Mutanchi Wa Kupwila Kwa Mwingilo

Mulungu wa Kutendeka September 10

Lwimbo 225

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 4 nangwa akwabo afwainwa mu nyaunda yenu, mweshai bya kusha Kyamba kya Usopa kya October 1 ne Awake! wa September. Mu bimwesho byonse bibiji, shai ano magazini onse abiji nangwa kya kuba mwaambatu pa magazini imo.

Mamini. 15: Kabokoshi ka Mepuzho. Jashi ne kwisamba na luonde, jambiwe na mukulumpe mu kipwilo. Umvwe kimye ko kiji, tangai ne kwisambapo pa binembelo byamweshiwa.

Mamini. 20: “Londainga kya Kumwenako kya kwa Yesu.”a Ambila luonde kwambapo pa byo bamwenamo mu kya kumwenako kya bakwabo kyawama.

Lwimbo 130 ne lulombelo lwa kupezhako.

Mulungu wa Kutendeka September 17

Lwimbo 60

Mamini. 10: Bya kubijika bya pa kipwilo.

Mamini. 15: Twaingijile Byepi Mwaka Wapwa? Mukulumpe utangijila mwingilo apituluke mu mwingilo wa mwaka wapwa, ambe pa bintu bileta lutundaiko byaingijiwe ne kutakaika kipwilo pa mwingilo wawama ye kyaingijile. Tongolaipo lubaji lumo nangwa mbaji ibiji mubena kukebewa kwingijilapo mu uno mwaka. Ambaipo pa mwingilo waingijile bapainiya ne kwibatakaika pa kwingila kwabo na kizaku. Shimikizhaipo bintu byawama byafumine mu kukwasha basapwishi bakoka.

Mamini. 20: Bwanabwankazhi Bwakwatankana. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, kitango 16.

Lwimbo 74 ne lulombelo lwa kupezhako.

Mulungu wa Kutendeka September 24

Lwimbo 162

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine.

Mamini. 15: Ikalai na Muchima Wawama pa Mambo a Bupe. Jambiwe na mukulumpe mu kipwilo kufuma mu Kyamba kya Usopa kya December 1, 2002, mapeja 4-7.

Mamini. 20: Ingijishai katalakiti ka Kuyuka Baibolo Kutendekelamo Mafunjisho a Baibolo mu October. Mu October tukashanga magazini a Kyamba kya Usopa ne Awake! Umvwe muntu wamwesha lusekelo, mwakonsha kwingijisha katalakiti ka Kuyuka Baibolo kutendekelamo lufunjisho lwa Baibolo. Isambaiko pacheche bijimo panyuma ya kuba baasha bapa ba mu luonde katalakiti kamo kamo, umvwe potuji. Lumbululai kuba’mba basapwishi bakonsha kwisamba na mwina nzubo pa kano katalakiti konse nangwa kwisambakotu lubaji lumo pa lwendo lutanshi nangwa pa kubwelako. Kwingijisha mashinda apelako abiji aji pa peja 4 nangwa akwabo afwainwa mu nyaunda yenu, mweshai bya kusha Kyamba kya Usopa kya October 1 ne Awake! Mu kimwesho kimo, mweshai musapwishi ubena kusha kano katalakiti panyuma ya kuba mwina nzubo wakana kutambula magazini. Mu kimwesho kikwabo, mweshai musapwishi ubena kupa mwina nzubo katalakiti panyuma ya kuba waswa kutambula magazini ne kwisamba nanji pa peja 5 kabiji ne ku mumwesha ka kupashi kaji pa peja 6 kabena kumwesha buku wa Baibolo Ufunjisha, ne kumulaya kukamuletela uno buku.

Lwimbo 222 ne lulombelo lwa kupezhako.

Mulungu wa Kutendeka October 1

Lwimbo 88

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Vululaiko basapwishi kuleta masawakya a mwingilo wa mu bujimi wa September.

Mamini. 15: Nkalata kufuma ku Musampi. Jashi ne kwisamba na luonde kufuma mu nkalata iji pa peja itanshi ya uno Mwingilo Wetu wa Bufumu. Ambilai luonde kushimikizhapo byamwekele byo bataine mu kimye kya mukwekele wajingako katataka wa kwita bantu kwiya na kutanwa ku Kupwila kwa Nkambi kwa “Londelainga Kilishitu!”

Mamini. 20: “Kwingilako Pakatampe mu Mwingilo Wetu.”b Ambilai balongo ne banyenga babena kwingilako pakatampe bambepo kibena kwibakwasha kumonapo mashinda a kutwajijila kwingijilamo pakatampe mu mwingilo wabo. Mwakonsha kubujila jimo muntu umo nangwa babiji ba kwambapo.

Lwimbo 102 ne lulombelo lwa kupezhako.

[Tubyambo twa mushi]