Mutanchi wa Mulungu wa May 27

MULUNGU WA MAY 27

Lwimbo 6 ne Lulombelo

□ Lufunjisho lwa Baibolo lwa Kipwilo:

gt kita. 122-123 (Mamini. 30)

□ Sukulu wa Mwingilo wa Lesa:

Kutanga Baibolo: Yoano 12-16 (Mamini. 10)

Na. 1: Yoano 12:20-36 (Mamini. 4 nangwa kubwela panshi)

Na. 2: Kitapisho kya kwa Yesu Kyapainwe Patanshi kwi Bañanyi, Kabiji na Ñanyi Nkebelo?—w11 5/15 mapa 22-23 mafu. 10-12 (Mamini. 5)

Na. 3: Mambo ka o Kyaikela Kuba’mba Yehoba ye “Lesa Upana Mutende”?—Loma 15:33 (Mamini. 5)

□ Kupwila kwa Mwingilo:

Lwimbo 98

Mamini. 5: Kutatula Lufunjisho lwa Baibolo pa Kibelushi Kitanshi. Jashi. Kwingijisha jishinda jiji pa jipa japelako mu Kyamba kya Usopa kya June, Mweshai bya kutatula lufunjisho lwa Baibolo pa Kibelushi kitanshi mu June. Tundaikai bonse kutatula kufunjisha bantu Baibolo pa kibelushi kitanshi.

Mamini. 15: Kutekezha Nkunwa yo Tubyala. (1 Ko. 3:6-9) Kwisamba pa mepuzho alondelapo. (1) Ñanyi bintu bimulengela kubwela ku bantu bo mwisambile nabo? (2) Bamo kibakatazha byepi kubwela ku bantu bo besambile nabo? (3) Ano makatazho akonsha kupwa byepi? (4) Ñanyi bintu byakonsha kwitukwasha umvwe tukankalwa kubwela ku bantu bo twisambile nabo? (5) Muba byepi umvwe mwatana muntu ubena kukeba kufunda bukine? (6) Mwinengezha byepi kubwela ku bantu bo mwisambile nabo? (7) Mambo ka o kyawamina kwikala na mutanchi pa kubwela ku bantu bo mwisambile nabo?

Mamini. 10: “Odaitu o mu Bena Kukeba.” Mwisambo. Ambilai baji mu luonde bambe byo bamwenamo mu mabuku aji onse o batambwijile pa kushonkena mu mulaka wabo.

Lwimbo 101 ne Lulombelo