Mutanchi Wa Kupwila Kwa Mwingilo

Mulungu wa Kutendeka September 8

Lwimbo 204

Mamini. 10: Bya kubijika bya pa kipwilo. Ipuzhai luonde batongolepo bibaba bimo biji mu magazini a bukumo byo batemenwe bantu mu nyaunda ya konkako. Bambilai bambe mepuzho o baipwizhe ne binembelo byo batangile pa kumwesha bibaba. Mweshai magazini onse abiji byo akonsha kushiwa.

Mamini. 15: Kwashai Bafunda Baibolo Kwikala Bafunjishi. Jashi kufuma mu Kyamba kya Usopa kya February 1, 2007 peja 13-14, mafuka 14-20. Ubaiko ne kimwesho kipi kya musapwishi ubena kulumbulwila muntu ye atendekatu kufunjisha Baibolo byubiwa kupwila kwa mvula bantu ne Lufunjisho lwa Kyamba kya Usopa kabiji ne kumwambila kukeya na kutanwako ku kupwila.

Mamini. 20: Bya Kuba na Misalululo mu Mwingilo Wetu. Jashi jambiwe na mukulumpe mu kipwilo, kwingijisha byambo byanembwa bibena kulumbulula misalululo byo yakonsha kulengela mwingilo wetu kubula kwingijiwa bulongo. Lumbululai byo twakonsha kupwisha ino misalululo. Byubilo byetu byawama, kupayankana mu mwingilo wa mu bujimi kabiji ne kubanga bulongo mu byonse byo tuba mu bwikalo bwetu, byakonsha kulengela kupwisha misalululo ya bantu betumona ne kwibakwasha kutambwila bukine. Onkao mambo, kyanema bingi kumona byo twamba ne byo tuba kimye kyonse. (1 Pe. 2:12; 3:1, 2) Ambaiko pacheche pa byamwekele konkako kwenu nangwa byanembwa bibena kumwesha byo twakonsha kupwisha misalululo.

Lwimbo 127

Mulungu wa Kutendeka September 15

Lwimbo 94

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu.

Mamini. 20: Twaingijile Byepi Mwaka Wapwa? Jashi ne kwisamba na luonde jambiwe na mukulumpe utangijila mwingilo nangwa na mukwabo mukulumpe mu kipwilo wafikilamo. Pitulukaimo mu byaingijile kipwilo mu mwingilo mwaka wa mwingilo wapwa, ambai pa bintu bileta lutundaiko byaingijiwe ne kutakaika kipwilo pa mwingilo wawama ye kyaingijile. Nengezhezhai jimo musapwishi umo nangwa babiji bashimikizhe byawama byafumine mu mwingilo. Tongolaipo lubaji lumo nangwa mbaji ibiji mubena kukebewa kwingijilapo mu uno mwaka, kabiji ambaipo ne mashinda awama a kukwasha kuyilako palutwe.

Mamini. 15: Lufunjisho Lwapabunke Lwitukwasha Kuyuka Mwakukumbwila. Jashi kufuma mu Kyamba kya Usopa kya December 1, 2002, peja 25-27, mafuka 4-12.

Lwimbo 51

Mulungu wa Kutendeka September 22

Lwimbo 104

Mamini. 10: Bya kubijika bya pa kipwilo. Tangai sawakya wa mali ne sitetimenti ya kuyukanyikisha’mba mibingu yenu yafikile. Isambai pa nkalata kufuma ku musampi iji pa peja 1.

Mamini. 20: Yehoba Ukafwetañana. Jashi kufuma mu Kyamba kya Usopa kya September 1, 2007, mapeja 21-22, mafuka 16-18.

Mamini. 15: Inengezhai Kusha Kyamba kya Usopa kya July–September ne Awake! wa October. Ambaiko pacheche pa magazini onse abiji ne kwipuzha luonde batongolepo bibaba bimo byo bakonsha kutemwa bantu mu nyaunda. Mepuzho ne binembelo ka byakonsha kwingijishiwa kumwesheshamo bantu bibaba? Mweshai jishinda ja kwambilamo jiji mu Mwingilo Wetu wa Bufumu byo jakonsha kwingijishiwa. Mukulumpe mu kipwilo amweshe kimwesho kipi kya jishinda jo anengezha kwimena pa kibaba kyafwainwa nyaunda ya konkako.

Lwimbo 190

Mulungu wa Kutendeka September 29

Lwimbo 45

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa September. Nengezhezhai jimo musapwishi umo nangwa babiji kushimikizhapo byamwekele bitundaika kimye kyo basapwijilenga busapwishi bwa kushukilwa mu kimye kya kupwila kwa nkambi, kimye kya kukokoloka nangwatu pa bimyetu bikwabo.

Mamini. 15: Bibena kukebewa pa kipwilo.

Mamini. 20: “Mukwekele Wiikajila wa Kusha Talakiti October 20–November 16!”a Umvwe matalakiti po aji, bonse baji mu luonde mwibapepo talakiti imo imo. Isambaiko pacheche biji mu talakiti pa kwisamba jifuka 2. Pa kwisamba jifuka 4, mweshai bya kusha uno talakiti. Kabiji pa kwisamba jifuka 5, mweshai kimwesho kya musapwishi ubena kwingijisha talakiti kutendekelamo lufunjisho lwa Baibolo pa kimye kya kubwelako.

Lwimbo 9

Mulungu wa Kutendeka October 6

Lwimbo 15

Mamini. 10: Bya kubijika bya pa kipwilo.

Mamini. 15: Kabokoshi ka Mepuzho. Kwisamba na luonde. Vwangaimo ne byambo kufuma mu Kyamba kya Usopa kya July 1, 2005, mapeja 14-16, mafuka 10-16.

Mamini. 20: “Funjishainga Bantu Kutemwa Yehoba.”b Umvwe kimye ko kiji, ambilai luonde kwambapo pa binembelo byamweshiwa.

Lwimbo 132

[Tubyambo twa mushi]