Mutanchi Wa Kupwila Kwa Mwingilo

Mulungu wa Kutendeka June 9

Lwimbo 121

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya April–June ne Awake! wa June.

Mamini. 20: Bya Kwinengezha Kufunjisha Lufunjisho lwa Baibolo. Jashi kufuma mu Mwingilo Wetu wa Bufumu wa August 2004, peja 1. Ku mpelo ya mwisambo, ubaipo ne kimwesho kya musapwishi ubena kunengezhatu kya bukiji bukiji kuya na kufunjisha lufunjisho lwa Baibolo. Kepo, mumweshe musapwishi mukwabo ubena kunengezha bulongo kupichila mu kwingijisha mashinda amo aji mu Mwingilo Wetu wa Bufumu.

Mamini. 15: “Sapwilainga kwa Kubula Kuleka.”a Umvwe kimye ko kiji, ambilai luonde kwambapo pa binembelo byamweshiwa.

Lwimbo 201

Mulungu wa Kutendeka June 16

Lwimbo 90

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu. Vululaiko luonde kukeya na Kyamba kya Usopa kya April–June ne Awake! wa July ku Kupwila kwa Mwingilo mulungu ubena kwiya, kabiji ne kwinengezha kukesamba pa mashinda a kwambilamo na bantu afwainwa mu nyaunda yenu.

Mamini. 15: Ambainga pa Buneme bwa Mambo Awama. Jashi ne kwisamba na luonde kufuma mu buku wa Isukulu lya Butumikishi, peja 159. Ipuzhai luonde kwambapo bibena kubiwa konkako kwenu bantu byo babena kwambapo. Bepuzhai bambepo mashinda amo o twakonsha kwingijisha kwambilamo byobyo bintu.

Mamini. 20: “Nanchi Anweba ne ba mu Nzubo Yenu Mubena Kwinengezha Kukapuluka Nyi?”b Umvwe kimye ko kiji, ambilai luonde kwambapo pa binembelo byamweshiwa.

Lwimbo 54

Mulungu wa Kutendeka June 23

Lwimbo 140

Mamini. 10: Bya kubijika bya pa kipwilo. Tangai sawakya wa mali ne sitetimenti ya kuyukanyikisha’mba mibingu yenu yafikile. Tongolai mabuku a kusha mu July kabiji mweshaipo ne kimwesho.

Mamini. 20: Bupainiya bwa Kimye Kyonse—Bulengela Bwikalo Kwikala na Nkebelo! Jashi kufuma mu Kyamba kya Usopa kya January 15, 2008, peja 17-19. Umvwe pa kipwilo paji bapainiya, ipuzhaipo bapainiya babiji, watendeka katataka ne watendekele kala. Bambilai bambe bwikalo bwabo byo bwaikala na nkebelo na mambo a uno mwingilo wanema.

Mamini. 15: Inengezhai Kusha Magazini Akatataka. Jashi ne kwisamba na luonde. Panyuma ya kwambako pacheche pa Kyamba kya Usopa kya April–June ne Awake! wa July, ipuzhai luonde batongolepo bibaba bimo byo bakonsha kutemwa bantu mu nyaunda kabiji ne ene mambo o bakonsha kwibitemenwa. Bambilai bambepo mashinda a bya kushilamo ano magazini kwingijisha bibaba byo basala. Bwipuzho ka bwakonsha kwipuzhiwa kutendekelamo mwisambo? Kinembelo ka kyakonsha kutangiwa kiji mu kyokyo kibaba? Kwingijisha mashinda aji mu Mwingilo Wetu wa Bufumu nangwa mashinda akwabo o lwaambapo luonde, mweshai bya kusha Kyamba kya Usopa ne Awake!

Lwimbo 82

Mulungu wa Kutendeka June 30

Lwimbo 97

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa June.

Mamini. 20: Kuyuka Mashinda a Kwisambilamo. Jashi ne kwisamba na luonde kufuma mu buku wa Isukulu lya Butumikishi, kufuma pa peja 62, palagalafu 4, kufika ne pa peja yapelako 64. Ingijishai bino byambo byonka byo kiji koko kwenu. Ipuzhaiko musapwishi pacheche wayuka mwa kwisambila na bantu kimye kyo aji mu mwingilo wa ku nzubo ne nzubo nangwa pa kusapwila busapwishi bwa kushukilwa.

Mamini. 15: Nanchi Mukivuluka Nyi? Kwisamba na luonde kufuma mu Kyamba kya Usopa kya April 15, 2008, peja 29.

Lwimbo 179

Mulungu wa Kutendeka July 7

Lwimbo 125

Mamini. 10: Bya kubijika bya pa kipwilo.

Mamini. 15: Bibena kukebewa pa kipwilo.

Mamini. 20: “Umvwe Mwina Nzubo Wamba Mulaka Ungi.”c Jambiwe na mukulumpe utangijila mwingilo. Pa kwisamba palagalafu 2, bulai kipwilo pa mabumba nangwa bipwilo bya mulaka ungi bisapwila mu yonka nyaunda isapwilamo kipwilo kyenu. Pitulukaimo mu lunengezho lwanengezhiwa lwa kukwashishamo mabumba nangwa bipwilo byavwangiwamo byamba mulaka ungi kukwatankena pamo mu mwingilo wa kusapwila.

Lwimbo 188

[Tubyambo twa mushi]