Mutanchi wa Sukulu wa Mwingilo wa Lesa wa mu 2011

MIKAMBIZHO

Bino byo byatanchikwa Sukulu wa Mwingilo wa Lesa wa mu 2011.

MABUKU MUKAFUMANGA MAJASHI: Buku wa Lesa [bi53-KD], Kyamba kya Usopa [w-KD] ne Nanchi Baibolo Kine Ufunjisha’mba Ka? [bh-KD].

Sukulu wafwainwa kutendeka PA KIMYE kyoatendekelamo na byambo bya kutambwila luonde byonka byo kyatanchikwa papo panshi. Panyuma ya jashi jonse, kalama wa sukulu wafwainwa kwita ñambi uji na jashi jalondelapo.

BISHINKA BIKATAMPE KUFUMA MU BAIBOLO: Maminiti 10. Mu maminiti atanshi ana, mukulumpe nangwa nkwasho mu kipwilo wayuka kufunjisha bulongo wafwainwa kwamba bishinka bya mu Binembelo byo asalulula mu Baibolo byo batanga mu yewo mulungu. Wafwainwa kwibilumbulula bulongo kuba’mba bikwashe kipwilo. Nkebelo ine ke ya kukwasha luonde kumvwisha ene mambo ne buneme bwa byobyo byambo. Ñambi wafwainwa kumona’mba kechi wakilaila pa maminiti ana a kwambilamo lubaji lutanshi lwa jashi janji ne. Wafwainwa kumona’mba washilako luonde maminiti atanu na imo a kwambapo byambo bicheche mu masekondi 30 nangwa kubwelako panshi pa bishinka bibafikile pa muchima byo batangilenga mu Baibolo mu yewo mulungu. Kepo kalama wa sukulu akambila baana basukulu bo bapa kwambila majashi mu bibamba bikwabo kuya mu byobyo bibamba.

JASHI NA. 1: Maminiti 4 nangwa kubwelako panshi. Jino ke jashi ja kutanga ja balongo. Mwana wa sukulu wafwainwa kutangatu byambo kwa kubula kwambapo byambo bitanshi nangwa bya kupezhako. Kalama wa sukulu wafwainwa kukwasha baana ba sukulu kutanga byambo saka byumvwanyika, kutanga bulongo, kushinkamika byambo bulongo, kwalula alula jiwi kwesakana na mwayila byambo, kutulumanako, ne kutanga na jiwi ja kisemwa.

JASHI NA. 2: Maminiti 5. Jino jashi ja banyenga. Mwana wa sukulu ye bapa jino jashi bakamubula jishinda mwakwambila nangwa aye mwine ukesajilapo jimo pa oa aji pa jipa 82 mu buku wa Nonkelenimo mu Masambililo ya Isukulu lya Butumikishi Ilya Bulesa. Mwana wa sukulu wafwainwa kulondela kishina kyo bamupa ne kwikilumbulula kwesakana na byo kyafwainwa kwingila mu mwingilo wa mu bujimi mu nyaunda yenu. Umvwe buku mwafuma jino jashi kechi watongolwa ne, mwana wa sukulu wafwainwa kwipeselapesela mwine byambo bya jino jashi mu mabuku etu. Kalama wa sukulu wafwainwa kikatakata kumona mwana wa sukulu byo abena kwamba jashi ne byo abena kukwasha mwina nzubo kulangulukapo pa Binembelo ne kumvwisha bishinka bikatampe biji mu jashi. Kalama wa sukulu ukamusajila ye akamba nanji jino jashi.

JASHI NA. 3: Maminiti 5. Jino jashi jakonsha kwamba mulongo nangwa nyenga. Mwana wa sukulu wafwainwa kwamba jino jashi kulondela kishina kyo bamupa. Umvwe buku mwafuma jino jashi kechi watongolwa ne, mwana wa sukulu wafwainwa kwipeselapesela mwine byambo bya jino jashi mu mabuku etu. Umvwe mulongo ye ubena kwamba jino jashi, wafwainwa kwijamba mu bujashi ku luonde lonse mu Nzubo ya Bufumu. Umvwe nyenga ye ubena kwamba jino jashi, wafwainwa kwijamba nobe Jashi Na. 2. Yukai’mba majashi paji kabangabanga afwainwa kwambatu balongo mu bujashi, kabiji umvwe bakulumpe ne bankwasho mu kipwilo bavulamo, bo bafwainwa kupa jino jashi.

MAFUNDE: 1 miniti kufika ku maminiti 2. Kalama wa sukulu kechi wafwainwa kwambila jimo lufunjisho lubena kwamba pa ñambilo yo abena kwingijilapo mwana wa sukulu ne. Panyuma ya jashi ja Na. 1, 2 ne Na. 3, kalama wa sukulu wafwainwa kutakaika mwana wa sukulu pa kintu kyo auba bulongo, ne kwamba pa ene mambo o aambila amba wauba bulongo kabiji ne kumwesha byo kyayilamo kwesakana na byaamba buku wa Isukulu lya Butumikishi. Umvwe mwana wa sukulu keakebewe bukwasho, kalama wakonsha kumufundako ku mbaji panyuma ya kupwila nangwa pa kimyetu kikwabo.

KIMYE: Kafwako jashi jafwainwa kukila pa kimye kyapanwa ne, kabiji kalama wa sukulu kechi wafwainwa kwambila kitala pa kufundako baana basukulu ne. Jashi Na. 1, Na. 2 ne Na. 3 jafwainwa kwijichibikizha mu jishinda jafwainwa umvwe kimye kyapwa. Umvwe mulongo ubena kwamba jashi ja bishinka bikatampe kufuma mu Baibolo wakila pa kimye, wafwainwa kufundwako ku mbaji. Bonse bafwainwa kulondela kimye kyo bafwainwa kwambilamo jashi. Majashi onse pamo afwainwa kwiamba mu maminiti 30, kufumyako lwimbo ne lulombelo.

PEPALA WA KUFUNJILWAPO: Uji mu buku wa Isukulu lya Butumikishi.

WAKUFUNDAÑANAKO WA KIBIJI: Wakufundañanako wa kibiji uji na mutembo wa kufundako ku mbaji bakulumpe nangwa bankwasho panyuma ya kwamba majashi o bebapa umvwe kekikebewe. Ano majashi avwangamo bishinka bikatampe, mbaji ya kupwila kwa Mwingilo, majashi a mvula bantu, kutanga, nangwa Lufunjisho lwa Baibolo lwa Kipwilo. Umvwe kyakonsheka jibumba ja bakulumpe mu kipwilo jakonsha kusalapo mukulumpe mukwabo umvwe poaji wayuka bulongo, kwikala wa kufundañanako wa kibiji. Umvwe mu kipwilo muji bakulumpe bavula bamba majashi ne kufunjisha bulongo, bafwainwa kwipimpuzhanyanga pa mwaka pa mwaka. Wakufundañanako wa kibiji kechi kimye kyonse kyo afwainwa kufundako bakulumpe nangwa bankwasho panyuma ya kwamba jashi jabo ne, kanatu wamona’mba kufundako yewo mulongo kwakonsha kumutundaika nangwa kumukwasha kuba bulongo.

KUPITULUKAMO MU SUKULU WA MWINGILO WA LESA: Maminiti 20. Panyuma ya bañondo babiji, kalama wa sukulu ukatangijilanga mwisambo wa kupitulukamo. Kupitulukamo kwikalako panyuma ya jashi ja bishinka bikatampe kufuma mu Baibolo byonka byo kyaambiwapo kala. Mwisambo ukafumanga mu majashi a mu sukulu a pa bañondo babiji bapitapo, kuvwangakotu ne ja yewo mulungu. Umvwe kipwilo kyenu kyaikala na kubuñana kwa mwanzo mu yewo mulungu mwaikela kupitulukamo, ko kuba’mba Kupitulukamo mu Sukulu wa Mwingilo wa Lesa kwafwainwa kwikalako mu mulungu walondelapo, kabiji Majashi Na. 1, Na. 2, ne Na. 3 a mu yewo mulungu walondelapo afwainwa kwiamba mu mulungu mwaikela kubuñana kwa mwanzo. Kechi mwafwainwa kupimpula mutanchi wa kutanga Baibolo kwa yewo mulungu nangwa jashi ja bishinka bikatampe kufuma mu Baibolo ne.

MUTANCHI

Jan. 3 Kutanga Baibolo: 2 Byambo bya Moba 29-32

Na. 1: 2 Byambo bya Moba 30:13-22

Na. 2: Nanchi Yesu Kilishitu Wajingatu Muntu Wawama Nyi? (w10 4/1 ji. 14 mafu. 3-5)

Na. 3: Bantu byo Baikala Bazha na Mambo a Kuchina Lufu (Hebe. 2:15)

Jan. 10 Kutanga Baibolo: 2 Byambo bya Moba 33-36

Na. 1: 2 Byambo bya Moba 34:12-21

Na. 2: Twakonsha Kufunjilako ka kwi Maliya Inanja Yesu?

Na. 3: Nanchi Yesu Wajingatu Ntangi Mukwabo wa Bupopweshi Nyi? (w09 1/15 ma. 22-23 mafu. 8-11)

Jan. 17 Kutanga Baibolo: Ezela 1-5

Na. 1: Ezela 3:1-9

Na. 2: Mambo ka Bayudea o Bakaine’mba Yesu Kechi Mesiasa Ne? (w09 12/15 ji. 22 mafu. 11-13)

Na. 3: Mupashi Ubwela Byepi kwi Lesa? (Sapwi. 12:7)

Jan. 24 Kutanga Baibolo: Ezela 6-10

Na. 1: Ezela 7:1-17

Na. 2: Yesu byo Amwesheshe’mba Wafikilamo Kwikala Mfumu

Na. 3: Nanchi Yesu ye Lesa Nyi? (w10 4/1 ji. 13 jifu. 6-ji. 14 mafu. 1,2)

Jan. 31 Kutanga Baibolo: Nehemiya 1-4

Na. 1: Nehemiya 2:11-20

Na. 2: Nanchi Kinembelo kya Yoano 1:1 Kyamba’mba Yesu Lesa Nyi? (bh ji. 202 mafu. 2,3-ji. 203 mafu. 1,2)

Na. 3: Mashinda mo Tumweshesha’mba Tumvwina Byambo bya kwa Yesu Biji mu Mateo 22:21

Feb. 7 Kutanga Baibolo: Nehemiya 5-8

Na. 1: Nehemiya 6:1-13

Na. 2: Twakonsha Kufunjilako ka kwi Lidiya, Ngayusa, ne Filemonyi pa Kutambwila Benyi?

Na. 3: Ki ka Baana ba Bwanga ba kwa Yesu kyo Bashiinwe pa Mambo a Aye? (bh kita. 4 ji. 38 jifu. 4-ji. 39 jifu. 5)

Feb. 14 Kutanga Baibolo: Nehemiya 9-11

Na. 1: Nehemiya 11:1-14

Na. 2: Mambo ka o Kyanemena kwi Anweba Kuyuka Bukine pe Yesu? (bh kita. 4 ji. 37 jifu. 3)

Na. 3: Mashinda Mumwekela Lusa lwa Lesa (1 Pe. 4:10)

Feb. 21 Kutanga Baibolo: Nehemiya 12-13

Na. 1: Nehemiya 13:15-22

Na. 2: Kwingijila Yehoba Lesa Aye Yenkatu byo Kulumbulula (Lupu. 20:5)

Na. 3: Kinembelo kya Yoano 5:18 Kyatala Mwepi? (w05 2/1 ma. 3-4 mafu. 3-5)

Feb. 28 Kutanga Baibolo: Eshita 1-5

Kupitulukamo mu Sukulu wa Mwingilo wa Lesa

Mar. 7 Kutanga Baibolo: Eshita 6-10

Na. 1: Eshita 7:1-10

Na. 2: Ene Mambo o Twafwainwa Kupopwelatu Lesa Wakine, Yehoba (bh kita. 15 ji. 146 jifu. 8)

Na. 3: Mambo ka Yesu o Aikela “Ntangi ne Kalumbulula wa Lwitabilo Lwetu” (Hebe. 12:2)

Mar. 14 Kutanga Baibolo: Yoba 1-5

Na. 1: Yoba 3:1-26

Na. 2: Tufunjilako ka ku Baana ba kwa “Zelofehada”? (Bala. 36:10-12)

Na. 3: Mambo ka Akwambila’mba Byakukumya Byaubanga Yesu bya kwa Lesa? (bh kita. 7 ji. 68 jifu. 9)

Mar. 21 Kutanga Baibolo: Yoba 6-10

Na. 1: Yoba 8:1-22

Na. 2: Nanchi Kwitabila mwi Yesu ko Konkatu Kwakonsha Kwitupulusha Nyi? (w08 4/1 ji. 6 mafu. 4, 5)

Na. 3: a Twakonsha Kwingijisha Byepi Byambo Biji mu Mateo 10:16?

Mar. 28 Kutanga Baibolo: Yoba 11-15

Na. 1: Yoba 13:1-28

Na. 2: Ene Mambo Yesu o Aikela “Mwina ja Sabado” (Mat. 12:8)

Na. 3: Nanchi Yesu Wajingako Saka Akyangye Kwiya Pano pa Ntanda Nyi? (bh kita. 4 ji. 40 jifu. 10-ji. 41 jifu. 11)

Apr. 4 Kutanga Baibolo: Yoba 16-20

Na. 1: Yoba 18:1-21

Na. 2: Nanchi Yesu Wajinga na Mubiji wa Bumuntu Mwiulu Nyi? (bh kita. 7 ji. 73 mafu. 21, 22)

Na. 3: Ene Mambo Bantangi ba mu Kafulumende o Batakaikila Bakamonyi ba kwa Yehoba (Loma 13:3)

Apr. 11 Kutanga Baibolo: Yoba 21-27

Na. 1: Yoba 25:1–26:14

Na. 2: Ene Mambo o Twafwainwa Kubula Kwingijisha Musalaba pa Kupopwela Lesa

Na. 3: Nanchi Yesu ye Mikela Malaika Mwine Mukatampe Nyi? (w10 4/1 ji. 19 mafu. 5-8)

Apr. 18 Kutanga Baibolo: Yoba 28-32

Na. 1: Yoba 30:1-23

Na. 2: b Inge Bemwambila’mba: “Kechi Mwaitabila mwi Yesu ne” (bh kita. 4 ji. 40 jifu. 10; ji. 41 jifu. 12)

Na. 3: c Ene Mambo o Twafwainwa Kukilangulukila Saka Tukyangye Kwamba (Mana. 16:23)

Apr. 25 Kutanga Baibolo: Yoba 33-37

Kupitulukamo mu Sukulu wa Mwingilo wa Lesa

May 2 Kutanga Baibolo: Yoba 38-42

Na. 1: Yoba 40:1-24

Na. 2: Byawama Bifuma mu Bukimote ne Butekanye

Na. 3: d Inge Bemwipuzha’mba: “Nanchi Mwaitabila mwi Yesu Amba Mupulushi Wenu Nyi?” (bh kita. 5 ji. 55 jifu 20)

May 9 Kutanga Baibolo: Masalamo 1-10

Na. 1: Salamo 7:1-17

Na. 2: e Inge Bemwambila’mba: “Naitabila Kala mwi Yesu Amba ye Mupulushi Wami” (bh kita. 5 ji. 55 jifu. 19)

Na. 3: Ene Mambo Yesu o Akaine Kumutela’mba “Mufunjishi Wawama” (Mako 10:17, 18)

May 16 Kutanga Baibolo: Masalamo 11-18

Na. 1: Salamo 17:1-15

Na. 2: Byo Tumwesha Kuba’mba Tupopwelatu Yehoba Yenka Kwapwa (Loma 6:16, 17)

Na. 3: Nanchi Bayudea ne Luno Bakiji Bantu ba Lesa Basalululwa Nyi? (w06 7/1 ji. 26 mafu. 11, 12)

May 23 Kutanga Baibolo: Masalamo 19-25

Na. 1: Salamo 23:1–24:10

Na. 2: Nanchi Bayudea Bonse Bakekala Bena Kilishitu Nyi? (w08 6/15 ji. 28 mafu. 1-6)

Na. 3: Byanembwa mu Loma 8:21 Bikafika Byepi Kabiji Kimye Ka?

May 30 Kutanga Baibolo: Masalamo 26-33

Na. 1: Salamo 31:9-24

Na. 2: Bya Kumwenako bya mu Baibolo bya Bepelwile kya Kine

Na. 3: Nanchi Bayudea Bafwainwa Kwitabila mwi Yesu pa Kuba’mba Bakapuluke Nyi? (w06 7/1 ji. 27 mafu. 15, 16)

June 6 Kutanga Baibolo: Masalamo 34-37

Na. 1: Salamo 35:1-18

Na. 2: Mambo ka Bena Isalela o Bebakaine Kwikala Mukoka Wipana kwi Yehoba? (w06 7/1 ji. 26 mafu. 11, 12

Na. 3: Tufunjilako ka ku Byambo biji mu Luka 12:13-15, 21?

June 13 Kutanga Baibolo: Masalamo 38-44

Na. 1: Salamo 41:1–42:5

Na. 2: Bya Kumwenako bya mu Baibolo bya Bajinga na Byubilo Byawama byo Twafwainwa Kulondela

Na. 3: Bungauzhi Bwaamba pa Kubwezhiwa kwa Bena Isalela Bwafika ku Bañanyi Lelo Jino? (w06 7/1 ji. 26 mafu. 13, 14)

June 20 Kutanga Baibolo: Masalamo 45-51

Na. 1: Salamo 48:1–49:9

Na. 2: Nanchi Bufumu bwa Lesa Kafulumende wa Kine Nyi? (bh kita. 8 ji. 77 mafu. 4, 5)

Na. 3: Byo Kiji Kuba’mba Bumi kya Bupetu, Pano Mambo ka o Twafwainwa Kwingijilanga pa Kuba Tukapuluke? (Loma 6:23; Fili. 2:12)

June 27 Kutanga Baibolo: Masalamo 52-59

Kupitulukamo mu Sukulu wa Mwingilo wa Lesa

July 4 Kutanga Baibolo: Masalamo 60-68

Na. 1: Salamo 62:1–63:5

Na. 2: Kufika kwa Byambo Biji mu Hagai 2:7 Kwitukunza Byepi?

Na. 3: Bakalama ba Buno Bufumu Bañanyi? (bh kita. 8 ji. 78 mafu. 8, 9; ji. 79 ma. 10)

July 11 Kutanga Baibolo: Masalamo 69-73

Na. 1: Salamo 72:1-20

Na. 2: Nanchi Bufumu bwa Lesa Bukoba ka ku Makafulumende a Bantu? (bh kita. 8 ji. 81 mafu. 16-18)

Na. 3: Bakyanyike byo Bakonsha Kufunjilako ku Bamfumu Babiji, ba Hezekiya ne Yosiya

July 18 Kutanga Baibolo: Masalamo 74-78

Na. 1: Salamo 77:1-20

Na. 2: Bya Kukana Diabola (Yako. 4:7)

Na. 3: Bufumu bwa Lesa Bukazhijika Jizhina ja Yehoba (bh kita. 8 ji. 82 jifu. 21)

July 25 Kutanga Baibolo: Masalamo 79-86

Na. 1: Salamo 84:1–85:7

Na. 2: Bufumu bwa Lesa Bukakwantankanya Bantu Bonse mu Bupopweshi bwa Kine (bh kita. 15 ji. 153 jifu. 20)

Na. 3: Mambo ka Bandemona o Bayukila’mba Lesa Koaji? (Yako. 2:19)

Aug. 1 Kutanga Baibolo: Masalamo 87-91

Na. 1: Salamo 89:26-52

Na. 2: Ene Mambo Bengijila Yehoba mu Bukishinka o Basangalela

Na. 3: Bufumu bwa Lesa Bukapwisha Makondo ne Bubi (bh kita. 3 ji. 34 jifu. 17)

Aug. 8 Kutanga Baibolo: Masalamo 92-101

Na. 1: Salamo 94:1-23

Na. 2: Bufumu bwa Lesa Bukapwisha Bikola ne Nzala (bh kita. 3 ji. 34 jifu. 19; ji. 36 jifu. 22)

Na. 3: Ilamai Ku Bujimbijimbi Bwa Bunonshi (Mat. 13:22)

Aug. 15 Kutanga Baibolo: Masalamo 102-105

Na. 1: Salamo 105:1-24

Na. 2: Mambo Ka o Twafwainwa Kubujila Kutonga Bintu byo Twasankijilepo’mba Twingijilenga Yehoba Bulongo? (Luka 9:62)

Na. 3: Mu Bufumu Bwa Lesa Bantu Bonse Bakekala na Mazubo, Bakeingijilanga Kabiji Bakekala ku Matwi Nzoo (bh kita. 3 ji. 34 mafu. 18, 20)

Aug. 22 Kutanga Baibolo: Masalamo 106-109

Na. 1: Salamo 109:1-20

Na. 2: Mu Bufumu bwa Lesa Mukekala Bololoke ne Buchibamambo Bwaoloka (bh kita. 3 ji. 33 mafu. 14, 15)

Na. 3: f Ikalai na Byubilo Byawama Bijipo na Yehoba ne Yesu

Aug. 29 Kutanga Baibolo: Masalamo 110-118

Kupitulukamo mu Sukulu wa Mwingilo wa Lesa

Sept. 5 Kutanga Baibolo: Salamo 119

Na. 1: Salamo 119:49-72

Na. 2: Ene Mambo Binembelo o Bitutundaikila Kwikala na Moyo wa Kwakamwa Yehoba (Mpitu. 5:29)

Na. 3: Mu Bufumu bwa Lesa Bafwa Bakasanguka (bh kita. 3 ji. 36 jifu. 23)

Sept. 12 Kutanga Baibolo: Masalamo 120-134

Na. 1: Salamo 124:1–126:6

Na. 2: Mu Bufumu bwa Lesa Bantu Bakakwatankana ne Kwitemwa (bh kita. 3 ji. 34 mafu. 17, 21)

Na. 3: Twakonsha Kwikala Byepi na ‘Jiso Jijitu’? (Mat. 6:22, 23)

Sept. 19 Kutanga Baibolo: Masalamo 135-141

Na. 1: Salamo 137:1–138:8

Na. 2: Mambo ka Byambo kwa Paulo Biji mu Loma 14:7-9 o Bitutekeneshesha?

Na. 3: Bufumu bwa Lesa Bukalula ino Ntanda ke Paladisa (bh kita. 3 ji. 34 jifu. 20; ji. 36 jifu. 24)

Sept. 26 Kutanga Baibolo: Masalamo 142-150

Na. 1: Salamo 144:1–145:4

Na. 2: Nanchi Bufumu bwa Lesa Bwatendekele Kulama mu Myaka Kitota Kitanshi Nyi? (bh kita. 8 ji. 84 mafu. 22, 23)

Na. 3: g Ki ka kyo Twafwainwa Kulekela ‘Kutala ku Bilungi’? (Yako. 2:1-4)

Oct. 3 Kutanga Baibolo: Byambo bya Mana 1-6

Na. 1: Byambo bya Mana 6:1-19

Na. 2: Byambo Biji mu Loma 8:26, 27 Bitulengela Byepi Kushiinwa’mba Lesa Witutemwa?

Na. 3: Nanchi Bufumu bwa Lesa Bukapembelela’mba Bantu Bonse Bakaluke Bino pa Bukeye Nyi? (bh kita. 9 ji. 94 jifu. 17)

Oct. 10 Kutanga Baibolo: Byambo bya Mana 7-11

Na. 1: Byambo bya Mana 8:1-21

Na. 2: h Inge Bemwambila’mba: “Bufumu bwa Lesa Bukatana Nafwa” (bh kita. 9 ji. 86 mafu. 1)

Na. 3: i Mambo ka Binembelo o Bitujimwinako’mba, Kange “Mwikizhepo mu Koloka ne” (Sapwi. 7:16)

Oct. 17 Kutanga Baibolo: Byambo bya Mana 12-16

Na. 1: Byambo bya Mana 15:1-17

Na. 2: Nga Milombelo Yaitabilwa iji Byepi “Nobe Byakufutumuna Biji na Bwema Bwawama” kwi Yehoba? (Sala. 141:2; Lum. 5:8)

Na. 3: Kiyukilo ka Kimwesha’mba Tuji mu Moba Apelako? (bh kita. 9 ji. 86 jifu. 2)

Oct. 24 Kutanga Baibolo: Byambo bya Mana 17-21

Na. 1: Byambo bya Mana 17:21–18:13

Na. 2: Makondo ne Bipowe bya Nzala Byaikala Byepi Lubaji lwa Kino “Kiyukilo”? (bh kita. 9 ji. 88 jifu. 6; ji. 89 jifu. 7)

Na. 3: Bantu Banemeka Bilengwa mu Kifulo kya Kunemeka aye Mwine Mulenga Besolola Byepi byo Baji? (Loma 1:20)

Oct. 31 Kutanga Baibolo: Byambo bya Mana 22-26

Kupitulukamo mu Sukulu wa Mwingilo wa Lesa

Nov. 7 Kutanga Baibolo: Byambo bya Mana 27-31

Na. 1: Byambo bya Mana 28:19–29:10

Na. 2: Nga Byambo Biji mu Loma 8:32 Bitushiina Byepi Amba Milaye ya Lesa Ikafika?

Na. 3: Kutendeka mu 1914, Kinembelo kya Luka 21:11 Kibena Kufika Byepi? (bh kita. 9 ji. 89 jifu. 8)

Nov. 14 Kutanga Baibolo: Musapwishi 1-6

Na. 1: Musapwishi 6:1-12

Na. 2: Nga Kuvula kwa Bubi Kubena Kumwesha Ka? (bh kita. 9 ji. 90 jifu. 10; ji. 91 jifu. 11)

Na. 3: j Ki ka Kilengela Bena Kilishitu Bakine Kukokela Byambo Biji mu Loma 12:19?

Nov. 21 Kutanga Baibolo: Musapwishi 7-12

Na. 1: Musapwishi 9:13–10:11

Na. 2: Butemwe Kechi Buba Kichima Ne (1 Ko. 13:4)

Na. 3: Nga Kiyukilo kya Moba Apelako Kilengela Bena Kilishitu Bakine Kubapo Ka? (bh kita. 9 ji. 92 mafu. 13, 14)

Nov. 28 Kutanga Baibolo: Lwimbo wa Solomone1-8

Na. 1: Lwimbo wa Solomone1:1-17

Na. 2: Mambo ka Bakamonyi ba kwa Yehoba o Bambila’mba Moba Apelako Atendekele mu 1914? (bh kita. 8 ji. 84 jifu. 23)

Na. 3: k Twakonsha Kulengela Byepi Bakwetu Kwitupa Mushingi?

Dec. 5 Kutanga Baibolo: Isaya 1-5

Na. 1: Isaya 3:16–4:6

Na. 2: Mambo ka o Kyanemena Kuyuka’mba Kimye Kyashalako Kyakepa?

Na. 3: Umvwe Bwikalo Bujipo Luno Bukapwe, Abya Kuji Bakekala Pano pa Ntanda Nyi? (bh kita. 9 ji. 94 jifu. 17; ji. 95 jifu. 18)

Dec. 12 Kutanga Baibolo: Isaya 6-10

Na. 1: Isaya 6:1-13

Na. 2: Mambo ka Lesa o Abanjila Konauna Babi? (bh kita. 11 ji. 112 mafu. 15-17)

Na. 3: Ene Mambo Butemwe o Bubujila Kupwa (1 Ko. 13:8; 1 Yoa. 4:8)

Dec. 19 Kutanga Baibolo: Isaya 11-16

Na. 1: Isaya 13:1-16

Na. 2: Ene Mambo o Twendela mu Lwitabilo Kechi mu Kumona na Meso Ne (2 Ko. 5:7)

Na. 3: l Umvwe Bemwambila’mba: “Makondo, Bipowe bya Nzala, Bitentanshi ne Bumbanzhi Kechi Bya Lelo ne; Byajingako ne Kala” (bh kita. 9 ji. 87 mafu. 4, 5)

Dec. 26 Kutanga Baibolo: Isaya 17-23

Kupitulukamo mu Sukulu wa Mwingilo wa Lesa

[Tubyambo twa mushi]