Mutanchi Wa Kupwila Kwa Mwingilo

Mulungu wa Kutendeka August 14

Lwimbo 163

Mamini. 15: Bya kubijika bya pa kipwilo. Isambai pa “Juba ja Kupwila Kwiikajila Kubena Kwiya.” Bijikai juba ja kupwila kwiikajila kubena kwiya umvwe mwijiyuka. Kwingijisha mashinda atanshi abiji aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya September 1 ne Awake! wa August. Mu kimwesho kimo, mweshai bya kulumbulwila bulongo muntu uchibikizha mwisambo na byambo bya kuba’mba “Amiwa kechi keba Bakamonyi ba kwa Yehoba ne.”—Monai buku wa Ukupelulula, pa mape. 17-18.

Mamini. 15: “Awake! Wiikajila ye Tukashanga mu September.”a Pa kwisamba palagalafu 4, ubaipo ka kimwesho kepi kabena kumwesha wakyanyike ubena kusha Awake! wa September ku mufunjishi. (Umvwe ino Awake! mufwayo, isambaitu mwisambo wa mepuzho ne mikumbu, pano bino mwakonsha kutongola mabuku akwabo aesakanako a kwingijisha kimye kya uno mukwekele wiikajila nabiji talakiti nambala 23, wa kuba’mba Yehoba—Ye Ñanyi? ne buloshuwa wa Bushe Ubumi Bwalikwata Imifwaile? Bansemi bakonsha kutundaikwa kupituluka na baana babo bakyanyike mu kitango 3 mu buku wa Sambilila Kuli Kasambilisha Mukalamba pa mutwe wa kuba’mba Uwapangile Ifintu Fyonse.)

Mamini. 15: Bushe Bucibusa na Bana be Sukulu Banandi Bufwile Ukupelela Pi? Jashi ne kwisamba na luonde kufuma mu Loleni! wa July-September 2006 mapeja 16-18. Ipuzhai boba baji mu luonde bakomejile mu bisemi bya bwina Kilishitu kwambapo byo bebafunjishe bulongo ku bansemi babo kushinda makatazho ne kwingijisha mafunde a mu Baibolo ku sukulu. Mwakonsha kubujila jimo muntu umo nangwa babiji ba kwambapo.

Lwimbo 164 ne lulombelo lwa kupezhako.

Mulungu wa Kutendeka August 21

Lwimbo 62

Mamini. 10: Bya kubijika bya pa kipwilo ne bya kubijika byasalululwa mu Mwingilo Wetu wa Bufumu. Isambai pa “Kupwila kwa Kijiiji Kubena Kwiya” mubijike ne moba a kuno kupwila kwa kijiiji umvwe mwiayuka.

Mamini. 15: Kumwenamo mu Kupwila kwa Lufunjisho lwa Kyamba kya Usopa ne kwa Jashi ja Mvula Bantu. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, peja 59 kufika pa ka mutwe ka kacheche kaji pa peja 64.

Mamini. 20: Nengezhai Lonka Luno Kukengilako Bupainiya bwa Kukwasha! Jashi ne kwisamba na luonde. Tundaikai bantu kwibikila kikonkwanyi kya kwingilako bupainiya bwa kukwasha nangwatu ñondo umo mu mwaka wa mwingilo ubena kwiya. (1 Ko. 9:26) Bamo bakonsha kusala ñondo uji na mwingilo wiikajila nangwa uji na moba a kukokoloka nangwa uji na mpelo ya mulungu yavula. Ipuzhai luonde amba: “Mwashinjile byepi mikiika kunyuma kwe pa kuba’mba mwingileko bupainiya bwa kukwasha? Ñanyi bintu byawama bifuma mu kwingilako bupainiya bwa kukwasha? Umvwe mubena kukeba kwingilako, pano bino mubena kukizhinauka, mambo ka o mwafwainwa kwikibikila mu milombelo? (Byubilo 4:29; 2 Ko. 4:7; Yako. 1:⁠5) Mambo ka o kyawamina kwisambapo pa kino na ba mu kisemi kyenu ne bakwenu mu kipwilo, kikatakata aba baji na bwikalo bujiko na biji bwenu? (Mana. 15:22) Kimye ka kyo mubena kulanguluka kukengilako bupainiya bwa kukwasha?”

Lwimbo 216 ne lulombelo lwa kupezhako.

Mulungu wa Kutendeka August 28

Lwimbo 17

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Vululaiko basapwishi kuleta masawakya a mwingilo wa mu bujimi wa August. Kwingijisha mashinda abiji apelako aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya September 1 nangwa Awake! wa September kimye kya kubwelako ku bantu bo tutwajila magazini.

Mamini. 15: Mwakonsha Kwikala Batundaikañana. (Loma 1:11, 12) Jashi ne kwisamba na luonde. Tongolai kibelengelo kya bapainiya ba kimye kyonse baji mu kipwilo. Tongolaipo mashinda amo o twakonsha kwibatundaikilamo, nabiji kwibatakaika, kwamba pa bintu byawama biji mu mwingilo wa bupainiya, kwingilako nabo mu mwingilo, kujiila nabo pamo kajo, ne kwibakwashako tumali twa kwendela. Ipuzhai bapainiya ba kimye kyonse bambepo byo batundaikwa ku ba mu kipwilo. Umvwe kipwilo kechi kijipo na bapainiya ba kimye kyonse ne, isambaipo pa byo twakonsha kutundaika aba bengilako bupainiya bwa kukwasha.

Mamini. 20: Nanchi Mwakonsha Kutendeka Lufunjisho lwa Baibolo mu September Nyi? Jashi ne kimwesho. Mu September tukengila na ngovu kutendeka mafunjisho a Baibolo pa lwendo lutanshi kwingijisha buku wa Baibolo Ufunjisha. Kino kibena kulumbulula amba kimye kyo tubena kusha buku, tukikesambangako na mwina nzubo mapalagalafu acheche. Kwingijisha mitwe yaesakana na nyaunda yenu, ubaipo bimwesho bibiji. Mu kimwesho kyonse, mweshai bya kunengezha bulongo kuba’mba mukabweleko kabiji ne kukatwajijila na mwisambo.

Lwimbo 37 ne lulombelo lwa kupezhako.

Mulungu wa Kutendeka September 4

Lwimbo 90

Mamini. 10: Bya kubijika bya pa kipwilo. Pitulukai mu sawakya wa mwingilo wa mu bujimi wa muno mu Zambia. Sanchilai kipwilo pa lubaji lwakyo lo kyaingila mu uno sawakya wawama.

Mamini. 15: Bibena kukebewa pa kipwilo.

Mamini 20: “Tainga Bantu Muchima—Kupichila mu Kusapwila Kwakubula Misalululo.”b Pa kwisamba Loma 1:14, wamweshiwa ku mpelo ya palagalafu 2, vwangaimo ne byambo bicheche kufuma mu Insight, volyumu 1, mu palagalafu itanshi paji mutwe wa kuba’mba “Barbarian” pa peja 255. Panyuma ya kwisamba palagalafu 3, pitulukai mu mashinda asatu aambiwa mu palagalafu 2 mu kabuku ka kuba’mba Good News for People of All Nations, ne kumwesha bya kwingijisha kano kabuku ku bantu ba mu nyaunda yenu bamba mulaka ungi.

Lwimbo 225 ne lulombelo lwa kupezhako.

[Tubyambo twa mushi]