Mutanchi Wa Kupwila Kwa Mwingilo

Mulungu wa Kutendeka May 8

Lwimbo 2

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya June 1 ne Awake! wa May. Mu kimwesho kimo, mweshai musapwishi ubena kusha Kyamba kya Usopa kya May 1 ne kya June 1 ne Awake! ya May ku muntu ye ashila magazini jonse bino wabujile kutambulako Kyamba kya Usopa kya May 1. Kimye kya kusha magazini asatu, ambaipotu pa magazini imo. Basapwishi bakonsha kufwakashisha bantu bo bashila magazini jimo nangwa jibiji pa ñondo.

Mamini. 20: ‘Ndondelainga.’a Ipuzhaipo musapwishi wa kumwenako wawama wibikako kwikala bwikalo bwapela ne kukepeshako bikebewa bya ku mubiji pa kuba’mba engileko pabaya mu kutwala palutwe mwingilo wa Bufumu ne kwingijila bakwabo. Ambepo ne pa bibusa byo amwenemo mu kuba kino.

Mamini. 15: Byamwekele bya konkako kwenu. Ipuzhai luonde kwambapo pa bintu byawama byo bamwenamo mu kwingila mwingilo wa kusapwila mu March ne mu April. Tongolaipo byafumamo mu kutendeka mafunjisho a Baibolo ne kukwasha bakatataka kutanwa ku Kivuluko. Kyamwekele kimo nangwa bibiji kyakonsha kumweshiwa byo kyajinga.

Lwimbo 91 ne lulombelo lwa kupezhako.

Mulungu wa Kutendeka May 15

Lwimbo 9

Mamini. 10: Bya kubijika bya pa kipwilo. Tundaikai bonse kutamba Vidyo ya Noah—He Walked With God [Nowa—Waendelenga na Lesa] pa kwinengezhezha ku kupwila kwa mwingilo kwa mulungu wa May 29. Ku babula mavidyo, batundaikai kupituluka mu bitango byaesakana na uno vidyo biji mu buku wa Kasambilisha nangwa buku wa Icitabo Candi ca Malyashi ya mu Baibolo.

Mamini. 15: Kwingijila Pamo mu Buumo mu Buntangi bwa kwa Yesu. Jashi kufuma mu byambo biji mu buku wa Bakwatankana Kuba Kyaswa Muchima wa Yehoba biji pa ka mutwe ka kuba’mba “Kuyuka Mwingilo Wanji byo Kulumbulula” pa mapeja 13-15.

Mamini. 20: “Buntungi bwa Mazubo a Bufumu—Ke Lubaji Lwanema Bingi lwa Mwingilo Wazhila.”b Kimye kya kwisamba palagalafu 2, ipuzhaipo baingilako kala mwingilo wa buntungi nangwa wa kuwamisha Mazubo a Bufumu.

Lwimbo 133 ne lulombelo lwa kupezhako.

Mulungu wa Kutendeka May 22

Lwimbo 86

Mamini. 12: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda abiji apelako aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya June 1 ne Awake! wa June. Ubai kimwesho kibena kumwesha kisemi kibena kupitulukilamo jimo mu bya kusha magazini mu bujimi.

Mamini. 15: “Tainga Bantu Muchima—Kupichila mu Kwikala na Mushingi.”c

Mamini. 18 Kumweka Bulongo. Kwisamba na luonde kufuma mu buku wa Isukulu lya Butumikishi, pa mapeja 131-3. Isambai mafunde atanu amba pa mvwajilo ne mwekanyikilo yetu. Lumbululai kuba’mba twakonsha kwingijisha bino byambo mu mushingi kukwasha bo tufunjisha Baibolo kuyuka bya kuvwala bulongo kimye kyo babena kuya na kutanwa ku kupwila kwa kipwilo.

Lwimbo 215 ne lulombelo lwa kupezhako.

Mulungu wa Kutendeka May 29

Lwimbo 42

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa May.

Mamini. 10: Shai Buku wa Kasambilisha mu June. Kwingijisha mashinda aji pa mapeja 3-4 mu Mwingilo Wetu wa Bufumu wa January 2005 nangwa mashinda akwabo afwainwa mu nyaunda yenu, mweshai bya kusha buku wa Sambilila Kuli Kasambilisha Mukalamba. Umvwe kimye kokiji, ipuzhai luonde kushimikizhapo pa bintu byawama byafuma mu kwingijisha uno buku mu mwingilo wa mu bujimi nangwa na kisemi kyabo.

Mamini 25: “Kya Kumwenako kya Bakyanyike ne Bakikulumpe.” Panyuma ya kwambapo byambo bicheche bya kubula kupitaila pa miniti umo, tendekai mwisambo wa mepuzho ne mikumbu, kwipuzha mepuzho kufuma mu Vidyo yaamba pe Nowa, kwingijisha mepuzho onse anembwa mu palagalafu ya bubiji. Apa bino mwipuzhe bisemi kushimikizha byo bamwenamo mu kwingijisha mashinda aji mu DVD a kuba’mba “Learning Activities.” [Mingilo ya Kufunda]. Panyuma ya byobyo, isambai bwipuzho ne binembelo biji mu palagalafu ya busatu. Kwabula mavidyo nangwa DVD, isambai mwisambo wa mepuzho na luonde kupichila mu kwingijisha bulongo binembelo byamweshiwa. Bakikulumpe ne baana bakonsha kwipuzhiwa kushimikizha byo bamwenamo mu bipikichala ne bintu bikwabo bya kufunjishishako biji mu buku wa Kasambilisha ne wa Icitabo Candi ca Malyashi ya mu Baibolo.

Lwimbo 9 ne lulombelo lwa kupezhako.

Mulungu wa Kutendeka June 5

Lwimbo 176

Mamini. 10: Bya kubijika bya pa kipwilo.

Mamini. 15: Bibena kukebewa pa kipwilo.

Mamini 20: Byo Mwakonsha Kwingila Bulongo pa Kubwelako ku Bantu. Kwisamba na luonde kufuma pa kabokoshi kaji pa peja 14 mu Kyamba kya Usopa kya December 1, 2003. Isambai pa mashinda onse mwa kwambila atanu na abiji, kabiji ne kwipuzha luonde kwambapo byo akonsha kwingijishiwa ano mashinda mu nyaunda yabo. Tundaikai basapwishi kubwelako ku bantu na kikonkwanyi kya kukeba kutendeka mafunjisho a Baibolo na bonse baswa kutambula mabuku nangwa bamwesha lusekelo. Kwingijisha jishinda jimo jiji pa peja 6 mu Mwingilo Wetu wa Bufumu wa January 2006, mweshai bya kutendeka lufunjisha lwa Baibolo kimye kya kubwelako.

Lwimbo 57 ne lulombelo lwa kupezhako.

[Tubyambo twa mushi]