunda yenu) kumwesha bya kushajika Kyamba kya Usopa kya November 1. Panyuma ya kimwesho kyonse, ambaipo mashinda amo awama aji kumweshiwa mu kimwesho. Kabiji ambai pa mitwe ikwabo yakonsha kuzakula michima ya bantu baji mu nyaunda yenu.

Mamini 15: Nanchi Muji na Muteeto Wawama wa Kutanga Nyi? Kwisamba na luonde pa bipungu byatongolwa kufuma mu buku wa Nonkelenimo, mapeja 21-6. Bi ka byakonsha kuvwangiwamo mu mutanchi wetu wa kutanga? (pe. 21, kabokoshi) Mambo ka o kyanemena atweba kutanganga mabuku anengezhewa? (pe. 23, pala. 2) Ñanyi kintu kikatampe kya kutwajijila kwikala na mutanchi wa kutanga wawama? (pe. 26, mapala. 3-4) Munengezha byepi kimye kya kutanga magazini a Kyamba kya Usopa ne Loleni!? Mwamwenamo byepi mu kino?

Mamini 20: “Twajijilai Kwambanga Mambo a Lesa na Kuchinchika.”a Ipuzhai luonde kwambapo pa bintu bimwekana byakonsha kulengela kukankalwa kuchinchika pa kusapwila. Ki ka kibakwasha kuba kino?

Lwimbo 78 ne lulombelo lwa kupezhako.

Mulungu wa Kutendeka October 17

Lwimbo 36

Mamini 10: Bya kubijika bya pa kipwilo. Kwingijisha lubaji 3 lwa kya mukachi kya Mwingilo Wetu wa Bufumu wa September 2005, pitulukai mu kishinka kimo nangwa bibiji byo twakonsha kwingijisha bulongo Binembelo kimye kyo tubena kufunjisha mafunjisho a Baibolo.

Mamini 15: Diabola Mukanai. Jashi na mukulumpe kufuma mu Kyamba kya Usopa kya November 1, 2002, mapeja 9-12, mapalagalafu 1-13.

Mamini 20: “Tainga Muchima Bakwenu—Kupichila mu Kwibobila Lusa.”b Ipuzhai luonde kwambapo byo twakosha kumwesha lusa ku bakwetu kimye kyo tuji mu mwingilo wa mu bujimi. Mashinda akwabo o twakonsha kutelamo muchima bantu bo tusapwila akafunjiwa mu mitwe ikalondelapo mu Mwingilo Wetu wa Bufumu.

Lwimbo 2 ne lulombelo lwa kupezhako.

Mulungu wa Kutendeka October 24

Lwimbo 68

Mamini 10: Bya kubijika bya pa kipwilo. Tangai sawakya wa maakaunti ne makalata a kuyukanyikisha’mba ofweshi wa musampi watambwijile mali a bupe bwenu o mwatumine. Kwingijisha jishinda jimo jiji mu kya mukachi kya Mwingilo Wetu wa Bufumu wa January 2005 nangwa jishinda jikwabo jafwainwa mu nyaunda yenu, mweshai bya kushajika mabuku mu November.—Monai Mwingilo Wetu wa Bufumu wa January 2005, pe. 8, pala. 5.

Mamini 15: Bibena kukebewa pa kipwilo.

Mamini 20: Kumwesha Mizhilo ya Lesa mu Mvwajilo ne mu Mwekelo Yetu. Jashi ne kwisamba na luonde na mukulumpe kufuma mu Kyamba kya Usopa kya August 1, 2002, mapeja 30-32. Ipuzhai luonde kwambapo pa kwikala bakipale mu mwekelo yetu byo kwakonsha kwitushinkwila jishinda ja kusapwila.

Lwimbo 153 ne lulombelo lwa kupezhako.

Mulungu wa Kutendeka October 31

Lwimbo 209

Mamini 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa October. Kwingijisha mashinda abiji apelako aji pa peja 8 (umvwe akonsheka kwiengijisha mu nyaunda yenu), mweshai bya kushajika Kyamba kya Usopa kya November 1. Mu kimwesho kimo, mubujilai jimo mwina nzubo bintu byo mukesambapo inge mwabwelako kupichila mu kumumwesha kabokoshi ka “Biji mu Kikalondelapo.”—Monai Mwingilo Wetu wa Bufumu wa Kibemba wa October 1998, pe. 8, mapala. 7-8.

Mamini 15: Baishainga Lusekelo lwa Bantu Kupichila mu Kwibatwajila Magazini. Jashi ne kwisamba na luonde kufuma mu Mwingilo Wetu wa Bufumu wa May 2005 peja 8. Twakonsha kutendeka byepi kutwalanga magazini ku bantu? (pala. 1) Twakonsha kunengezha byepi misambo yapusana pusana ya kwisamba kinembelo kimo? (pala. 3) Mambo ka o twafwainwa kwambishapo pa kinembelo kyo twasala mu kifulo kya kwikitangatu? (pala. 4) Muntu ye mutwajila magazini wakonsha kwikala byepi lufunjisho lwa Baibolo? (pala. 5) Vwangaimo kimwesho kya musapwishi ubena kwingijisha kinembelo kimo kwisamba na muntu ye atwajila magazini.

Mamini 20: Bakyanyike Batemwa Bukine. Jashi na mukulumpe kufuma mu Kyamba kya Usopa kya October 1, 2002, peja 19-21. Nengezhelaipo jimo wakyanyike umo nangwa babiji kwambapo pa makatazho o batalañanapo kala nao ku sukulu, kabiji ne kibakwasha kwiashinda.

Lwimbo 222 ne lulombelo lwa kupezhako.

Mulungu wa Kutendeka November 7

Lwimbo 39

Mamini 5: Bya kubijika bya pa kipwilo.

Mamini 20: Telekeshainga Kimye kyo Mubena Kupwila. Jashi ne kwisamba na luonde kufuma mu Kyamba kya Usopa kya October 1, 2002, mapeja 10-11, mapalagalafu 11-14. Pitulukai mu mashinda anembwa, kabiji ne kwipuzha luonde kwambapo kibakwasha kumwenamo pakatampe mu kupwila kwa kipwilo.

Mamini 20: “Komeshainga Busendwe bwa Kwambañana na Bantu.”c Ipuzhaipo basapwishi bamo bo mwasala kwambapo pa byo baeseka kwambañana na bantu bekala mu nyaunda bafuma mu bwikalo bwapusana pusana.

Lwimbo 50 ne lulombelo lwa kupezhako.

[Tubyambo twa mushi]