SEPTEMBER 2-8

BYA BUNEME BIJI MU MAMBO A LESA

1. Mweshainga byo Mwatemwa Jizhina ja Yehoba ja Lukumo

(Mamini. 10)

Chinuzhukainga kuba bintu bibula kunemeka Yehoba (Sl 79:9; w17.02 9 jifu. 5)

Itainga pa jizhina ja Yehoba (Sl 80:18; ijwbv 3 mafu. 4-5)

Yehoba upesha bantu bamwesha byo batemwa jizhina janji kupichila mu kumukookela (Sl 81:13, 16)

Mulongo ubena kupa mukwabo mo bengijila kakikachi ka jw.org saka babena kukokoloka. — Pa kuba’mba tutumbijike jizhina ja Yehoba, twafwainwa kwiyukanyikisha kuba’mba twi Bakamonyi banji

2. Bishinka Bikwabo Byanema

(Mamini. 10)

Sl 80:1—Mambo ka jizhina ja Yosefwa kimye kimo o bejingijisha kwimenako mikoka yonse ya bena Isalela? (it-2 111)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Sl 79:1–80:7 (th lufunjisho 10)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mini. 1) KU NZUBO KU NZUBO. Mubuulai pa lunengezho lwa kufunda Baibolo. (lmd lufunjisho 4 kishinka 4)

5. Bya Kutendeka Mwisambo

(Mamini. 3) BUSAPWISHI BWA KUSHUKILWA. Mubuulai pa lunengezho lwa kufunda Baibolo. (lmd lufunjisho 4 kishinka 3)

6. Bya Kutendeka Mwisambo

(Mamini. 2) BUSAPWISHI BWA PA MVULA BANTU. Mubuulai pa lunengezho lwa kufunda Baibolo. (lmd lufunjisho 3 kishinka 3)

7. Pa Kubwelako

(Mamini. 5) KU NZUBO KU NZUBO. Buulai muntu wakaine ku musapwila patanshi lunengezho lwa kufunda Baibolo. (lmd lufunjisho 8 kishinka 3)

BYAFWAINWA KWIKALA BENA KILISHITU

8. “Bakazhijika Jizhina Jami”

(Mamini. 15) Mwisambo.

Satana watendekele kutamisha jizhina ja Yehoba mu bujimi bwa Edena. Kufumatu kyonkakya kimye, kutumbijika jizhina ja Yehoba kyo kintu kyanema bingi ku bilengwa byonse.

Akilangulukai pa bubela bumo Satana bo amba pe Yehoba. Wamba’mba Lesa kalama wakanama kabiji washinta. (Nt 3:1-6; Yob 4:18, 19) Kabiji wamba kuba’mba bapopweshi ba Yehoba kechi bamutemwa kya kine ne. (Yob 2:4, 5) Kabiji walengela bantu bavula bingi kwitabila kuba’mba Yehoba kechi ye Mulenga wa bintu byonse byawama biji pano pa ntanda ne.—Lo 1:20, 21.

Mumvwa byepi ku muchima pa buno bubela? Kwambatu kine, mukebesha bingi kuzhikijila jizhina ja Yehoba. Aye wayukile kuba’mba bantu banji bakakebeshanga kuzhijika jizhina janji. (Esakanyaiko Isaya 29:23.) Mwakonsha kuba byepi pa kuba’mba muzhijikenga jizhina ja Yehoba?

Kwashainga bantu kuyuka Yehoba ne kumutemwa. (Yoa 17:25, 26) Inengezhezhainga jimo kusapwila bantu kuba’mba Lesa koaji ne pa byubilo byanji byawama bingi.—Is 63:7
Temwainga Yehoba na muchima wenu yense. (Mat 22:37, 38) Kookelainga mikambizho ya Yehoba, kechi na mambotu a kuba’mba imukwasha ne, bino na mambo a kuba’mba mukeba kusangajika muchima wa Yehoba.—Man 27:11

Bipikichala: Bipikichala byafuma mu vidyo wa kuba’mba “Butemwe Kechi Bupwa Ne. . . Nangwa kya Kuba Mubena Kupita mu Makatazho ku Sukulu.” 1. Ariel waikala pa kipona ku sukulu mwana wa sukulu mukwabo saka a musonta ne kwipuzha ene mambo o abujila kupana mushingi ku mbandela. 2. Ubena kutanga Baibolo ne buku wa kuba’mba “Bintu byo Mwakonsha Kufunda mu Baibolo” lufunjisho 61 pa lufunjisho lwa pa bunke. 3. Ubena kusapwila bakwabo mu kalasi saka aimana kulutwe. 4. Diego babena kumutambika fwanka ku mukwabo mo bafunjila ku sukulu. 5. Ubena kwingijisha tabuleti pa kukebakeba bishinka. 6. Ubena kufuma ku sukulu saka amwemwesela.

Tambishai VIDYO wa kuba’mba Butemwe Kechi Bupwa Ne . . . Nangwa kya Kuba Mubena Kupita mu Makatazho ku Sukulu. Apa bino mwipuzhe luonde amba:

Ariel ne Diego ba ubile byepi pa kuba’mba bazhikijile jizhina ja Yehoba?

Nembaipo mukumbu wenu
Ñanyi kintu kibatundaikile kuzhikijila jazhina ja Yehoba?

Nembaipo mukumbu wenu
Mwakonsha kulondela byepi lwitabilo lwabo?

Nembaipo mukumbu wenu

9. Lufunjisho lwa Baibolo lwa Kipwilo

(Mamini. 30) bt kita. 15 mafu. 1-7 ne byambo bya kutendekelapo mu kipungu 6