BINTU BIMO BYO MWAFWAINWA KUFUNDAPO
Kuchinchika mu Bimye bya Makatazho
Tangai Yelemiya 38:1-13 pa kuba’mba muyuke bintu byo mwakonsha kufunjilako ku kuchinchika kwamwesheshe ngauzhi Yelemiya ne ntungu Ebeda-meleka.
Yukai bintu byo byajinga. Yelemiya wamwesheshe byepi kuchinchika pa kusapwila byambo bya Yehoba? (Yele. 27:12-14; 28:15-17; 37:6-10) Bantu baubilepo byepi pa byambo byo ebasapwijile?—Yele. 37:15, 16.
Funjilaipo Bikwabo. Bantu bakanjikizhenga Yelemiya kuba ka? (jr 26-27 20-22) Fundai pa byo baingijishanga mishima ne byo yamwekanga mu moba a kala. (it-1 471) Yelemiya waumvwinenga byepi ku muchima byo ajinga mu mushima wa mateshi? Kyamweka Ebeda-meleka wachiinenga ka?—w12 5/1 31 mafu. 2-3.
Yukai bintu byo mwafunjilako. Iipuzhai’mba:
‘Jino jishimikila jibena kumfunjishapo ka pe Yehoba byo azhikijila bakalume banji ba kishinka?’ (Sala. 97:10; Yele. 39:15-18)
‘Mu ñanyi bintu mo nakonsha kumwesha kuchinchika?’
‘Nakonsha kuba byepi pa kuba’mba nchinchikenga ne kuba byaoloka inge mbena kupita mu makatazho?’ (w11 3/1 30)a
a Inge mukeba kuyukilapo bikwabo pa bintu byo mwafwainwa kufundapo, monai mutwe wa kuba’mba “Bya Kuba pa Kufunda” uji mu Kyamba kya Usopa kya July 2023.