BYA BUNEME BIJI MU MAMBO A LESA | YELEMIYA 51-52
Byambo bya Yehoba Byonsetu Bifika
Yehoba waambijile jimo bikamweka kulutwe
Mushilikale wa ku kipango kya bena Pelisha
“Nonai miketo”
Bena Meda ne bena Pelisha bayukile bingi kwasa miketo kabiji baingijishanga mata a mikanda pa kulwa nkondo. Miketo yabo yatwelanga bukiji mambo beinonanga bingi
“Babiyangala ba bena Babilona baleka kulwa”
Jibwe jo bazhiikwile mu Babilona jitelwa’mba Nabonidus Chronicle panembelwe’mba: “Nzhita ya kwa Kilusa yatwelele mu Babilona kwa kubula kulwa nkondo.” Kino kyamwekele byonkatu byaamba bungauzhi bwa kwa Yelemiya
Jibwe jitelwa’mba Nabonidus Chronicle
‘Babilona ukaluka ke milumba ya mabwe kabiji ukashalatu masala myaka ne myaka’
Kutumbalala kwa bena Babilona kwatendekele kuzhiya mu mwaka wa 539 B.C.E. Alekasanda Mukatampe wakebelenga’mba Babilona ekale muzhi mukatampe mu Bufumu bwanji, bino wafwile lufu lwa mu kakimyetu kacheche. Mu myaka ya bena Kilishitu batanshi mu muzhi wa Babilona mwakijinga Bayudea bamo. O ene mambo Petelo o ayijileko. Bino byo papichile myaka nobe 400, uno muzhi wazhiyile ne kushalatu masala