Kupitulukamo Mu Sukulu Ya Mwingilo Wa Teokalasi

Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka December 25, 2006. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya November 6 kufika ku December 25, 2006. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]

ÑAMBILO

1. Ki ka kyafwainwa kwitutangijila pa kusala byambo bya kwamba pa kutongola binembelo? [be-CW pe. 148 pala. 4–pe. 149 pala. 1]

2. Mashinda ka amo o twakonsha kwingijisha pa kuba’mba tukoseshe byambo bibena kwambiwapo? [be-CW pe. 151 pala. 4–pe. 152 pala. 3]

3. Byo kiji kuba’mba kufunjisha bakwetu Mambo a Lesa kwanema bingi, ki ka kikebewa pa kuba’mba ‘twambengatu bulongo mambo a bukine?’ (2 Timo. 2:15, NW) [be-CW pe. 153 mapala. 1-3, kabokoshi; pe. 154 mapala. 1-2]

4. Mu ñanyi mashinda mo twakonsha kulengela kwingijishiwa kwa binembelo byo twatanga kumvwanyika? [be-CW pe. 154 pala. 4–pe. 155 pala. 3]

5. Mambo ka o kyanemena kumwesha bulongo buneme bwa byambo byo tubena kwamba, kabiji mu ñanyi mashinda kino mo kyakonsha kubiwa? [be-CW pe. 157 mapala. 1-4, kabokoshi; pe. 158 pala. 1]

JASHI NA. 1

6. Ñanyi mwingilo mukatampe wingila utangijila mwingilo mu kipwilo mu kwitukwasha kufikizha mwingilo wetu wa kusapwila mambo awama? [od-KD pe. 41 pala. 3]

7. Bukwasho ka bwa pa bunke bujiko kupichila mu lunengezho lwa Lufunjisho lwa Buku lwa Kipwilo? [od-KD pe. 44 pala. 3]

8. Ñanyi nkebelo imo ikatampe ya kufwakasha kwa mukulumpe wa kijiiji, kabiji twafwainwa kuba byepi pa kuba’mba tumwenemo mu kufwakasha kwanji? [od-KD pe. 49 pala. 1]

9. Tumwenamo byepi mu kwingila na ngovu ne kulama kwa na butemwe kwa bakulumpe bena Kilishitu bafikapo? [od-KD pe. 53 pala. 2]

10. Ki ka kyakonsha kukwasha ñambi kukepeshako kunemba byambo byakijishamo kuvula? [be-CW pe. 42 pala. 1]

KUTANGA BAIBOLO KWA MULUNGU NE MULUNGU

11. Nga ‘aba bakeba Yehoba bayuka byepi bintu byonse’? (Mana. 28:5)

12. ‘Mingilo ya bakosama ibakokesha’ byepi? (Sapwi. 10:15)

13. Nga mwanamukazhi mwina Shulema wimwesheshe byepi kwikala nobe “bujimi buji mu luvimba,” kabiji waikala byepi wa kumwenako ku banabakazhi bena Kilishitu babula kusongolwa? (Lwimbo. 4:12)

14. Pa kwambila bena Isalela amba “twayai tumvwañane,” nanchi Yehoba wamwesheshenga amba wakebelenga kumvwañana kwa kwikazha bintu na bantu banji nyi? (Isa. 1:18a)

15. Nga Isaya 11:6-9, wafikizhiwe byepi mu kimye kya kala, kabiji ñanyi kufikizhiwa kukatampe?