AUGUST 5-11

BYA BUNEME BIJI MU MAMBO A LESA

1. Buulainga “Kisemi Kikalondelapo” Bulume bwa Lesa

(Mamini. 10)

Davida wayukile kuba’mba Yehoba wamuzhikijilanga ku bwanyike (Sl 71:5; w99 9/1 18 jifu. 17)

Yehoba wakwashanga Davida ne mu kimye kyo akotele (Sl 71:9; g04 10/8 23 jifu. 3)

Davida watundaikile banyike kupichila mu kwibabuula bintu byo apichilemo (Sl 71:17, 18; w14 1/15 23 mafu. 4-5)

Kisemi kyo bamwesheshe mu lubaji lwajingako mulungu wapwa lwa kuba’mba “Mafunde a Kulondela pa Kupopwela kwa Kisemi.” Baitako bamulume ne mukazhi bakoma ku kupopwela kwa kisemi. Babena kuteleka na lusekelo byo babena kwibabuula byo bapichilemo ne kwibamwesha bipikichala.

IIPUZHAI’MBA, ‘Bañanyi bakalume ba Lesa babanda mu kipwilo bo nakonsha kwitako pa Kupopwela kwa Kisemi ne kwibepuzhapo pa bimo?’

2. Bishinka Bikwabo Byanema

(Mamini. 10)

Sl 72:8—Milaye Yehoba yo alayile Abalahama iji pa Ntendekelo 15:18 yafikile byepi mu bukalama bwa Mfumu Solomone? (it-1 768)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Sl 71:1-24 (th lufunjisho 5)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) KU NZUBO KU NZUBO. Inge muntu watendeka kupachika, chibikizhai mwisambo mu jishinda jawama. (lmd lufunjisho 4 kishinka 5)

5. Pa Kubwelako

(Mamini. 4) BUSAPWISHI BWA KUSHUKILWA. Twajijilai mwisambo na wa mu kisemi ye mwisambile nanji ubena kukankazhama kutendeka kufunda Baibolo. (lmd lufunjisho 8 kishinka 4)

6. Kulumbulula byo Mwaitabilamo

(Mamini. 5) Jashi. ijwfq 49—Kishina: Mambo ka Bakamonyi ba kwa Yehoba o Bapimpwilako Bintu Bimo byo Baitabilamo? (th lufunjisho 17)

BYAFWAINWA KWIKALA BENA KILISHITU

7. Bya Kuba pa Kupopwela kwa Kisemi

(Mamini. 15) Mwisambo.

Kisemi kyonka kyo baji kumwesha, baimana saka bemba nyimbo ya Bufumu.

Babena kutamba mutanchi wa JW Broadcasting.

Mwana wamukazhi umo mu kino kisemi ubena kukumbula bainanji mu kimwesho pa Kupopwela kwa Kisemi.

Kupopwela kwa kisemi kwanema bingi mambo ke kimye kyo mwakonsha kukwashishamo baana ne “kwibajimuna ne kwibafunjisha maana a Yehoba.” (Ef 6:4) Kwikala na kupopwela kwa kisemi kukebewa kwingila na ngovu, pano bino kiwama bingi inge baana baikala na muchima wa kukeba kuyuka bukine buji mu Baibolo. (Yoa 6:27; 1Pe 2:2) Pitulukai mu kakitenguluzha ka kuba’mba “Bya Kuba pa Kupopwela kwa Kisemi” muji byafwainwa kukwasha bansemi pa kuba’mba beyowenga Kupopwela kwa Kisemi, apa bino mwipuzhe luonde ano mepuzho:

Ñanyi jishinda jimo jo mubena kukeba kwingijisha?

Nembaipo mukumbu wenu
Nanchi mwatanapo bintu bikwabo byakonsha kwimukwasha nyi?

Nembaipo mukumbu wenu

BYA KUBA PA KUPOPWELA KWA KISEMI

BAIBOLO:

Telekai ku lubaji lwa kutanga Baibolo lwa yeo mulungu lo batangila jimo, nangwa ipimpuzhanyainga pa kutanga na jiwi jasansuka. Ba mu kisemi mwakonsha kwibabanya kutanga pa bantu baji mu jishimikila ja mu Baibolo jo mubena kutanga
Nengezhai mepuzho aimena pa kutanga Baibolo kwa yeo mulungu. Buulai ba mu kisemi bonse kusalapo bwipuzho bumo ne kupesapesa bishinka pa bobo bwipuzho. Kepo bakonsha kwamba bintu byo bafunjilako
Ipuzhai bwipuzho nangwa ambai pa bintu byakonsha kumweka, apa bino mukebe mafunde a mu Baibolo mu buku wa Binembelo Bikwasha Bena Kilishitu
Vulukainga byamwekele byanembwa mu mashimikila a mu Baibolo
Nengezhai kapepala pa kunemba kinembelo kimo mu mulungu, nabiji Binembelo biji mu bya kulumbulula 1 mu buloshuwa wa kuba’mba Temwai Bantu—Bakwashai Kwikala Baana ba Bwanga, apa bino muvulukenga byambo biji pa kino kyepelo. Pitulukai mu byepelo byo mwanembele milungu yafumako
Tangainga bibaaba bimo mu buku wa Mukekala Myaka ne Myaka
Ambilai ba mu kisemi kwambapo pa bibaaba bimo bya kuba’mba “Mepuzho a mu Baibolo Akumbulwa” nangwa bya kuba’mba “Byepelo bya mu Baibolo byo Balumbulula,” bitanwa pa kipungu kya kuba’mba BIFUNJISHA BAIBOLO pa jw.org

KUPWILA:

Nengezhaipo lubaji lumo lwa kupwila
Nengezhai mikumbu ne kupitulukamo na jiwi jasansuka. Kabiji monai kuba’mba kechi mubena kupitaila pa kimye ne
Pitulukaingamo mu nyimbo ya Bufumu
Isambai ne kupituluka mu bya kwamba pa kutundaika bakwenu kupwila saka kukyangye kutendeka nangwa inge mwapwisha kupwila
Ambai jashi jo bemupa ne ba mu kisemi saka batelekako

MWINGILO WA KUSAPWILA:

Nengezhai bya kusapwila ku nzubo ku nzubo
Nengezhai bya kwamba pa kubwelako
Langulukai pa byo mwakonsha kusapwila busapwishi bwa kushukilwa, apa bino munengezhe byo mwakonsha kwisamba na muntu mu jishinda jawama
Isambai pa byo mwakonsha kwingilako pakatampe mu mukwekele wa Kivuluko kimye kyo mwatambula moba a kukokoloka ku nkito nangwa kimye kyo mwashinka sukulu

BIBENA KUKEBEWA MU KISEMI:

Pitulukai mu byo mwakonsha kuba inge mubena kupita mu bintu bimo nangwa inge mukapitamo kulutwe, nabiji kubula kwivwanga mu bya bumulwila ntanda, kwimwendeleka, kwifwalama, nangwa kusekelela moba a kukokoloka
Kimye kya kupopwela kwa kisemi ambilai baana benu kwikala nobe bansemi ne anweba mwaikala nobe baana. Ambilai baana benu kukeba bishinka pa mutwe umo ne kukesambapo nenu

BINTU BIKWABO BYO MWAKONSHA KUBA:

Tambai mutanchi wa JW Broadcasting^® ne kwisambapo
Tangai kibaaba nangwa kutamba vidyo wa pa jw.org, ne kwisambapo
Isambai pa kibaaba kiji pa “Bya Kukwasha Banyike” nangwa pa “Baana” bitanwa pa kipungu kya kuba’mba BIFUNJISHA BAIBOLO pa jw.org
Pitulukai mu bishinka byo mwafunjile pa kubuñana nangwa pa kushonkena
Langulukainga pa bilengwa, ne kwisamba pa byo mufunjilako pe Yehoba
Pa moba amo itaingako bamo ne kwibepuzhako pa bintu bimo
Ibikilai bikonkwanyi mu mwingilo wa Lesa ne kwisamba pa byo mwakonsha kwibifikizha
Ingijilainga pamo ne kulengapo bintu nabiji mapu, ndonda mwamwekejile bintu nangwa kintu kimo kyajingako kala kyo baambapo mu Baibolo

Tambishai VIDYO wa kuba’mba Twajijilai Kuwamisha Kupopwela kwa Kisemi. Apa bino mwipuzhe luonde amba:

Mutwe wa kisemi wakonsha kukwasha byepi mukazhanji kumwenamo mu kupopwela kwa kisemi inge kechi baji na baana ne?

Nembaipo mukumbu wenu

8. Lufunjisho lwa Baibolo lwa Kipwilo

(Mamini. 30) bt kita. 13 mafu. 17-24