LUFUNJISHO 3

Nanchi Bwikalo Bwajinga Byepi mu Paladisa?

Yehoba wapeele Adama ne Evwa bintu byavula byawama bingi. Ntendekelo 1:28

Yehoba byo apwishishe kulenga Evwa, wamupaine kwi Adama

Yehoba walengele mwanamukazhi mutanshi, Evwa ne kumupana kwi Adama kuba’mba ekale mukazhanji.—Ntendekelo 2:21, 22.

Yehoba wibalengele na milanguluko ne mibiji yalumbuluka yabujile bubi.

Adama ne Evwa babena kutala Paladisa mu baikalaga

Muzhi wabo wa Paladisa wajinga bujimi bwa Edena, mpunzha yawama mwajinga mikola, bichi bipanga bipangwa ne banyama.

Yehoba wisambanga nabo; wibafunjishanga. Umvwe bamumvwijile, bakonsheshe kwikala myaka mu Paladisa pano pa ntanda.

Lesa wibakainye kuja ku kichi kimo. Ntendekelo 2:16, 17

Kichi Yehoba kyo akainye Adama ne Evwa kujako

Yehoba wamwesheshe Adama ne Evwa kichi kimo kyajinga mu bujimi, ne kwibabula’mba umvwe bajako bakafwa.

Malaika watama, Satana Diabola, waingijishe mulolo pa kwamba ne Evwa

Malaika umo wasatukijile Lesa. Uno malaika watama ke Satana Diabola.

Satana kechi wakebelenga Adama ne Evwa kukokela Yehoba ne. Onkao mambo, Satana waingijishe muloolo kubuula Evwa kuba’mba umvwe wajako ku kipangwa kya kyokya kichi kechi ukafwa ne, bino amba ukekala pamo nobe Lesa. Buno bwajinga bubela bwine bufiita.—Ntendekelo 3:1-5.