Mutanchi Wa Kupwila Kwa Mwingilo

Mulungu wa Kutendeka December 11

Lwimbo 174

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya January 1 ne Awake! wa December. Mu kimwesho kimo, mweshai bya kulumbulwila bulongo muntu uchibikizha mwisambo bukiji bukiji na byambo bya kuba’mba “Amiwa kechi nkeba ne.”—Monai buku wa Ukupelulula, pe. 16.

Mamini. 15: Sukulu ya Mwingilo wa Teokalasi ya mu 2007. Jashi ne mwisambo wa mepuzho kwambiwa na mukulumpe utangijila sukulu. Isambaipo pa bishinka byakonsha kwingila bulongo koko kwenu kufuma mu kya mukachi kya Mwingilo Wetu wa Bufumu wa October 2006. Lumbululai kuba’mba mukulumpe utangijila sukulu kechi ukambila jimo lufunjisho lubena kwamba pa ñambilo mwana wa sukulu yo bamupa kwingijilapo ne. Byo kiji kuba’mba bipwilo bisakukapwisha kutanga Binembelo bya Kihebelu kutendekela pa Isaya 24 shoo kukafika ne ku mpelo ya Malakai mu mwaka wa 2007, uno mwaka ukekala wafwainwa bingi ku balongo bakapewa jishuko ja kunengezha bishinka bikatampe kufuma mu kutanga Baibolo kabiji ne ku boba bakakumbulangapo kwingijisha mabuku etu ao alumbulula bulongo ano mabuku a bungauzhi. Ipuzhaipo basapwishi babiji nangwa basatu kufuma mu bano bantu: wanembeshatu mu sukulu katataka, mwana wa sukulu wakyanyike ubena kukomenako, kabiji ne wabandamo mu sukulu. Balekai bashimikizhepo sukulu byo ibakwasha kutazha ku mwingilo wabo ne bumupashi bwabo. Tundaikai bonse kwibikako kufikizha mbaji yabo, kupichila mu kukumbulangapo kimye kya bishinka bikatampe, kabiji ne kupichila mu kwingijisha mashinda mwakubila ao apanwa mulungu ne mulungu kufuma mu buku wa Nonkelenimo mu Masambililo ya Isukulu lya Butumikishi Ilya Bulesa.

Mamini. 20: “Kange Muleke Butemwe Bwenu Butanshi Ne.”a Inge kimye kokiji, ipuzhai luonde kwambapo pa binembelo byamweshiwa.

Lwimbo 193 ne lulombelo lwa kupezhako.

Mulungu wa Kutendeka December 18

Lwimbo 150

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Pitulukai mu Kabokoshi ka Mepuzho. Lumbululai lunengezho lwa mu bujimi lwiikajila lwa pa December 25 ne January 1.

Mamini. 15: “Bwelaingako ku Bonse Bamwesha Lusekelo.”b Ipuzhai luonde kwambapo pa byo bakonsheshe kutambula keyala wa boba bantu bo besambilepo nabo bamwesheshe lusekelo kimye baingijilenga busapwishi bwa kushukilwa nangwa busapwishi bwa mu mukwakwa kabiji bashimikizhepo ne byawama byo bataine kimye kyo babweleleko ku bano bantu. Nengezhezhai jimo muntu umo nangwa babiji kukambapo.

Mamini. 20: “Kwikala na Muchima wa Kwipana Kuleta Bibusa.”c Ipuzhaipo musapwishi umo nangwa babiji bayukanyikwa na mambo a muchima wabo wa kwipana. Bamwesha byepi uno muchima wa kwipana? Lupimpu ka lo baubile, kabiji bakonsheshe kuba byepi luno lupimpu? Kabiji bibusa ka byafumamo mu kuba kino?

Lwimbo 108 ne lulombelo lwa kupezhako.

Mulungu wa Kutendeka December 25

Lwimbo 210

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda abiji apelako aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya January 1 ne Awake! wa January. Ku mpelo ya kimwesho kyonse, epuzhe bwipuzho bwa kulangulukwapo abo bukakumbulwa kimye kya kukabwelako kwingijisha buku wa Baibolo Ufunjisha.

Mamini. 15: Bibena kukebewa pa kipwilo.

Mamini. 20: “Nanchi Muji na Nyaunda ya Kyenu Kyenu Nyi?”d Ambaiko byambo bicheche kufuma ku mukulumpe utangijila mwingilo pa mambo a mupaka wa nyaunda ya kipwilo, byo ibena kwingijiwa kimye kyonse, kabiji ne manyaunda ajiko a kupana ku muntu yense.

Lwimbo 219 ne lulombelo lwa kupezhako.

Mulungu wa Kutendeka January 1

Lwimbo 158

Mamini. 8: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa December. Ambai pa kabokoshi ka kuba’mba “Tambulai Lufunjisho Lwawama Bingi” kaji pa peja 5.

Mamini. 12: Kupana Sawakya wa Kumwesha Mwingilo byo Abena Kuyilako Palutwe. Jashi ne kwisamba na luonde kufuma pa kamutwe kaji pa peja 83 kufika ne ku mpelo ya kitango, mu buku wa Bakwatankana Kuba Kyaswa Muchima wa Yehoba.

Mamini. 25: “Bya Kutwajijila Kwingila Bulongo Mwingilo wa Bupainiya.”e Kwambiwa na utangijila mwingilo. Mapalagalafu akonsha kutangiwa umvwe kimye kokiji. Pa kwisamba palagalafu 12, ipuzhai painiya wa kimye kyonse. Mwipuzhai amba: Ki ka kimukwashishe kufikizha maawala akebewa pa mwaka kimye kya mwaka wa mwingilo wapwa? Makatazho ka o mwapichilemo? Nga kipwilo kimukwashishe byepi? Umvwe painiya wa kimye kyonse kafwapo, pitulukai mu bikebewa bya mwingilo wa bupainiya bwa kimye kyonse.—od-KD 113

Lwimbo 65 ne lulombelo lwa kupezhako.

[Tubyambo twa mushi]