Byakwamba Pakutambika Magazini

Kyamba kya Usopa Apr. 1

“Lesa byoayuka biji mu michima ne byotulanguluka, akye kitukwasha byepi? [Lekai akumbule, apa bino mutange Masalamo 130:3] Ino magazini yalondolola byotwakonsha kulonda Lesa mu byotwakonsha kumvwañana na bakwetu bambulwakoloka byonka byotuji ne atweba.”

Kyamba kya Usopa Apr. 1

“Bena Kilishitu bayuka kuba’mba Mizhilo ya Mosesa jo jishinda Bayudea baakamwanga Lesa jo baishijilemo kuji Kilishitu byonka byo kyalondololwa mu kino kinembelo. [Tangai Ngalatiya 3:24, 25] Ino mizhilo yajinga byepi ‘kalama wabo wa kwibaleta kuji Kilishitu’? [Lekai akumbule] Ino magazini yalondolola bintu bimo byawama byamwekejile bena Kilishitu batanshi balondelanga yoya Mizhilo.”

Kyamba kya Usopa Apr. 1

“Akye kyo kijiilo kitelwa’mba Kijiilo Kyapeleleko. [Yalaulai magazini monse mubiji pa kumumwesha] Nanchi mwayuka’mba akye kyo kyonka kivuluko bena Kilishitu kyobakambizhiwa kuvuluka nyi? [Lekai akumbule, apa bino mutange Luka 22:19.] Ino magazini yalumbulula kuvuluka kino kijiilo byo kwanemena ne byo kilumbulula kwi anweba.”

Kyamba kya Usopa Apr. 1

“Kyanema bingi kimye kyonse kwikala bakimote mu ñambilo yetu mambo kino kilengela bantu kwituteleka. Mambo ka bukimote kyobwawamina? [Lekai akumbule, apa bino mutange Ngalatiya 5:23] Ino magazini yalumbulula Lesa byoatemwa bantu ba bukimote.”