Kabokoshi Ka Mepuzho

◼ Nanchi kyakonsha kwikalatu bulongo kujiminina majimi nangwa kwikalapo na mashinda akwabo mwa kumwena mali a kukwasha kipwilo nyi?

Kutundaika mashinda mwakumwena mali nabiji kupotesha kajo, ne bintutu bikwabo nangwa bijiilo, kubiwa bingi mu mabumba a bupopweshi. Nangwa kya kuba bamo bakonsha kulanguluka amba abye bisela bibena kubiwa mu jishinda jafwainwa, pano bino ke mashindatu mwa kulombela mali. Bakamonyi ba kwa Yehoba kechi batambula mali kupichila mu ano mashinda ne.

Mu Kyamba kya Usopa kya bubiji, kya mu August 1879, kyaambile bino pa mambo a kukana kwetu kwa kulondela machechi ne kulomba kwa mali amba: “Twaitabila kuba’mba YEHOBA ye ubena kulengela Kyamba kya Usopa kya Ziona kutwajijila, kabiji na mambo a kino kechi kukekalapo kulomba nangwa kupopwela bukwasho kufuma ku bantu ne. Umvwe Awa waamba amba: ‘Mitumba yonse ya ngolode ne siliva yo yami,’ wakankalwa kupana mali afikilamo, po po tukayuka kuba’mba kimye kya kuleka kunemba mabuku kyafika.”

Tukatwajijila kulondela jifunde ja mu Baibolo ja kuba mba: “Bonse pa muntu pa muntu bobe monka mo bafukwila mu michima yabo: kechi bapane na butanyi ne, nangwa na mambo a kukanjikizha ne: mambo Lesa watemwa upana na lusekelo.” (2 Ko. 9:7) Tubokoshi twa kubikamo mibingu betubika mu Nzubo ya Bufumu kuba’mba muntu uji yense akonshe kubingula umvwe kya kuba mwine wifuukwila. (2 Mfu. 12:9) Mibingu kechi ilombwa ne; kabiji kechi ipanwa na mulanguluko wa kukeba kutambulwila bintu bikwabo ne.—Monai ne Kabokoshi ka Mepuzho kaji mu Mwingilo Wetu wa Bufumu wa Kibemba wa January 2000.