Bya Kubijika

◼ Mabuku a kusha mu December: Shai buku wa Umuntu Wakulisha Uwabalile Abako Uwa Mweo. Umvwe uno buku mufwaye, mwakonsha kwingijisha akwabo nabiji ano alondelapo: Baibolo​—Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, ne buku wa Kuti Waikala Kuli Pe na pe muli Paradise Pe Sonde, umvwe muji nao pa kipwilo. January: Shai buku uji yense wa kala wa mapeja 192 nangwa uji yense wanembelwe mwaka wa 1991 saka akyangye kufika. Umvwe bipwilo bifwao ano mabuku a kala, byakonsha kwingijisha buku wa Kuyuka nangwa buloshuwa wa Labainga Mukenkentenga! February: Shai buku wa Fwenyai Kwipi ne Yehoba. Umvwe uno buku pa kipwilo kafwapo, shai buku wa Ukusokolola nangwa buku mukwabo wa kala ujipo. March: Shai buku wa Baibolo Ufunjisha kabiji ne kwibikishako kutendeka mafunjisho a Baibolo.

◼ Tubipepala twa Kwichilapo bantu ku Kivuluko kya mu 2007 katatakatu tukatumwe ku bipwilo byonse mu milaka yo bingijisha. Umvwe kuji milaka ikwabo yambiwa mu nyaunda yenu kabiji kampe mukakeba tuno tubipepala mu ino milaka, mwafwainwa kuonda bukiji bukiji kwingijisha pepala wa Literature Request Form (S-14). Milaka mukekala tuno Tubipepala twa Kwichilapo bantu ku Kivuluko ke: Kibemba, Kichewa, Kikaonde, Kiloshi, Kilubale, Kilunda, Kiswahili, Kitonga, ne Kizungu. Mwane odaitu milaka ikebewa mu nyaunda yenu.

◼ Mwane yukai’mba Kivuluko kya mu mwaka wa 2008 kikekalako pa Kibelushi, March 22, panyuma ya kuzhika juba. Kino kyabijikilwa jimo kuba’mba balongo batatule kunengezhezha jimo ne kwisamba na baji na bishimikwa umvwe kya kuba bipwilo byavula bingijisha Nzubo ya Bufumu imo, kabiji ne kwibakwashako kumwena jimo bipe bikwabo. Mu jino jishinda, bakulumpe mu kipwilo bafwainwa kwitabunzhanya jimo na bene bena kishimikwa kyo bakapwilamo ne kumona kuba’mba pa kyokyo kimye mu kishimikwa kechi mukekalapo bya kubauba bikwabo byakonsha kuvulañanya ne. Na mambo a buneme bwa Kivuluko, pa kusala ñambi ukamba jashi ja Kivuluko, jibumba ja bakulumpe mu kipwilo jafwainwa kusala mukulumpe wafwainwa kwamba bulongo, kechi kutongolatu uji yense nangwa kwingijishatu mulongo umo pa mwaka pa mwaka ne. Nangwa byonkabyo, umvwe paji mukulumpe mu kipwilo wa mu bashingwa wafwainwa kwamba bulongo, ye wakonsha kusalwa kwamba jino jashi.

◼ Kyamba kya Usopa kya Kilunda kikatendeka kulupuka pa ñondo pa ñondo kutendeka na kya January 1, 2007.

◼ Mabuku akatataka ajipo:

Watch Tower Publications Index 2001-2005—English