JULY 29–AUGUST 4

• Sl 69:30, 31​—Bino byepelo byakonsha kwitukwasha byepi kuwamishako milombelo yetu? (w99 1/15 18 jifu. 11)

  Nembaipo mukumbu wenu

• Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

  Nembaipo mukumbu wenu

Mu January mu 2009, Kupwila kwa Buku kwa Kipwilo ne Kupwila kwa Sukulu wa Mwingilo wa Lesa konse bekuletele pamo mu kupwila kwa mukachi ka mulungu. Kino kyalengejile bisemi kwikalangapo na kimye kya kupopwela kwa kisemi mo besamba pa bintu byakonsha kukwasha kisemi. Bavula basanta bingi pa luno lunengezho, mambo lwibakwasha bingi kufwenya kwipi ne Yehoba ne kukwatankana mu kisemi.​—Mpi 6:6, 7.

Ñanyi mafunde akonsha kukwasha mitwe ya bisemi kwikalanga na kupopwela kwa kisemi kimye kyonse?

• Ikalainga na kupopwela kwa kisemi kimye kyonse. Inge kyakonsheka, salai kimye ne juba ja kwikelapo na kupopwela kwa kisemi mu mulungu. Mwakonsha kupimpulako juba ja kupopwela kwa kisemi inge kwamweka bintu bya kubula kuketekela

• Nengezhainga. Ipuzhaiko bakazhi benu ne kwipuzha baana bintu byo mwakonsha kwisambapo. Kunengezha kupopwela kwa kisemi kechi kwakonsha kukatazha ne, kikatakata inge kisemi kyenu kiyowa kubwezha bwezhapo lunengezho luntutu lumo pa kupopwela kwa kisemi

• Isambainga pa bintu byakonsha kukwasha kisemi kyenu. Baana byo bakomenako, bintu byo bakeba ne byo balanguluka bipimpulwa. Mutanchi ye mwanengezha wafwainwa kukwasha kisemi kyenu kufwenya kwipi ne Yehoba

• Kwashainga bonse mu kisemi kukasuluka. Kimye kimo, mwakonsha kwikala na kupopwela kwa kisemi pangye inge kya kuba kwakyatu bulongo. Mwakonsha kwikalangako na tubimye twa kukokoloka pa kupopwela kwa kisemi. Nangwa kya kuba mwakonsha kwingijisha kimye kya kupopwela kwa kisemi kwisamba pa makatazho abena kupitamo kisemi kyenu, bino kechi mwafwainwa kwingijishanga kino kimye kukajipila ba mu kisemi ne

• Kubwezha bwezhangapotu bintu bimo ne. Pa kupopwela kwa kisemi mwakonsha kunengezha kupwila, kutamba mavidyo a pa jw.org ne kwisambapo, ne kunengezha bya kwisamba na bantu mu mwingilo. Nangwa kya kuba kupopwela kwa kisemi kwakonsha kwikala mu bumwisambo, bino mwakonsha kwingijisha kino kimye kwikelamo na lufunjisho lwa pa bunke

Isambai pa buno bwipuzho:

• Nanchi mwakingijishapo kala bino bintu byo twisambapo pa kupopwela kwa kisemi nyi?

  Nembaipo mukumbu wenu