Bya Kwamba pa Kusha Magazini

Kyamba kya Usopa Apr. 1

“Bantu mu moba a Yelemiya betotanga bingi ne kubula kunemeka baluwe ba Lesa. Yelemiya byo ajinga ngauzhi wa Lesa, mwalanguluka amba waubilepo byepi? [Lekai akumbule.] Monai Baibolo byo aamba pa kyamukwashishe kuba’mba atwajijile mu mwingilo wanji. [Tangai Yelemiya 1:19] Ino magazini yamwesha byo twakonsha kumwenamo mu byambo bya lujimuno byaambile Yelemiya.”

Awake Mar.

“Bantangi bavula ba panopantanda betota bingi. Nanchi bino byubilo byakonsha kulengela mutende ne lukwatankano mu ntanda nyi? [Lekai akumbule.] Akyumvwai Baibolo byo aamba pa mambo a kwitota. [Tangai Byambo bya Mana 16:18.] Kino kibaba kyaamba pa buwame buji mu kwikala wikepesha.” Mweshai kibaba kyatendekela pa peja 20.

Kyamba kya Usopa Apr. 1

“Mu mapunzha a mo panopantanda bantu bamba pa bandemona ne pa bulume bwabo. Bano bamalaika babi bongola bantu. Abya mwalanguluka amba atweba bantu bunke bwetu twakonsha kushinda bino bilengwa bya mupashi biji na bulume nyi? [Lekai akumbule.] Ino magazini yamwesha mashinda o twakonsha kushinjilamo bulume bwa bandemona.” Tangai Efisesa 6:13.

Awake Apr.

“Mu mapunzha avula panopantanda, bantu babena kulanguluka amba byubilo byawama bibena kuya na kukepelako. Nanchi anweba byo byo mubena kumona nyi? [Lekai akumbule.] Byubilo byo tubena kumona lelo jino bibena kufikizha bungauzhi bwa mu Baibolo. [Tangai 2 Timoti 3:2-4.] Ino magazini ibena kumwesha kukepelako kwa byubilo byawama byo kubena kulumbulula kabiji ne bantu ko bibena kwibatwala.”